¹ Lafa tampitsy gn'andro sabata,nivily raha magnitsy hosora aminy fatin'i Jesosy i Maria neniny Jakoba, Salome nivily hagnitsy soa mba handeha ka hagnosotsy gny fatin'i Jesosy. ² Vo maraindray be gn'andro voalohany tamy herign'andro,nandea tan-dolo tegny reo lafa niposaky gny masoandro ³ Nifampiresaky reo hoe: "Ia ro hangala gny vato am-baravaran-dolo ho gn'antsika?" ⁴ Lafa niandra reo,nahita fa ,fa nisy nangala teo vato igny; vato bevata be igny. ⁵ Nilitry tan-dolo tao reo,nahita johary nisiky foty,nipetraky tam-baravara teo,tseriky amizay reo. ⁶ Hoy I tamindreo: "Ka mavozo.Mila an'i Jesosy nareo,gnazy Nazarena nifantsihy igny. Nitsanga I,tsy teo I. Henteo gny toera nametrahandreo Azy. ⁷ Mandehana,volagno mpianatriny sy Petera fa hialoha lala anareo a Galilia i. Agny ro ahitanareo Azy,araky gny nambarany taminareo". ⁸ Niboaky reo kanilay niboaky gny fasa;nangovitry sady tseriky reo. Tsy nivola ndre ino ndre ino tamin'olo reo fotony navozo mare. ⁹ [Fagnamariha: gny fandika taloha soa mare de gny magnala gny Marka 16: 9_20]. Vo maraindray tamy folo andro voalohany herign'andro, tafarany nitsanganany,niseho taminy Maria Magdalena aloha I,gnazy nandroasany demonia fito . ¹⁰ Roso Maria sady nagnambara gny vaovao tminazy niaraky tamy Jesosy; laha mbo nisaona sy nitagny reo. ¹¹ Ren-dreo fa velo I sady nahitaky Azy I ,fe tsy nahatoky reo. ¹² [Gny fandika taloha soa mare de mangalaky gny Marka 16: 9_20]. Tafarany raha iaby reo Jesosy niseho soraky tamy roa tamindreo,laha handeha an-tana agny reo. ¹³ Roso reo ka nivola tamy mpianatry sisa tavela,fe tsy nino reo. ¹⁴ [Fagnamaria: Gny fandika taloha tena soa, mangalaky gny Marka 16: 9_20]. Tafara kely teo niseho tamy raiky ambin'ny folo lahy Jesosy reo mbo tam-pihinana teo,nagnanatry mare nohony tsy finoa sy gny hamafy gny ¹⁵ fon-dreo,fotony tsy nino iaby,ze nahita Azy tafany nitsanganany taminy fahafatesa. Ka hoy I tamindreo: " Mandehana nareo amign'izao tontolo izao,torio amign'olo iaby gny filazantsara. ¹⁶ Ze tsy mino sy hatao Batisa ro ho vonjea,fa ze tsy mino ro ho helohy. ¹⁷ [Fagnamariha: Gny fandika taloha soa mare de mangala Marka 16:9_20]. Reto famantara reto de hagnaraky gnazy mino reo; amign'agnarako ro hagnaboahandreo gny devoly. Hivola aminy fivolagna vaoavao reo. ¹⁸ Handramby menaraha aminy tagna reo sady hino raha mahafaty,fe tsy hampagnino andreo zay. Hametraky tagna aminy magnelo reo,de ho janga regny". ¹⁹ [Fagnamariha: Gny fandika teny soa mare de mangalaky gny Marka 16: 9_20]. Lafa baka niresaky tamindreo gny Tompo,de nampiakary tan-dagnitry agny I sady nipetraky an-tagnakavagnan'i Ray ankavanan-NDzagnahary. ²⁰ Roso nitory tagny gny mpianatsy,gny Tompo niaraky niasa tamin-dreo sady nagnamafy gny safa tamindreo taminy alalagny famantara niaraky tamindreo.