¹ Ary indray andro, raha nampianatra ny vahôka takao amin'ny Tempoly Jesosy ary nitory ny filazantsara, de nagnatogan an'Azy reo ny lohan'ny mposorogna sy mpanora-dalana miaraka tam'reo loholona. ² Nitare izy reo, nagnano tam'Azy hoe: Lazo aminay hoe: amin'ny fahefana ino no agnanôvanao reo ra reo? Na kô iza no nagnome an'nao zao fahefana zao?" ³ Namaly Izy ary nitare an'azy reo hoe: Za kô de hametraka fagnontanena aminareo. Tineno an'Anà ny momba ⁴ ny batisan'i Jaona. Nga ma zany avy aigny an-dagnitra se avy amin'ny olombelona?" ⁵ Niady hevitra zareo, nitare hoe: Raha hamaly tsika hoe: Avy aigny an-dagnitra de hitare izy hoe: Ka nagnino anareo no tsy nino an'Azy? ⁶ Fa raha mitare tsika hoe: Avy amin'olombelona de hitora-bato antsika ny vahôka daôly, satria zareo de magneky fa Jaona de mpaminagny." ⁷ No zany de namaly zareo fa tsy hain'jareo ze niaveny. ⁸ Jesosy nitare tam-jareo hoe: "Za kô tsy hilaza aminareo ze faefana hagnanôvako an'zao ra daôly zao." ⁹ Nitineniny tamin'ny vahôka zao fagnoharana zao. "Nisy leila raika nanagna tanim-bôloboka, nampanofa an'zany tamin'ny mpamboly vôloboka, ary hande taigny amin'ny firenena hafa nandritra ny fotôna ela izy. ¹⁰ Tamin'ny fotôna nifagnomezana de nandefa mpanompo izy ho aigny am'reo mpamboly vôloboka, fa tokony hagnome an'azy ny vokatry ny tanim-bôloboka zareo. Notarôn'reo mpamboly anefa izy, ary nalefany niverigna tagnam-polo." ¹¹ Avy teo de nandefa mpanompo hafa ndre izy ary de notarôn'jareo kô, nalany baraka ary nalefan'jareo tagnam-polo. ¹² Mbola nandefa fagnintelony izy ary noratrain'jareo kô izy, ary noroasiny. ¹³ No zany de nitare ny tompon'le tanim-bôloboka hoe: 'Ino no ho ataoko? Halefako aigny ny zanako là malalako. Mety mba hajain'jareo izy. ¹⁴ Fa rafa tazagn'reo mpamboly vôloboka izy, de nifampiresaka zareo, ary nitare hoe: 'Io le mpandova. Andà ho vonointsika izy, mba ho lasantsika ny lova." ¹⁵ Noroasin'jareo niala ny tanim-bôloboka izy ary novonoin-jareo. Ino ary no hataon'ny tanim-bôloboka am'jareo? ¹⁶ Ho avy izy ary handrôka reo mpamboly vôloboka ary hamindra an'le tanim-bôloboka ho an'ôla hafa." Rafa nareigny an'zany zareo, de nitare hoe: Sagnatrè amin'Andriamanitra!" ¹⁷ Fa nijery an'azy reo Jesosy, nitare hoe: "Ino no dikan'le vôsoratra hoe: Ny vato ze nolavin'reo mpagnorina tragno no tonga vato fehizoro? ¹⁸ Fa n'iza n'iza potraka amin'io vato io de ho torotoro. Fa n'iza n'iza hianjerany de ho potika." ¹⁹ Ka de nitady hisambotra an'Azy tamin'io fotôna io reo mpanoradalana sy reo mpisorogna, fa fantratr'zareo fa nolazainy io fagnoharana io hanoitra an'azy reo. Kanefa natatra ny vahôka zareo. ²⁰ Teo am-pandinihina an'Azy tsara de nandefa mpitsikilo mody ho marina zareo, mba afahan-jareo mahita lesoka amin'ny ze notaraviny, ka hagnolorany an'Azy akeo amin'ny fanapana sy ny faefan'ny governora. ²¹ Nagnontany an'Azy zareo, ary nitare hoe: Mpampianatra ô! fantatray Enao fa mitare sy mampianatra ny