¹ Tafaran'ny dimy andro, Ananiasy le mpisorogna be, reo lôholona sasagny, ary mpikabary antsovina hoe Tertylo de nande taigny. Reo leila reo de nitondra fiampangana an'i Paoly takeo agnolôn'ny governora. ² Rafa nitsangana takeo agnolôn'ny governora i Paoly, de nanomboka niampanga an'azy i Tertylo ka nitare tamin'ny governora hoe: "Noho anao de managna fiadanana gedabe zahay, ary ny fahitanao de mitondra fagnovana tsara akeo amin'ny firenenay; ³ ka am-pankasitrahana tanteraka no handraisanay ny ra daôly ze ataonao, ry Feliksa tsara ndrindra. ⁴ Mbô tsy hitanako an'nareo ela lôtra, de mangataka fotôna vetika aminareo za mbô hitaino anà am-pitonena. ⁵ Fa io leila io de tazagnay fa mpagnakotaba ary raika ze nitazika ny Jiosy daôly manerana zao tontolo zao hikomy. Izy no mpitarika sekta Nazarena. ⁶ Ary izy iany kô no niezaka ny handoto ny tempoly, ka de nosamborinay izy. (Fagnamarihana: Reo antontan-taratasy talô de nagnampy hoe: "Tenay ho tsaraina araka ny lalàna izy.") ⁷ (Fagnamarihana: "Reo antontan-taratasy talô de ahitana akao amin'ny andininy faha fito 7 hoe: "Fa Lysia, mpiandraikitra, tonga ary niaka an'azy an-keriny takeo an-tagnanay.") ⁸ Rafa magnontany an'i Paoly mikasika regny ra daôly regny anao, de ho fantatrao ny mikasika regny fiampangana nataonay momba an'azy regny." (Fagnamarihana: Reo antontan-taratasy talô de nagnampy akao amin'ny tapagny vôlôny amin'ny andinin'ny faha vaol 8 hoe: "Nandefa an'nay takeo aminao.") ⁹ Reo Jiosy iany kô de nagnampy trotraka regny fiampangana regny ary nagnamafy fa marina avokô regny. ¹⁰ Fa rafa notondron'ny mpanapaka hitare i Paoly, de namaly Paoly hoe: "Fantatro fa anao de efa mpitsara taketo am'ty firenena ty nandritry ny taona maro, ka de faly ny tegnako magnazava aminao. ¹¹ Ho fantatrao fa tsy mbôla mihôtra ny rombefolo andro zay no niakarako nidera taigny Jerosalema. ¹² Rafa tazagn-jareo takao an-tempoly za, de tsy niady hevitra na tamin'iza na tamin'iza za, ary tsy namporisika ny vahôka, na tao am'reo synagoga, na tao an-tanàna. ¹³ Tsy afaka magnaporofo aminao reo fiampangana ze ataony aminà am'zao fotôna zao zareo. ¹⁴ Saingy za magneky zao aminao, araka ny fampianarana ze antsovin-jareo hoe sekta, de ôtran'zany kô no hanompoko ny Andriamanitry ny razambetsika. Za de mahatoky amin'ny daôly ze akao amin'ny lalàna sy reo vôsoratr'reo mpaminagny. ¹⁵ Managna ny fatokisana an'Andriamanitra ôtran'reo ôla reo za, fa hisy ny fitsanganan'ny marina sy ny ratsy fagnahy amin'ny maty. ¹⁶ Noho zany za de miezaka mandrakariva mbô hanagna fisaignana madio akeo agnatrehan'Andriamanitra sy ny ôlombelona. ¹⁷ Ary tafaran'ny taona maro de tonga za hitondra fagnampena ho an'ny fireneko sy fagnomezana ara-bola. ¹⁸ Rafa vitako zany, nisy Jiosy vitsivitsy avy aigny Asia natazagna anà taigny amin'ny fetin'ny fagnadiovana takao amin'ny tempoly, tsy niaraka tamin'ny vahôka na tabataba. ¹⁹ Reo ôla reo de tokony ho akeo agnatrehanareo am'zao fotôna zao ka hitare ze hiampangan-jareo anà, raha managna ra zareo. ²⁰ Na kô, reo ôla reo iany no tsy tokony hitare ze tazagn-jareo tsy manjary aty aminà rafa nitsangana takeo agnolôn'ny filan-kevitry ny Jiosy za, ²¹ raha tsy hoe momba ny ra raika ze nilelalelako rafa nitsangana takeo anivon-jareo za: 'Zany de mikasika ny fitsanganan'ny maty ze hitsara anà aketo agnatrehanareo gniany.' ²² Ary Feliksa, ze nampafantarina tsara momba le fampenarana. Izy de nitare hoe: "Rafa misigna avy akaigny Jerosalema i Lysia mpandidy, de hagnapa-kevitra ny amin'ny raharahanao za." ²³ Avekeo izy nandidy le kapiteny fa i Paoly de tokony hembesana, fa mbô hisy fahafahana de tsisy am'reo namany ho sakanana amin'ny fanampena ze ra ilainy. ²⁴ Andro vitsivitsy tafaran'zany, de niverigna niaraka tamin'i Drosila vadiny i Feliksa, ze vevavy Jiosy, ka nalefa ho an'i Paoly izy ary naheno tamin'azy ny momba ny finoana akao amin'i Kristy Jesosy. ²⁵ Fa rafa niady hevitra niaraka tamin'azy i Paoly momba ny fahamarinana, fahononan-tegna, sy ny fitsarana ho avy, de lasa raiki(tatra i Feliksa ka nitare hoe: "Mandehana manomboka zao. Fa rafa managna fahafana za afarafara akao, de handefa ho an'nao." ²⁶ Nandritran'zany fotôna zany iany, de nagnentagna izy fa hagnome vola an'azy i Paoly, hono zany de nandefa ho an'azy matetika izy ary nikoragna tamin'azy. ²⁷ Fa rafa afaka roa taona, de lasana governora nandimby an'i Feliksa i Porsio Festosy, saingy Feliksa te hahazo sitraka tam'reo Jiosy, de navelany ho hambesana fôgna i Paoly.