¹ Izay hatramin'e fanomboagny-izay efa regninay, izay efa hitanaytame masonay, izay efa notaragninay, sady izay efa nokasihan'e tagnanay- izany da momba gne zakan'efianagny. ² Akô izany avao koa, gne fainagny da nampafantarigny, sady efa hitanay izany, ka mijoro vavolombelogny amizany iay. Iay da magnambara aminareo gne fianagny mandrakizay, izay tao ame Ray, sady izay efa nampafantarigny anay. ³ Izay efa hitanay izy ame regninay da ambaranay aminareo avao koa, mba hanagnanareo fiofandraisagny aminay da ame Ray izy ame Zanany, Jesosy Kristy. ⁴ Akôizany avao koa, manoratry an'io raha io ho anareo iay mba ho tanteraky gne fifaliatsika.[Fagnamarihagny: Gne dika-teny taloha sasany da mivaky akô izao: "Sady manoratry an'io raha io iay mba ho tanteraky gne fifalianareo."] ⁵ Izao gne hafatry izay efa regninay avy tamin'Azy ka ambaranay aminareo: Andriamanitry da fahazavagny, sady ao amin'Azy da tsisy mizigny mihitsy. ⁶ Raha mizaka atsika fa managny fifandraisagny amin'Azy sady mandeha ao agnatin'e mizigny, da mavandy atsika sady tsy magnano gne marigny. ⁷ F'izy raha mandeha ao ame fahazavagny atsika akô an'Azy ao ame fahazavagny,da managny fifandraisagny ame tsiraidraiky aby atsika, sady gne ràn'i Jesosy Zanany gne magnadio atsika ame fahotagny agnaby. ⁸ Raha mizaka atsika fa tsy managny fahotagny, da mamitaky gne tegnatsika atsika,sady gne fahamarinagny da tsy ao amitsika. ⁹ Nefa raha miaiky gne fahotatsika atsika, Izy da mahatoky sady marignyame famelagny gne fahotantsika sady magnadio atsika ame tsy fahamarinagny agnaby. ¹⁰ Raha mizaka atsika fa tsy mbola nanota, da magnano an'Azy ho mpavandy, sady tsy ao amitsika gne zakany.