¹ Ary tam-zany andro zany Heroda mpanjaka nisambotra reo sasagny ze an'ny fengonana mbô hafany mampijaly an'azy reo. ² Novonoiny tam'Sabatra Jakoba ralàn'i Jaona. ³ Ary rafa tazany fa nafaly an'reo Jiosy zany, de nagnano ze hisamborana an'i Petera kô izy. Zany de nandritry ny andron'ny mofo tsisy masirasira. ⁴ Rafa avy nosamborina izy, de nataony takao am-ponja izy ary nanendry miaramila efatra toko hiambina an'azy, nanampikasana ny hitondra an'azy akeo am'ôla afaran'ny Paska izy. ⁵ No zany de notanana takao am-ponja Petera, fa ny vavaka de nataon'reo ze takao am-pengonana mafy kokoa tam'Andriamanitra ho an'azy. ⁶ Ny alina alôn'ny hitondran'i Heroda an'azy hotsaraina, Petera de natory takeo agnelagnelagn'ny miaramila rôey, vôfatotra tam'rojo rôey, raha mbola nijanona niambina ny fonja ny mpiandry tao alôn'ny varavaragna. ⁷ Indro, nisy anjelin'ny Tompo nibôgna tampoka teo akekiny, ary nisy hazavana namiratra tao agnatin'ny efitry ny fonja. Nitaroka an'i Petera teo amin'ny ilany izy ary namô an'azy ka nagnano hoe: "Mitsangàna haingana," ary reo rojony niala tam'tagnany. ⁸ Ny anjely niteny taminazy hoe: "Ampiakanjô ny tegnanao ary agnanôvo ny kraronao." De nataon'i Petera araka zany. Ny anjely niteny taminazy hoe: "Anôvo ny akanjonao ambelagny ary magnarà anà." ⁹ De nagnarala an'le anjely Petera ary nivôka. Tsy fantany fa reo ze nataon'ny anjely de tegna izy. Nihevitra izy fa nahita fahitana. ¹⁰ Rafa avy nandalo teo amin'ny mpiambina vôlôny sy faharô izy reo, de tonga takeo am'vavahady vy ze mizotra mankaigny am'tagnàna; nisokatar ho an'azy tam-jareo zany. Nivôka izy reo nidigna tam'lalana raika, ary le anjely nandôsa an'azy avy hatraigny. ¹¹ Rafa niverigna tam'tegnany Petera, niteny izy hoe: "Am-zao de fantatro marina fa ny Tompo no nandefa ny anjeliny ary nanafaka anà tam'tagnan'i Heroda, sy tam-ra daôly ze nandrasan'ny Jiosy hibôgna. ¹² Rafa tonga saigna tam-zany izy, de nankaigny am-tragnon'i Maria maman'i Jaona, antsovigna kô hoe Marka, ze nisy ôla betsaka nitarongona sy nivavaka. ¹³ Rafa nandondona teo am-bavahady izy, nisy mpanompo vavay raika antsovigna hoe: Roda tonga namaly. ¹⁴ Rafa fantany ny feon'i Petera, tam-kafalena de tsy nahavita namô ny varavaragna izy; fa kosa, nande nihazakazaka nankaigny an-trano izy, notateriny fa Petera nitsangana teo am-baravaragna. ¹⁵ De niteny taminazy izy reo hoe: "Adala enao." Fa nagnizingizigna izy fa zany no izy. Niteny izy reo hoe: "Ny anjeliny zany." ¹⁶ Fa Petera nanohy nandondona, ary rafa novohain'jareo ny varavaragna, de natazagna an'azy izy reo ary gaga. ¹⁷ Petera nagnetsika ny tagnany tam-jareo ny fomba nitondran'ny Tompo an'azy nivôka ny fonja. Ozy izy hoe: "Tatero aigny am'i Jakoba sy reo rahalà zany ra zany. "De niala izy ary nandeha taigny tamin'ny tôran-kafa. ¹⁸ Ary rafa nazava ny andro, de tsisy fentanam-po kely teo am'reo miaramila ny am-ze nibôgna tam'i Petera. ¹⁹ Rafa avy nikaraka an'ze Heroda ary tsy nahita an'azy, de nagnadihady ny mpiandry izy ary nandidy an'azy reo mba hovonoina. De nidigna avy aigny Jodia nankaigny Kaisaria izy ary nitôtra taigny. ²⁰ Ary Heroda de tezitra mafy tam-vahôkan'i Tyra sy Sidona. Niara-nankaigny aminazy izy reo. Nandresy lahatra an'i Blasto izy reo, le mpanampin'ny mpanjaka, mba hanampy an'azy reo. De nangataka fihavanana izy reo, satria ny tagnànan'jareo de mandray ny ahaniny avy am-panjakan'ny tagnàna. ²¹ Tamin'ny andro vôtondro Heroda de nampenkanjo ny tegnany akanjona mpanjaka ary nipetraka takeo am'seza fendrianana; nikabaray tam-jareo izy. ²² Nikikika ny vahôka: "Zany de feona andriamanitra, fa tsy an'ôla! ²³ Teo no eo de nisy anjelin'ny Tompo naninaka an'azy; satria tsy nagnome voninahitra an'Andriamanitra izy; nohanin'ny kankana izy de maty. ²⁴ Fa ny tenin'Andriamanitra nitombo sy miha-betsaka. ²⁵ Ka rafa vitan'i Barnabasy sy Saoly ny iraka nampanôvina an'jareo, de niverigna avy taigny (Ny sasagny am'reo de soratra tranainy miteny hoe: "Izy reo niverigna taigny Jerosalema) Jerosalema izy reo, nitondra an'i Jaona niaraka tam-jareo, ze antsovina iany kô hoe Marka.