¹ Aveo nisy Fariseo sy mpanora-dalagnysasatsasany avy agny Jerosalema nagnotany an'i Jesosy. Hoy indreo hoe: ² "Nagnino gne mpianatrao gne mandika gne fomban-drazan'e zoky olo? Fa tsy manasa gne tagnany indreoalihan'e hinagny." ³ Namaly Izy da nizaka tamin-dreo hoe: "Ka nagnino anareo gne mandika gne lalàn'Andriamanitry nohon'e fomban-drazanareo? ⁴ Fa Andriamanitry nizaka hoe: 'Hajay gne abanao izy amin'endrinao; da 'Izay mizaka ratsy gne abany na gne endriny, da ho faty tokotry.' ⁵ Fa anareo mizaka hoe:' Na ia na ia mizaka amin'i abany na i endriny hoe: "Ndre ino ndre ino fagnampiagny izay azonareo avy amina da fagnomezagny ho an'Andriamanitry aminizao,'" ⁶ izany olo izany da tsy mila magnaja gne abany. Amin'izany fomba izany da nifoagnanareo gne zan'Andriamanitry nohon'e tombontsoan'gne fomban-drazanareo. ⁷ Ry mpiahatsaravelatsy! Marina gne faminanian'Isaia momba anareo raha nizaka izy hoe: ⁸ 'Ity fokonolo ity da magnaja ana amin'e molotrin-dreo, fa gne fon-dreo da lavitry ana. ⁹ Tsy misy dikany gne fideragny ana, satria indreo mampianatry gne didin'olombelo ako gne fampianaran-dreo.'" ¹⁰ Aveo nangaiky gne fokonolo ho eo amin'Azy Izy da nizaka tamindreo hoe: "Mitenoma da mahazoa- ¹¹ Tsy gne miditry ao ambavan'gne olo e mandoto gne olo. F'izy, izay ajotson'gne vava, gne mandoto gn'olo." ¹² Aveo nagnatogny gne mpianatry da nizaka tamin'i Jesosy hoe: "Fantatrao me fa tafitoignygne Fariseo naharegny izany zaka izany? ¹³ Jesosy namaly da nizaka hoe: "Gne zava-maniry izay tsy nambolen'i Abako an-dagnitry da ho fongorigny agnaby. ¹⁴ Apetray indreo ho eo, indreo da mpitariky jamba. Raha misy jamba raiky mitariky jamba raiky hafa, da samby latsaky andavaky izy roy." ¹⁵ Petera namaly da nizaka tamin'i Jesosy hoe: "Azavay aminay izany fanoharagny izany." ¹⁶ Hoy Jesosy hoe: Tsy managny fahalalagny avakoa me anareo?" ¹⁷ Tsy hitanareo me fa izay miditry amin'e vava da miditry ame troky da aveo da hajotso ame kabone? ¹⁸ Fa gne ra hajotson'e vava da avy ame fo. Io ra io gne mandoto gne olo raiky. ¹⁹ Fa avy ame fo gne hivohan'gne saigny ratsy, gne vono olo, gne fijangajangagny, gne fangalagny vadinolo, gne halatry, gne fijoroagny vavolombelogny tsy marina, da gne fizakagny ratsy. ²⁰ ireo ra gne mandoto gne olo raiky. Fa gne mihinagny amin'gne tagna tsy misasa da tsy mandoto gne olo raiky." ²¹ Aveo Jesosy niala teo da nipody tamin'gne faritanin'i Tyro sy Sidona. ²² Inty, nisy viavy Kananita raiky avy amin'izany faritry izany. Nangaiky mafy izy da nizaka hoe: "Mamindra fo amina, ro Tompo, Zanak'i Davida! Gne zanako viavy da sahiragnin'e demonia mafy." ²³ Fa Jesosy tsy namaly zaka anazy. Nagnotany gne mpianatriny da nangataky taminazy, nagnano hoe: "Roahy izy, fa maresaky amintsika." ²⁴ Fa Jesosy namaly da nizaka hoe: "Tsy nirahigny ho an'ia na ia Iao afa tsy ho an'gne ondry very ame tokatragnon'Israely." ²⁵ Fa avy nangataky sy niondriky tagnatrehany izy, nagnano hoe: "Tompo, vonjeo iao." ²⁶ Namaly Izy da nagnao hoe: " Tsy rariny raha alaigny gne mofon-jaza da atsipy ho an'e amboa." ²⁷ Fa hoy izy hoe: "Eka, Tompo, fa ndre da gn'amboa aza mba mihinagny gne potipotiky latsaky avy ame latabatry e tompony." ²⁸ Da namaly Jesosy da nizaka taminazy hoe: "Raviavy, zakabe gne finoanao; ho tanteraky aminao anie izany arak'gne iriananao." Da sitragny gne zanany viavy tamizany lera izany. ²⁹ Niala teo Jesosy da nandea akekin'e ranomasin'ny Galilia. Aveo da niakatry tegny an-tendrombohitry raiky Izy da nipetraky teo. ³⁰ Fokonolo marobe gne nagnatogny Anazy. Noentin-dreo niaraky tamin-dreo gne mandringagny, da gne marary maro hafa avakoa. Napetrakin-dreo an-tongotrin'i Jesosy indreo; da nositragniny. ³¹ Ka da variagny gne fokonolo raha nahita gne moagny nizaka, gne kilemaigny sitragny, gne malemy hafaky mandea, da gne jamba mahiratry. Nankalaza gne Andriamanitr'Israely indreo. ³² Nangaiky gne mpianatriny mba hagnatogny Anazy Jesosy da nizaka hoe: "Maforaigny gne fokonolo Iao, satria efa telo andro sahady indreo gne nipetraky niaraky tamina nefa tsy managny hoanigny. Tsy te andefa andreo tsy mihinagny Iao, sao da ho toragny an-dalagny agny." ³³ Hoy gne mpianatry Taminazy hoe: "Aia gne hahitagny mofo sahaza sy ampy gne fokonolo maro be toa ame tany fogny?" ³⁴ Hoy Jesosy tamindreo hoe: "Mofo firy gne aminareo?" Da hoy indreo hoe: "Fito, sy laokan-drano amdiniky vitsy." ³⁵ Aveo Jesosy nandidy gne fokonolo mba hipetraky ame tany. ³⁶ Nangala gne mofo fito izy ame laokan-drano Izy, da rehefa nisaotry, da namaky gne mofo da nanolotry ho an'gne mpianatry. Gne mpianatry nagnome ho an'e fokonolo. ³⁷ Nihinagny da afa-po gne fokonolo marobe. Aveo indreo nanagno sobika fito feno sisasisa gne tsy lany. ³⁸ Ireo zay nihinagny da efatra arivo là, tsy agnatiny gne zaza izy ame viavy. ³⁹ Aveo Jesosy nagnapody gne fokonolo da niondragny an-dakagny sady nandea min'gne faritr'i Magadana.