¹ Mbetoa, nareo mpanakareagne'o, tomagnia naho magnorentsegna noho'ty fahoriagne niavy tama'areo. ² Fa lo ty harae'areo, naho ty siki'areo fa nihane ty bararaoke. ³ Le fa niharefesegne iaby ty volama'areo naho ty volafotsi'areo. Le ty harefesegne ro le ho ndaty aivo hitsara anareo. Le hagnoro ty vata'areo manahake'o afo'o zay. Le ama'o andro fara'e reo ty nagnajarea'areo ty harea'areo. ⁴ Ingo, ty karama ty mpiasa ze ie le mitaraigne _ty karama nazi'areo tsy hoe'y ze mpamokatse o tanim-boli'areo'o, naho ty fitaraigna'ze mpijinja le fa niavy an-dravembi a'ty Tompo'ty maro. ⁵ Niaigne amy ty harea t'an-tany etoy nareo naho le nagnararaotse amy ty vata'areo. Le nihatevegne'areo ty arofo areo hoe'y ty andro famonoagne. ⁶ Nagnozogne naho namono'o ndaty marigne'e nareo. Le tsy nandietse anareo reke. ⁷ Le mahareta, ry rahalahe, madram-piavia'i Tompo. Ingo, ty mpamboly mandigne ze vokatse lafo vily boaka ami'ty tane. Mandigne am-paharetagne izay reke, mandram-pahazoa'e ze loha naho ty faram-potoagne. ⁸ Mahàreta, avao ka, nareo. Hamafeso ty fo'areo, satria fa marine ty fiavia'i Tompo. ⁹ Ko mifampitoreo, ry rahalahe, mba tsy ho tsaraigne nareo. Ingo, mitsangagne an-dalagne'eo i mpitsara'ay. ¹⁰ Mangalà ohatse, ry rahalahe, boaka amy ty fijaleagne naho ty fahareta'ze mpitoky, ze nireheke amy ty tahina'i Tompo. ¹¹ Ingo, ataontika sambatse iareo ze fa niaretse. Fa nire'areo ty nifahareta'i Joba, naho le fanta'areo ty tanjo'i Tompo, ty maha-feno ferenaigne naho famindram-po Aze. ¹² Fe ie ambony ty raha iaby, ry rahalahiko, ko mifanta, na amy ty lagnitse na amy ty tane, na amy ty fifantagne hafa. Fe ie ka, ao areke ty reha'areo te hoe: "Einka" ho "Einka" naho "Aha" le ho "Aha," mba tsy hizilike amy ty fitsaragne nareo. ¹³ Misy ndaty ama'areo ao vao mijaly mafy amy ty sarotse? Ao reke hivavake. Misy nday fale vao? Ao reke hihira fideragne. ¹⁴ Misy marare vao ty agnivo'areo eo? Ao reke hitoka ze mpitarike fiangonagne, le ao ka iareo hivavake ho aze. Ao iareo hagnosotse menake aze amy ty tahina'i Tompo. ¹⁵ Le ty fivavahagne amy ty finoagne ro hagnasitragne ze ndaty marare, naho le i Tompo ty hanangagn'aze. Naho nanan-kakeo reke, le hamel'aze ty Andrianagnahare. ¹⁶ Ao mba hifagneke heloke nareo, naho mifampi_vavaha, mba ho sintragne nareo. Ty vavake atao'o ndaty marigne le tena mafe vata'e amy ty fiasa'e. ¹⁷ Lahilahy nitovy amantika avao ka ty Elia. Nivavake mafe reke ty mba tsy hilatsaha'i ranon'oragne'y, naho le tsy nilatsake an-tane t'agnate ty telo taogne naho enem-bolagne zay. ¹⁸ Ie naho boakeo le nivavake ndraike ty Elia. Nagnome ranon'oragne i lagnetse'y, fe ie le namokatse ka i tane'y. ¹⁹ Ry rahalaheko, naho misy ze ama'areo eo te hiala amy ty lalan-kavelogne, naho misy raike mampimpole aze, ²⁰ le toko'e ho fata'o ndaty io te ndra ia ndra ia magnafake ty be hakeo naho amy ty lalagne diso le hamonje aze amy ty fahafatesagne, naho le hanakogne fahotagne tsy efa.