¹ Matokia izao zako izao.Raha misy olo magniry gne ho mpiandraikitry, da magniry asa tsara izy. ² Noho izany da gne mpiandraikitry da tsy maintsy tsy mana-tsigny. Tsy maintsy manam-bady viavy raiky izy. Izy da tokony hahay handajalanja, hendry, tia filaminagny, tia mandray olo. Tsy maintsy mahay mampianatry izy. ³ Tsy tokony za-dratsy ame divay izy, tsy mpila-ady, fa koa, malemy fagnahy, feno fiadagnam-po. Izy da tsy tokony ho tia vola. ⁴ Tokony hitantagny tsara gne tokantragnony izy, sady gne zanany da tokony hagneky an'azy am-pagnazagny tanteraky. ⁵ Fa raha tsy mahay mitantagny gne tokantragnony izy, akognaia gne hikarakarany gne fiangonan'Andriamanitry? ⁶ Tsy tokony ho olo vao niova fo izy, mba tsy hieboeboany ka ho lavo ame fagnameloagny mitovy ame devoly. ⁷ Izy avao koa da tsy maintsy tsara laza ame olo egny ambadiky, mba tsy lavo agnaty fahafaham-baraka izy ame fandriky gne devoly. ⁸ Gne Diakona, akô izany avakoa, da tokony ho mendriky. Indreo da tsy tokony hisotro divay be lôtry na tsy malala voky ara-tsakafo. ⁹ Tokony hitazogny gne fahamarinan'e finoagny nambara miaraky ame feon'e fiheritreretagny madio. ¹⁰ Indreo avakoa da tokony ho sedraigny mialoha, avy eo da tokony hanompo satria tsy manan-tsigny indreo. ¹¹ Gne viavy avakoa da tokony ho mendriky mitovy amin'izany. Tsy tokony ho mpagnendrikendriky indreo. Tokony hahay handanjalanja sady mahatoky ame raha agnaby. ¹² Gne Diakona da tokony hanambady viavy raiky. Tsy maintsy mitantagny tsara gne zanany izy ame tokantragnony indreo. ¹³ Fa gne izay nanompo tsara da handray gne laza tsara izy ame fahatokisagny zakabe ame finoagny ho an'e vatandreo izay ao amin'i Jesosy Kristy. ¹⁴ Manoratry an'itoa raha toa aminao iao, sady magnantegna gne ho avy tsy ho ela agny aminao iao. ¹⁵ Fa raha tara iao, da manoratry mba hahafantaranareo gne fitondran-tegna ao ame tokantragnon'Andriamanitry, izay fiangonan'Andriamanitry velogny, gne vato fehizoro sy fiorenan'e fahamarinagny. ¹⁶ Tsy azo andanagny fa gne fahamarinagny nambara izay araky an'Andriamanitry da zakabe: "Izy da nibôky tame nofitry, nomahirin'e fagnahy, hitan'e anjely, nambara tagnivon'e firenegny, ninoan'izao tontolo izao, sady nasandratry tamin'e voninahitry."