¹ Ry ralako, aza mitana ny finona an'i Tompontsika Jesosy Kristy, Le Tompony voninatra, amin'ny fiangarana ny ôla sasagny. ² Atôvo hoe misy ôla miditra amin'ny fivorenareo magnano peratra volamena sy akanjo tsara, ary misy leila mahantra iany kô miditra magnano akanjo maloto. ³ Raha mjery le ôla manano akanjo tsara anao ka mitare hoe: "Azafady mipetrà aketo amin'ny tôrana tsara," fa hitare amin'ny le leila mahantra kosa hoe: "Mitsangàna anao erÿ," na hoe: "Mipetrà aketo an-tongotro ," ⁴ mo tsy mifampitsara aminareo nareo? mo tsy lasa mpitsara amin'ny sain-dratsy nareo? ⁵ Mitainoa, ry rala malalako, tsy efa nofidin'Andriamanitra va ny mahantran'izao tontolo zao, mbô hanakarena amin'ny finona sy mbô ho mpandova ny fanjakana ze nampagnantignaina reo zay te ananjy? ⁶ Fa nareo de nagnala baraka ny mahantra! Mo tsy ny mpanan-karena va no mampahory anareo? ⁷ Mo tsy zareo ma no nagnaratsy ny agnarana tsara ze anareo? ⁸ Na zany aza, raha magnantanteraka ny lalàn'ny mpanjaka nareo, araky ny Soratra Masina hoe: "Tiavo ny namanao ôtran'ny tegnanao," de manao ny tsara nareo. ⁹ Fa raha magnome sitraka ny ôla sasagny kosa nareo,de manota, ka vôeloka toin'ny mpandika lalàna. ¹⁰ Fa n'izan'iza mankatô ny lalàna daôly, kanefa lavo amin'ny lalàna raika fôgna, de ho meloka amin'ny lalàna daôly. ¹¹ Fa le niteny hoe: "Aza mijangajanga," dia niteny iany kô hoe: "Aza mamono ôla." Raha tsy mijangajanga nareo, Kanefa mamono ôla, de lasa mpandika lalàna. ¹² Noho zany mitinena sy magnanova ôtran'reo ze ho tsaraina amin'ny lalàn'ny fahafana. ¹³ Fa ny fitsarana de tonga tsy misy famindram-po ami'reo ze tsy naneo famindram-po. Ary ny famindram-po de mandresy ny fitsarana. ¹⁴ Ino no tsara, ry ralako, raha milaza ny ôla raika fa managna finôna izy. Kanefa tsisy asa? Afaka amonjy anazy ma zany finona zany? ¹⁵ Ataovo hoe misy ralà sy anabavy ratsy fitafy sy tsy ampy ahanina isan'andro. ¹⁶ Atovovy hoe misy raika aminareo miteny aminjareo hoe: "Mandiana am-piadanana, manôva mafana ary mivokisa." Raha tsy magnome an'njareo ny ra ilainy ho an'ny vatagna anareo, ino no matsara anizany? ¹⁷ De otran'zany zany kô ny finona, raha tsisy asa zany, de maty. ¹⁸ Nefa mety misy ôla miteny hoe: "Manam-pinôna anao, ary za magnan' asa," aboagno ana ny finônao tsy misy asa, de aboagnako anao kô ny finônako amin'ny alalan'ny asako. ¹⁹ Anao de mino fa raika iany ny agnaran'Andriamanitra; tsara zany ataonao zany. Fa na reo demonia aza de mino zany, ka de mangitakitaka zareo. ²⁰ Tenareo ho fantatra ve, ry leila adala, fa ny finôna de tsy misy ilana anazy? [Fagnamarinana: Ny dikan-teny talô sasany dia mamaky hoe: "Tenareo ho fantatra ma, ry leila adala, hoe naôna ny finôna tsy misy asa no maty?"] ²¹ Tsy tamin'ny asa kô ma ny nagnamarinana an'i Abrahama raintsaika rafa nanolotra an'Isaka zanany la takeo ambony ny alitara izy? ²² Hitanao fa ny finôna de niasa niaraka tamin'ny asany, ary amin'ny asa de nivôtra ny finôny. ²³ De tanteraka ny Soratra Masina milaza hoe: "Abrahama nino an'Andriamanitra, ka nisaina taminy fahamarinana zany," ary izy nantsovina hoe sakaizan'Andriamanitra. ²⁴ Hitanareo zao fa amin'ny asa no agnamarinana ny ôla, fa tsy amin'ny finôna ihany. ²⁵ Otrany zany kô, Rahaba mpivaro-tegna tsy nohamarinina taminy asany kô ve izy. Rafa nandray reo iraka sy nandefa anjareo tamin'ny lalan-kafa? ²⁶ Fa maty ny teigna ra misaraka amin'ny fagna, de toy zany kô ny finôna tsy misy asa de maty.