¹ Nandeha niala teo amin'io toera io Jesosy sady nandeha tagny amin'ny faritry gny Jodia sy tagny amy faritry ambany gny Reniranon'i Jordana, sady namonjy Azy ndraiky gny fokonolo. Araky gny fataony, dia nampianatry andreo ndraiky I. ² Namonjy andreo gny fariseo mba itsapa Azy ka nagnontany hoe :'' Ara-dalana ho an'gny johary va gny misaraky amy valiny? ³ Namaly I hoe :'' Ino gny nandidian'i Mosesy anareo?'' ⁴ Dia hoy reo hoe :'' Mosesy namela gny johary raiky hanoratry taratasy fanamarina gny fisaraham-panambadia sady andefa azy bakeo.'' ⁵ Hoy Jesosy tamin-dreo hoe :'' Noho gny hamafin'ny fonareo no nanoratany ho anareo zao lily zao.'' ⁶ Fa rango tamy gny famorogna voalohany Ndranagnahary nanao andreo ho johary sy ampela''. ⁷ Amy izay antony izay, hiala gny babany sy gny neniny gny johary ka hiaraky hipetraky amy valiny, ⁸ sady hanjary ho vata raiky reo roa. Ka tsy ho roa reo, fa ho vata raiky avao. ⁹ Ka zay natambatrin-Ndragnahary, aoka tsy ho sarahign'olombelo. ¹⁰ Laha tan-tragno reo, mbo nagnontany ndraiky mpianatry reny. ¹¹ Hoy I tamin-dreo hoe :'' Na ia na ia johary misaraky amy gny valiny, bakeo manambaly ampela hafa, mijangajanga i zay.'' ¹² Laha misaraky amy valiny gny ampela ka manambaly johary hafa, mijangajanga i zay. ¹³ Bakeo nandesindreo anakindreo reny Taminy teo mba hametrahany tagna, fa nelofa gny mpianatriny reny reo. ¹⁴ Lafa nahita an'izay Jesosy, laha nasiaky mare ka nivola tamin-dreo hoe :'' Ambelao gny zaza hamonjy Ahy, ka rara reo, fa gny fanjakan- Ndragnahary dia an'ireo mahaky azy reo.'' ¹⁵ Ambarako anareo gny tena marina, fa na ia na ia tsy mandramby gny fanjakan-Ndragnahary mahaky gny zaza, laha tsy hilitry any mintsy. ¹⁶ Bakeo, nitrotrony zaza reny no sady nitsofiny rano sady nametrahany tagna. ¹⁷ Laha nanomboky gny liany I, de nisy johary nilomainday ka nandoaliky Taminy teo, ka nanontany hoe :''Mpampianatry soa, ino gny tsy maintsy ataoko mba handovako gny fiaina mandrakizay?'' ¹⁸ Namaly Jesosy hoe :'' Manino ro akenao soa Aho?'' Tsy misy soa mihoatsy an-Ndragnahary raiky avao. ¹⁹ Hainao va gny lily hoe :'' Ka mamono olo, ka mijangajanga, ka mangalatsy, ka manao vavolombelo ngy diso, ka mamitaky, manaja gny baba sy neninao.'' ²⁰ De nivola johary iny hoe :'' Mpampianatry o! fa nataoko nanomboky gny fatanorako raha iaby reo.'' ²¹ Nanenty azy Jesosy ka tia azy. Laha nivola I taminy hoe :'' Misy raha raiky tsy ampy aminao. Tsy maintsy avilinao raha iaby anananao de omeo ze tsy mana, fa hahazo agnana baka andanitsy any ia. Bakeo, manaraha Ahy. ²² Fa noho zay fivolagna zay, laha nalahelo i, fotony nana fagnana maro loatry i. ²³ Nanenty gny manodidy Azy Jesosy no nivola tamy mpinatriny hoe :'' Sarotsy ho an'ny mpanankarea gny hilitry gny fanjakan-Dragnahary.'' ²⁴ Tseriky tamy gny safany gny mpianatry. Hoy Jesosy tamin-dreo hoe :'' Agnaky, sarotsy gny filira amin'ny fanjakan-Dragnahary.'' ²⁵ Mora hoan'ny rameva gny hilitry amy vody gny finjaitsy toy izay gny ilirany mpanankarea amy fanjakan-Dragnahary.'' ²⁶ Tseriky ndraiky gny mpianatsy laha nifanontagny reo hoe :'' Ia ro ho avotsy?'' ²⁷ Nijery andreo Jesosy sady nivola hoe :'' Tsy vita gn'olo zay fa vitan-Dragnahary.'' Fotony, tsisy tsy hain-Dragnahary atao. ²⁸ Ka nanomboky nivola Taminy Petera hoe :'' Enteo fa zahay iaby reto, nambelanay iaby raha iaby, ka