¹ Non'izany da mangatak'aminareo iaho, ralahy, non'ny gn'haben'ny famindrampon'i Zagnahary, mba hagnomezanareo gnaignareo ho sorogna velogna, sady masina, mety amy gn'i Zagnahary. Izany gny fanompoanareo Amy gny tokon'ny hataonareo. ² Ka mangalataky gny fomban'izao retr'izao, fa miovà amy gny fagnovana gny saignareo. Magnanôva an'izany mba ho lalanareo tsara zany, azo ekena, sady tena sitrapon'i Zagnahary. ³ Fa ambarako, fa non'ny fahasoavana ze nomena anay, gny tsy tokon'ny hanagnan'olo aby eritreritra hagnambony gny tegnany mihôtra an'izay tokony ho izy. Fa izao, tokony handinika am-pahendrena tsara indreo, manaky gny nagnomezan'i zagnahary habezan'gny finona tsirairay. ⁴ Fa maro rantsana misy eo amy gnaignantsiaka, kanefa tsisy mitovy aby gn'asan'izany. ⁵ Manaky an'izany koa isika, ze maro dia maro kanefa raika avao am'i Kristy, sady rantsana tokana mifameno Amy tsiraidraiky. ⁶ Samby nomena talenta itsika arakan'ny fahaizana ze tandrify antsika. Laha faminagniana gny talenta azon'gn'olo raika, da mba hataovy arakan'gn'hajakaben'gny finona ⁷ Laha fanompoagna gny talentan'olo raika, da aoka izy mba hahay hanompo. Laha nisy olo raika nomena talenta hampianatra da aoka izy hampianatra. ⁸ Laha fampaherezana gny talentan'olo raika, da aoka izy hampahery. La magnome raha gny talentan'olo raika, da aoka izy hagnano zany amim-pahalala-tagnana. la fitaritana gny talentan'olo raika, da aoka ataony am-pitandremana izany. Laha falemem-pagnahy gny talentan'olo raika da aoka izany ataony mpitiavana. ⁹ K'aza atao agnatin'ny fihatsaram-belatsihy gny fitiavana. Ka tia magna ratsy; tano mafy e tsara. ¹⁰ La gny mahakisika gny fitiavan'gny mpiralahy, mifankatiavanareo aby anareo aby. Laha mahakasika gny fagnomezam-boninahitra, da mifangnaja. ¹¹ Laha mahakasika gny fikirizana, da k'aza misalasala. Laha mahakasika gny fagnahy, da aoka hafana gny fo. Mahakasika gny Tompo, da tompoy Izy. ¹² Mifalia amy fahatokina ze halalanao ny momba gny ho avy. Mahareta amy gn'olagna rehetra. Mivavaha hatrany. Mifampizara amy gny raha ilain'gny mpino. ¹³ Mitadiava fomba maro mba handraisana vahiny. ¹⁴ Misôra gn'olo ze magnejikanao; misôra fa ka magnojogna. ¹⁵ Miaraha-mifaly amizay mifaly; miara-ory amy zay ory. ¹⁶ Miresa saigna amy gn'olo aby. Ka mirehareha amy fomba fisaignanareo, fa henoy aby ndre olo ambany. Ka magnano gny tegnao ho hendry. ¹⁷ Ka mamaly ratsy gny ratsy. Magnanôva raha tsara amason'olo. ¹⁸ Laha mety, da miezaha mafy, mba hanagnanao fihavanana amy gn'olo maro. ¹⁹ Ka mamaly ratsy zany anao, havako teko, fa ekeo gny favigniran'i Zagnahary. Fa efa voasoratra hoe: ''Anay gny famalina; iahao avao gny mahazo mamaly, hoy gny Tompo.'' ²⁰ Laha masaregna gny favalonao, da omeo hanigna izy. Laha te hindrano da omeo rano hinominy. Laha vitanao zany, da handagnona barakafo an-tampon-dohany Izy.'' ²¹ Ka mety ho resin'gny ratsy, fa reseo amy tsara gny raha ratsy.