marina, ary tsy vôsariky ny hevitr'iza na iza, fa enao de mampianatra am-pamarinana, ary lalan'Andriamanitra. ²² Mety aminay ma ny mandoa vola hetra ho an'Kaisara, sa tsy mety?" ²³ Fa Jesosy de natakatra ny hafetsen-jareo, ary nitare tam-jareo hoe: ²⁴ Mampisehoa denaria raika Aminà. An'iza io sary sy agnarana io? Nitare zareo hoe: an'i Kaisara." ²⁵ Ozy Izy tam-jareo hoe: No zany ameo an'i Kaisara ze an'i Kaisara ary an'Andriamanitra ze an'Andriamanitra." ²⁶ Tsy nahita lesoka tam'ze nolazainy teo agnatrehan'ny vahôka zareo, fa de tofoka tamin'ny valin-teniny ka nangigna. ²⁷ Rafa tonga teo amin'Azy ny sasagny tam'reo Sadoseo, reo ze mitare fa tsisy ny fitsanganana amin'ny maty, ²⁸ nagnotany an'Azy zareo, nagnano hoe: Mpampianatra ô! Mosesy de nanoratra ho antsika fa raha maty sy rahalan'ny leila raika, manam-bady, ary tsy manan-janaka, de tokony haka vady an'le vadin-drahalany le leila, ary hagnome zanaka ho an'ny rahalany. ²⁹ Nisy mpirahala fito ary ny vôlôny nanambady ary maty tsy nanan-janaka, ³⁰ ary ny faharoa kô ôtran'zany. ³¹ Nampakatra an'azy ny fatelo, ary salan'zany avokoa izy fito samy tsy manan-janaka ary maty. ³² Tafaran'zany de maty kô le vevavy. ³³ Amin'ny fitsanganana amin'ny maty, ho vadin'iza ary izy? Fa samy efa nanambady an'azy izy fito." ³⁴ Jesosy nitare tam-jareo hoe: Reo zanak'izao tontolo zao de mampaka-bady sy ampakarina. ³⁵ Fa reo ze hita am'zao andro zao fa mendrika ny handray ny fitsaganana amin'ny maty de tsy hampaka-bady na hampakarina. ³⁶ Tsy ho foaty intsony zareo, satria mitovy am'reo anjely sy reo zanak'Andriamanitra, ze zanaky ny fitsanganana amin'ny maty. ³⁷ Fa ny maty de natsangana, na Mosesy aza nampiseho, teo am'le tôrana ze nisy ny vôroy, ze nagnantsovany ny Tompo ho Andriamanitr'i Abrahama sy Andriamanitr'i Isaka ary Andriamanitr'i Jakaba. ³⁸ Ary Izy de tsy Andriamanitry ny maty, fa ny velona, satria ny daôly de velona akao amin'Azy. ³⁹ Ny sasagny tam'reo mpanora-dalàna namaly hoe: "Mpampianatra ô! tsara ny famalinao." ⁴⁰ Satria tsy sahy nametraka fagnontanena hafa tamin'Azy intsony zareo. ⁴¹ Jesosy nitare an'azy reo hoe: Akôry no ilazan'jareo fa Kristy de zanaka lahin'i Davida. ⁴² Fa Davida tegnany no nitare takao amin'ny bokin'ny Salamo hoe: Ny Tompo nitare tamin'ny Tompoko hoe: "Mipetrà akeo antagnako ankavanana, ⁴³ mandrapagnanôvako ny favalonao ho fitôran-tongotrao." ⁴⁴ No zany Davida de nagnantso an'i Kristy hoe: "Tompo,manakôry no maha zanak'i Davida an'Azy?" ⁴⁵ Teo agnatrehan'ny ôla daôly de nitare tamin'ny mpianany Izy nagnano hoe: ⁴⁶ 'Mitandrema ny amin'ny mpanora-dalàna, ze magniry hande miaraka amin'ny akanjo lava mirebareba, sy te arabaina manokana aigny an-tsena, sy mipetraka amin'ny seza vôlôny akao agnaty Synagoga, ary ny tôrana vôlôny amin'ny fanasana. ⁴⁷ Zareo kô de mandany ny tragnon'reo mpitondra-tegna, ary magnano vavaka lavaregny ho fisehosehona. Ny leila ôtran'zany de ahazo fagnamelôna gedabe mitsy.