¹ Ry raalà, ra misy ôla azon'ny ota,anareo ze ara-pagnà no tokony amerigna anazy ndre aminn'ny faamoram-pagnà. Mivera ny tegnanao, mba tsy ho alaim-pagnà kô an'nao. ² Mifampitondrà ny mavestra, ary amin'izany de tantirao ny lalàni Kristy. ³ Fa ra misy ôla mihevitra ny tegnany ho ra tsisy dikany, de mamitaka ny tegnany izy. ⁴ Tokony handinika ny asany avy ny tsiraikaraika, mba ho an'ny tegnany iany no hireharehany fa tsy amin'ny ôla afa. ⁵ Fa say hitondra ny entany avy ny ôla tsiraikaraika. ⁶ Ny ôla ze nampenarina ny teny tsy maintsy mizara ny ra tsara daôly am'ze mampianatra. ⁷ Aza mety ho fitahana. Tsy azo vazivazena Andemagnitra, fa ze daôly ambolen'ny ôla, no dideny kô. Ho an'ze mamboly vô amin'ny toetrany feno faotana, de avy ami'zany no handideny fahasimbana. ⁸ Ze mambôly vô amin'ny Fanahy, amin'ny Fananhy no handideny ny fiainana mandrakizay. ⁹ Öka tsika mba tsy ho reraka amin'ny fagnanôvan-tso, fa handidy vokatra tsara amin'ny fotôna mety , ra tsy milavo lefogna isika. ¹⁰ Kô no izany, satre magnana fahafahana tsika, de ôka hagnano ny tsara amin'ny ôla daôly, ndrindra fa amin'ny fenaaven'ny finôna. ¹¹ Jereo ny agedan'ny soratra ze nosoratan'ny tagnako ho an'nareo. ¹² Reo ze te hiseho ho tsara amin'ny nofo no miezaka magnery an'nareo mba ho forana. Magnano an'zany zareo mbô hialana amin'ny fahendrena noho ny amin'ny Hazo fijalian'i Kristy. ¹³ Na reo ze tsy vôfora aza de tsy mitandrina ny lalàna, nefa ten'jareo hoforana anareo mba irearean'jareo amin'ny nofonareo. ¹⁴ Nefa tsy hirehareha na ovena na ovena afa-tsy ny amin'ny hazo fijalian'i Kristy Tompontsika ane za, ze nanomboana an'zao tontolo zao takeo aminà, ary za kosa takeo amin'zao tontolo zao. ¹⁵ Fa ny famorana na ny tsy famorana de samy tsisy dikany, fa ny fiagnam-baovao no misy antony. ¹⁶ Ho an'reo daôly se miaigna araka zany fomba zany, de ho an'jareo ane ny fedanana sy ny faindram-po, na amin'ny Israeli' Andremagnitra aza. ¹⁷ Manomboka zao de ôka tsisy agnadala anà, fa itondra reo marik'i Jesôsy akeo amin'ny vatako ¹⁸ za. Ho amin'ny Fanahinareo ane ny fahasoavan'i Jesôsy Kristy Tompontsika, ry raalà. Amena.