¹ Izaho zoke'ondaty mitilike i Galo mamiko, ie teako amy ty fahamarignagne. ² Nareo teako mivavake raho mba hambinegne amy ty raha iaby rehe le hojangagne manahake ty fagnambinagne ty fagnahi'o. ³ Le nizaha vata'e raho tamy nisy rahalahy niavy nitsangagne ho ndaty aivo tamy ty hato'o, manahake ty nandehana'areo amy ty maregne. ⁴ Tsy managne hafaleam-bey hoe toy raho, le naharey fa mandeha amy ty fahamarenagne iareo anako. ⁵ Nareo teako, manao asa azo atokisagne rehe naho amy ty inogninogne , asa atao'o hoe iareo rahalahy naho iareo ambahiny. ⁶ Le ze nitsangagne ho ndaty aivo ty fitea'o tagnatreha ty fiangonagne eo. Soa ty atao naho alefa'o mandeha amy ty fomba magneva an'Andriagnanahare, ⁷ satria ty agnaragne niala'e, tsy ninday inogninogne rehe boake am'iareo jentilisa. ⁸ Naho zay tikagne le toko'e manahake izay, mba hindre miasa amy ty fahamaregnagne tika. ⁹ Nanoratse raha amy ty fiangonagne raho, faie Diotrefa, ie te ho loha'e am'iareo'oy naho tsy nandrae anay. ¹⁰ Naho zay areke, naho avy raha, le ho tiaroko zer asa nanoe'e, ty fomba nirehafa'e raha tsy manjary manohetse anay mindre amy ty rehake raty. Tsy afa-po ama'o asa reo, tsy nandra'e o' rahalahy reo reke. Mandrara iareo ze te hanao zay reke le nandroake iareo hiakatse i fiangonagney. ¹¹ Nareo teako, ko mangalatahake ze raty fa ze fanjaka; iraike ze nanao ty soa le an'Andriagnahare; i raike ze manao ty raty le tsy nahatrea an'Andriagnanahare. ¹² Ze raha iaby naho ty , le ty i vavolom-belogne i Demetrio. Zahay avao ka mitsangagne ho ndaty aivo, le fanta'o fa maregne ty fagnambara'ay. ¹³ Managne raha maro hosoratagne ama'areo raho, fa tsy magnir hanoratse io amy ty santilo naho rano mainte raho. ¹⁴ Fe nitama hahatrea anareo tsy ho ela, le mirehake mivantagne tikagne. Lonike ho ama'areo ty fiadanagne. ¹⁵ Manao veloma azo iareo nama'o atoy. Veloma amy ty agnara iareo namagne abike.