nagnaraky anao.'' ²⁹ Hoy Jesosy hoe :'' Ambarako aminareo marina, tsy misy olo niala gny tragnony, na gny rahalahiny; na gny rahavaviny, na gny reniny, na gny babany, na gny agnakiny, na gny taniny noho gny Amiko, sy gny Filazantsara, ³⁰ ka tsy nahazo avo zato eny henaniky zao : de trano, rahalahy, rahavavy, neny, anaky sy tany, miaraky amy fanenjeha, ary amy tao ho avy, dia gny fiaigna mandrakizay. ³¹ Fa gny voalohany ho farany, ary gny farany ho voalohany.'' ³² Tan-dala teny reo ho any Jerosalema, nandeha alohandreo Jesosy. Tseriky gny mpianatsiny,reo nagnaraky Azy tafara navozo. Nikehin'i Jesosy ho Aminy eny ndraiky reo roa ambinifolo ka nanambarany gny raha hahazo Azy tsy ho ela. '' ³³ Enteo, miakatry ho any Jerosalema tsika io zao, ka gny agnan'olo hatolotry gny mpisoronabe sy gny mpanora-dalàgna. Ho heloindreo ho faty I, laha hameany gny jentilisa. ³⁴ I reo iaby, haneso Azy, handora Azy, hamango Azy, sy hamono Azy koa.Fa afaky telo andro hitsanga amy maty I.'' ³⁵ Jakoba, Jaona , agnakin'i Zebedio, namonjy Azy ro nivola taminy hoe :'' Mpampianatry e! Mba tianay laha mba omenao anay zay raha iaby angatahanay amianao.'' ³⁶ Hoy i tam-dreo hoe :'' Ino ro tianareo ataoko aminareo?'' ³⁷ Hoy reo hoe :'' Angao rahay hiaraky hipetraky aminao ao amy voninahitrao, gny raiky an-tagnao ankavagna, gny raiky ankavianao.'' ³⁸ Namaly an-dreo Jesosy hoe :'' Tsy hainareo zay angatainareo. Nareo va afaky misotro amy gny kapoaky isotroako na iaritry atao batisa amy gny anaova batisa Ahy?'' ³⁹ Hoy reo Taminy hoe :'' Vitanay zao.'' Ro nivola tamin-dreo Jesosy hoe :'' Gny kapoaky ho sotroiko, ho sotrinareo koa, gny anaova batisa Ahy, hanaova batisa anareo koa. ⁴⁰ Fa gny hipetraky an-tagnan-kavagnako sy ankaviako, tsy mianky amiko zay. Fa ho andreo nanoma soa an'izay.'' ⁴¹ Lafa nahare gny momba gny zay mpianatsy folo hafa, nanomboky nasiaky tamin'i Jakoba sy Jaona. ⁴² Nikehin'i Jesosy reo ro nivolagny hoe :'' Hainareo va, fa reo zay heritserety ho mpanapaky gny jentilisa ro mpanompo azy reo, ary gny lehibe mpifehy azy reo ro magnampatsy fahefa amin-dreo. ⁴³ Fa tsy tokony hitovy amy zay gny aminareo. Na ia na ia ro magniry ho lehibe aminareo dia ao i mba ho mpanompo nareo, ⁴⁴ ary na ia na ia magniry ho voalohany aminareo dia ao i mba ho andevonareo iaby. ⁴⁵ Fa gny nagnak'olo tsy ho avy ho tompoy, fa hanompo, sy hanolotry gny aigny ho an'olo iaby.'' ⁴⁶ Niavy ta-Jeriko reo. Laha niboaky gny tanà niaraky tamy gny mpianatsiny sy olo maro I, anakin'i Timeo, Bartolomeo, zay nangataky sady jamba, nipetraky tamoron-dala. ⁴⁷ Lafa nahare i fa Jesosy baka Nazareta zay, nanomboky nitabataba mare I no nivola hoe :'' Nao lahy Jesosy, gnanak'i Davia. Mamindra fo amiko! ⁴⁸ Maro gny nivola mare Azy , nivola taminy mba tsy hivola, fa vao maika i nitabataba mare hoe :'' Nao lahy gnanak'i Davida, mamindra fo amiko!'' ⁴⁹ Nijano Jesosy sady nampikaiky azy. Nikaihindreo gnazy tsy nahita igny. Sady novolagnin-dreo hoe :'' Mahereza! Mitsangana! Mikaiky anao I. ⁵⁰ Nariany gny sikiny sady nandeha i, namonjy teo amin'i Jesosy i. ⁵¹ Namaly azy Jesosy sady nivola hoe :'' Ino ro tianao hataoko aminao?'' Niteny johary iny hoe :'' Raby e! te hahita zaho.'' ⁵² Nivola taminy Jesosy hoe :'' Mandehana. Gny finoanao ro nahavoavonjy anao.'' Laha nahita i. Nagnoroky an'i Jesosy tan-dala teny i.