¹ Taminizany fotoana izany, Heroda mpanjaka naharegny gne vaovao momba an'i Jesosy. ² Hoy izy tamin'gne mpanompony hoe: "I Jaona mpagnano batisa izany; nitsangagny tamin'gne maty izy. Noho izany da miasa amizany ireo hery ireo." ³ Fa Heroda nisambotry an'i Jaona, namatotry anazy, da nandefa anazy tamin'gne tragno mizigny nohon'i Herodiasy, vadin'i Filipo ralany. ⁴ Da hoy Jaona taminazy hoe: "Tsy ara-dalagny ho anao gne managny anazy ho vadinao." ⁵ Nagniry gne hamono anazy Heroda, f'izy nataotry an'gne fokonolo izy, satria noresin-dreo ako mpaminany izy. ⁶ Fa rehefa tonga gne fitsingerenan'andro nahateran'i Heroda, da nandihy tafovoan'gne vahiny nasaigny e zanaka viavin'i Herodiasy ka nahafinaritry an'i Heroda. ⁷ Ho setrin'izany, da nampagnategna tamin'gne fiainagny izy e hagnome izay hangatahiny ndre ino ndre ino. ⁸ Rehefa avy nambaran'i endriny hevitry, da hoy izy hoe: " Omeo ana etoa, ambonin'gne lasety, gne lohan'i Jaona mpagnano batisa." ⁹ Nalahelo mafy nohon'gne fangatahany e mpanjaka, f'izy nohon'gne voadiny sy noho gne maro nisakafo niaraky taminazy, da nagnome beko izy fa tokony ho vita izany. ¹⁰ Nagniraky da nanapaky gne lohan'i Jaona ta an-tranomaizigny izy. ¹¹ Aveo noentiny tamin'gne lasety e lohany da nomeny e zazaviavy da nentiny tamin'e reniny izany. ¹² Aveo da tonga gne mpianatriny, nangala gne faty, da nandevigny izany. Tafaran'izany, da nandefa andreo nizaka tamin'i Jesosy. ¹³ Da ra naregny anizany Jesosy, da niala avy tagnaty laka raiky izy handea amin'e toeragny mitokagny raiky. Ra naregny anizany gne fokonolo, da nagnaraky Anazy an-tongotry avy tamin'gne tanagny zakabe. ¹⁴ Aveo Jesosy nagnatogny aloan-dreo da nahita fokonolo marobe. Nalahelo andreo Izy da nagnasitragny gne aretin-dreo. ¹⁵ Ra tonga gne hariva, da nagnatogny aminazy gne mpianatry da nizaka hoe: "Ity da toeragny foagny, sady efa tapitry gne andro. Alefaso gne fokonolo, mba hahafan-dreo mandea amin'gne tanagny sady hividy sakafo ho an-dreo." ¹⁶ Jesosy nizaka andreo hoe: "Tsy mila mandea lavitry indreo. Omenareo ra hoanigny indreo." ¹⁷ Hoy indreo taminazy hoe: "Mofo dimy sy laoky andrano roy gne hanagnanay atoa." ¹⁸ Hoy Jesosy hoe: "Indeso amina aty izany." ¹⁹ Aveo Jesosy nibeko gne fokonolo mba hipetraky amin'e bozaky. Nalainy gne mofo dimy sy laoky andrano roy. Niandrandra ta an-dagnitry, da nisaotry Izy da nanapaky gne mofo da nagnome gne mpianatry, da gne mpianatry nagnome izany gne fokonolo. ²⁰ Nihinagny aby izy marobe da voky. Aveo da nongonin-dreo gne sisan'e potitsakafo da nahafeno roambinifolo harogny. ²¹ Tamin'gne dimy arivo là teo gne nihinagny, ankoatran'gne zaza amam-behivavy. ²² Avy da nampandehaniny tagnatin'e sambokidy da handeha hialoha Anazy handea esaky agnilany indreo mpianatriny, igny Izy mbola nandefa gne vahoaky. ²³ Tafaran'e nandefasan-dreo fokonolo, da nandeha niakatry t'antendrombohitry raiky Izy mba hivavaky. Rehefa avy gne hariva, da Izy raiky e teo. ²⁴ Gne sambo da efa dila lavitry gne tanety, natopatopany gn'onja, satri nitsoky nanohitry andreo gne rivotry. ²⁵ Tamin'e fiambenagny fahefatry gne aligny da nagnantogny andreo Jesosy, nandea t'ambonin'gne ranomasigny. ²⁶ Ra nahita Anazy nandea tambony ranomasigny gne mpianatry, da raikitry tahotry da nizaka hoe: "Angatry io" da nikiakiaky tamin-tahotry indre. ²⁷ Fa Jesosy tonga da nizaka tamin-dreo hoe: "Mahereza! Iao itoa! Ka mataotry." ²⁸ Namaly Anazy Petera da nagnano hoe: "Tompo, ra Anao io, da ampagnatogny Anao ambonin'gne rano egny iao." ²⁹ Hoy Jesosy hoe: "Magnatogna" da niala avy tagnaty lakagny Petera da nandea tambony rano mba hagnatogny ani'i Jesosy. ³⁰ Fa ra nahita gne rivotry Petera, da lasa nataotry. Ra igny izy nanomboky nilentiky igny, da nikiaky mafyizy sady nizaka hoe: "Tompo, vonjeo iao!. ³¹ Tonga da nagnapatry gne tagnany Jesosy, nitazogny an'i Petera, da nizaka taminazy hoe: "Anao kidy finoagny, nagnino anao gne nisalasala?" ³² Aveo Jesosy sy Petera nandeha namonjy gne laka, nijanogny nifofofo gne rivotry. ³³ Aveo gne mpianatry tagnaty laka nidera an'i Jesosy da nizaka hoe: "Anao marina gne Zanak'Andriamanitry." ³⁴ Rehefa avy niampita indre, da tonga ta an-tanety ta Genesareta. ³⁵ Ra nahafantatry an'i Jesosy gne lelatao amin'izany toeragnyzany, da nandefa hafatry tamin'gne faritry magnodidigny marobe, da nentin-dreo tAminazy gne olo narary marobe. ³⁶ Nanambitamby Taminazy indreo mba hahafan-dreo makasiky gne moron'akanjony fotsiny aza, da maro gne nikasiky anizany da sitragny.