¹ Tam'zany andro zany, nisy ôla sasagny takeo nilaza tamin'Azy ny momba an'reo Galiliana ze ny ràn-jareo no nafangaron'i Pilato tamin'ny sorony manokana. ² Namaly Jesosy ary nitare tamin-jareo hoe: "Anareo ma mieritreritra fa reo Galiliana reo de mpagnota mihôtra noho reo Galiliana hafa daôly satria nijaly salan'zany? ³ Tsia, Za mikoragna an'nareo. Fa raha tsy mibebaka anareo, anareo daôly de ho foaty salan'zany. ⁴ Na regny ôla valo ambefolo takao Siloama ze nenjeran'ny tilikambo ka nafaty an-jareo, meritreritra ma anareo fa tegna mpagnota ratsy mihôtra noho reo leila hafa tao Jerosalema regny? ⁵ Tsia, ozy Za. Fa anareo raha tsy mibebaka, anareo daôly iany kô de ho foaty." ⁶ Jesosy nagnano an'zao fagnoharana zao hoe: "Nisy ôla nanagna kakazon'aviavy raika nambolena takeo amin'ny tanim-bôlobony ary tonga izy ary nijery vônkazo takeo amin'azy nefa tsy natazagna na ino na ino. ⁷ Le leila de nitare tamin'ny mpagnano zaridaina hoe: 'Indro, tonga taketo za nandritra ny telo taona ary niezaka nikaraka voa tam'ty kakazo aviavy ty kanefa tsy natazagna mitsy.Kapao io. Magnino io no avela magnimba ny tany?' ⁸ Namaly le mpagnano zaridaina ka nitare hoe: 'Avelao ho akeo io alô am'ty taona ty mandra-pangadiko magnodidina an'azy sy hagnaseko zezika akeo amin'azy. ⁹ Raha mamô izy amin'ny taona magnaraka, de tsara; fa raha tsy zany, de kapao izy!'" ¹⁰ Ary Jesosy nampianatra takao amin'ny raika tamin'ny Synagoga nandritry ny Sabata. ¹¹ Indro nisy vevavt raika ze nanagna ny fanahy ratsin'ny falemena nandritry ny valo ambefolo taona takeo, ary izy de nivokoka ary tsy navita nitsangana tsara. ¹² Nony natazagna an'azy Jesosy, de nagnantso an'azy ka nitare hoe: "Ry vevavy, afaka amin'ny falemenao anao." ¹³ Napetrany takeo amin'azy ny tagnany, ary niaraka tam'zay de nitraka le vevavy ary nihoby an'Andriamanitra. ¹⁴ Saingy ny mpanapaky ny Synagoga de sosy noho ny fagnasitranana nataon'i Jesosy tamin'ny Sabata. Noho zany de namaly le mpanapaka ary nitare tamin'ny vahôka hoe: "Misy enin'andro ze tokony iasana. Tongava ka sitràna, fa kosa tsy amin'ny andro Sabata." ¹⁵ Ny Tompo namaly an'azy ka nitare hoe: "Ry mpiatsaravelatsihy! Tsy samy mamà ny boriky na ny ombiny akao amin'ny valany ma anareo ka mitondra an'zany hisotro ranoamin'ny Sabata? ¹⁶ Ary ôtran'zany kô ty zanakavavin'i Abrahama, ze vôfatotr'i Satana nandritry ny valo ambefolo taona ty, tsy tokony mbô ho vahàna ma ny fatorany amin'ny andro Sabata?" ¹⁷ Ary raha nilaza an'zany ra daôly zany Izy, de megnatra reo daôly ze nagnohitra an'Azy, fa ny vahôka raika manontolo de faly noho reo ra daôly malaza nataony. ¹⁸ Ary Jesosy nitare hoe: "Ôtran'ny akôry ny fanjakan'Andriamanitra, ary ôtran'ny ino no afaka agnoharako an'zany?" ¹⁹ Zany de ôtran'ny vôtsinampy ze nalaina sy nafafin'ny leila raika takeo an-jaridainany, ka lasa kakazo gedabe zany, ary ny voron'ny lagnitra de nagnambôtra ny tragnony takeo am'reo rantsagny." ²⁰ Mbôla nitare fôgna Izy hoe: "Ino no afaka hampitoviziko ny fanjakan'Andriamanitra? ²¹ Zany de ôtran'ny masirasira ze nalain'ny vevavy raika ka nafangarony tamin'ny koba in-telon'ny famarana mandra-piparitany akao agnatin'ny koba daôly." ²² Jesosy de nande nitety ny tanàna sy ny vohitra tsiraikaraika taigny an-dàlana mankaigny Jerosalema ary nampianatra an-jareo. ²³ Nisy anakiray nitare tamin'azy hoe: "Tompo, vitsy ma ny ôla ho vonjena?" Ary ozy tamin-jareo hoe: ²⁴ "Mediva ny hiditra ny varavaragna tery anareo, satria, Za mitare aminareo, betsaka no te-hitsofoka, fa tsy ho afaka ny hiditra. ²⁵ Rafa igny le mitsangana le tompo-tragno ary magnidy varavaragna, de mitsangana akao avelany akeo anareo ka handondona ny varavaragna ary hitare hoe: 'Tompo, Tompo, ampidiro zahay.' Izy hamaly ka hitare aminareo hoe: 'Tsy fantatro anareo na ny fiavenareo.' ²⁶ Ary hitare anareo hoe: 'Nihinana sy nisotro takeo agnolônao zahay, ary Anao efa nampianatra taigny an-dalambenay.' ²⁷ Fa Izy de hamalyy hoe: 'Milaza aminareo Za, tsy fantatro ze fiavenareo. Mialà aketo aminà, anareo mpagnano ratsy!" ²⁸ Hisy fitomanena sy fikotroha-nify rafa indro anareo mahita an'i Abrahama, Isaka, Jakoba, sy ny mpaminagny daôly akao amin'ny fanjakan'Andriamanitra, saingy vôrôka aigny avelany anareo. ²⁹ Zareo de ho avy aigny antsinagnana, andrefana, avaratra, ary atsimo ka hipetraka akeo amin'ny latabatry ny fanjakan'Andriamanitra. ³⁰ Fantatro zao, reo ze tsy de managn-danja no ho vôlôny, ary reo ze tegna managn-danja no ho faragny." ³¹ Tafarakelin'zany, nisy Fariseo sasagny tonga ary nilaza tamin'Azy hoe: "Mandiana ilaozy ny aketo satria Heroda de te-hamono An'nao." ³² Jesosy nitare hoe: "Mandiana ary lazao an'zany ambôhaolo zany hoe: 'Indro, za mandrôka demonia sy magnano fagnasitranana gniany sy amaraigna, ary amin'ny andro fatelo de ho tratrako ny tanjoko.' ³³ Na ino na ino mitranga, zava-dehibe Aminà ny manohy gniany, amaraigna, sy ny andro manaraka, satria tsy azo ekena ny famonoana ny mpaminagny lavitra an'i Jeroalema. ³⁴ "Ry Jerosalema, ry Jerosalema, ze mamono ny mpaminagny sy mitora-bato reo ze nirahina taigny aminareo. Impiry ma Za no nagniry ny hanangona ny zanakareo salan'ny akoho vavy manangona ny zagnany ambany embagny, kanefa tsy nagniry an'zany anareo. ³⁵ Indro, nilôzana ny tragnonareo. Za de mitare aminareo, tsy ho tazagnareo Za ambara-pitinenanareo hoe: "Sambatra ze avy amin'ny agnaran'ny Tompo.'"