¹ Tonga gne Fariseo sy Sadiseo da nitsapa Anazy da nagnaraky Anazy mba hagnaboaky anazy gne famataragny avy an-dagnitry. ² Fa Izy namaly sady nizaka hoe: "Rehefa hariva, da hoy anareo hoe: 'Ho tsara gne andro,fa Mena gne lagnitry.' ³ Rehefa mandraigny, da hoy anareo hoe: 'Ho ratsy gne andro, fa mena sy manjombogny gne lagnitry.' Hainareo gne mamantatry gne endrikin' e lagnitry, fa anareo tsy afaky mandika gne famantaragny e fotoagny. ⁴ Gne taranaky ratsy sy mpijangajanga da mitady famantaragny, fa tsy hisy famantaragny homegny anazy ankotry gne famantaran'i Jona. " Aveo Jesosy niala andreo da lasa. ⁵ Rehefa tonga tagnilany gne mpianatry da adignin-dreo e nitondra mofo. ⁶ Hoy Jesosy tamin-dreo hoe: "Miambena da mitandrema amin'gne masirasiran'gne Fariseo sy Sadiseo." ⁷ Niady hevitry gne mpianatry da nizaka hoe: "Noho isika tsy nitondra mofo izany.' ⁸ Jesosy nahafantatry anizany da nizaka hoe: "Anareo kidy finoagny, nagnino anareo gne miady hevitry aminareo da mizaka fa nohon'gne tsy nitondranareo mofo izany? ⁹ Mbola tsy fantatrinareo na tadidinareo me gne mofo dimy ho an'gne dimy arivo, da sobika gne nangoninareo? ¹⁰ Na gne mofo fito ho an'gne efatr'arivo, da sobika firy gne nalainareo? ¹¹ Akoignaia gne tsy ahazaoanareo fa tsy momba gne mofo gne nizakaiko anareo? Miambena sady mitandrema amin'gne masirasiran'e Fariseo sy Sadiseo." ¹² Aveo azon-dreo fa tsy hitandrigny amin'gne masirasiran'e mofo gne nizakaigny andreo, fa hitandrigny gne amin'e fampianaran'gne Friseo sy Sadiseo. ¹³ Da rehefa tonga tamin'gne faritry akekin'gne Kaisaria-filipo Jesosy, da nagnotany gne mpianatriny Izy, magnano hoe: "Anin'olo ia me gne Zanak'olo?" ¹⁴ Hoy indre hoe: "Gne sasany mizaka fa Jaona mpagnano batisa; e sasany, Elia; gne hafa, Jeremia, na gne raiky amin'gne mpaminany." ¹⁵ Hoy Izy tamin-dreo hoe: "Anareo magnano Ana ho ia?" ¹⁶ Namaly, Simona Petera nagnano hoe: "Anao gne Kristy, Zanak'e Andriamanitry velogny." ¹⁷ Namaly Jesosy da nagnano hoe: "Sambatry anao, Simona Bar-Jaona, fa tsy gne nofo sy rà gne naharegny izany taminao, fa gne Raiko izay an-dagnitry. ¹⁸ Zakaiko aminao avakoa fa anao e Petera, da ambonin'ity vatolampy ity gne hagnorenako gne fiangonagny. Gne vavahadin'gne kobory da tsy haharesy izany. ¹⁹ Homeko anareo gne fanalahidin'gne fanjakan'e lagnitry. Ndre ino ndre ino fehezinareo ambonin'gne tany aty da ho fehezigny an-dagnitry agny, da ndre ino ndre ino vahanareo an-tany aty da ho vahagny an-dagnitry agny." ²⁰ Aveo Jesosy nandidy gne mpianatry fa indreo da tsy tokony hizaka na amin'ia na ia fa Izy e Kristy. ²¹ Tamin'izany fotoagny izany Jesosy nanomboky nizaka gne mpianatriny fa tsy maintsy ho a Jerosalema Izy, hizaka fijaliagny maro an-tanan'gne olombe sy gne lohan'e mpisorogny da gne mpanora-dalàgny, ho vonoigny, sy hatsangagny indraiky amin'e andro fahatelo. ²² Aveo Petera nangala Anazy da nizaka mafy Anazy, magnano hoe: "Ho lavitry anao izany, ry Tompo; tsy hitranga aminao mihitsy anie izany." ²³ Fa Jesosy nitodiky da nizaka tamin'i Petera hoe: "Mialà any ivohoko, ry Satana! Anao da fanafitohinagny ho Ana, noho anao tsy miraharaha gne zavatr'Andriamanitry, fa gne zavatr'gne olo." ²⁴ Aveo Jesosy nizaka tamin'gne mpianatriny hoe: "Ra misy ta-hagnaraky Ana, da tsy maintsy mandà gne tegnany izy, hitondra gne hazofijaliagny, sady magnaraky Ana. ²⁵ Fa ndre ia ndre ia ta-hamonjy gne ainy da hahavery anazy, da ndre ia ndre ia gne hahavery gne ainy nohon'e amina, da hahazo anizany. ²⁶ Fa ino me gne soa ho azon'e olo raha mahazo izao tontolo izao f'izy very gne ainy? Ino gn'omen'olo ho takalon'e ainy? ²⁷ Fa gne Zanak'olo da ho avy amin'gne voninahitry e Rainy miaraky amin'gne anjeliny. Aveo Izy hamaly soa gne olo kiraikiraiky araky gne vitany. ²⁸ Zakaiko marina aminareo, fa misy sasany aminareo izay mijoro etoa gne tsy hitsapa gne fahafatesany mandrapahitan-dreo gne Zanak'olo tonga amin'gne fanjakany."