¹ Avia, anaré zegny magnan-kariagna, mitomagnia sy migogogogoa nony iré fahoriagna tônga aminaré. ² Ny hariagnanaré èfa io, ary ny fitafiagnanaré efa lanign-kalôlo. ³ Ny vôlamènanaré sy ny vôlafôtsinaré dia èfa rifesigny. Ny rifesigny dia ho vavôlombelogno hagnampanga anaré. Handôro nôfonaré karaha afo izégny. Hankajiagnanaré karaha ny hariagnanaré hagny amin'ny andro farany. ⁴ Igny, ny karaman-jaré mpiasa dia mitarègny-ny karama zegny nitananaré tsy ho anjaré zegny nampamôakatra ny Tsabonaré, ary iré fitaraignan'ny mpijinja èfa tônga agny an-tadigny ny Zagnahary. ⁵ Nihaigny tami'ny hariagna tatô ambôn-tany anaré ary nagnaram-pô tamin'ny tegnanaré. Natavezinaré ny fônaré ho an'ny andro famonoagna. ⁶ Nagnameloko sy namôno ny ôlo-marigny anaré. Tsy nanohitry anaré izy. ⁷ Kôa maharèta, ry ralahy, mandra-pavian'ny Tompo. igny, ny mpamboly mandigny ny vokatra sarobidy avy amin'ny tany. Mandigny amim-paharetagna anjegny izy, mandram-pazahoanian'jegny ny vôlohany sy ny fara-ôragna. Anaré, ⁸ fôgna koa, mahàreta. Hatanjaho ny fônaré satria èfa mariny ny fatongavan'ny Tompo. ⁹ Aza mifampitaregny, ry ralahy, mbo tsy ho tsaraigny anaré. igny ny mpitsara mijaridigny aké am-bavatamiagna. ¹⁰ Malaka ôhatra, ry ralahy, avy amin'ny fijalianagna sy faharètan'jaré mpaminagny, iré zegny nivôlagna tamin'ny agnaran'ny Tompo. ¹¹ igny, atôntsika kara ny miadagna zaré zegny èfa niharitry. Èfa régninaré ny fiharètan'i Joba, ary fantanaré ny tanjognan'ny Tompo ny maha-feno fangorahagna sy famindram-pô Ananjy. ¹² Fô agnambon'ny jiaby, ry ralahikô, aza magnaniany, na amin'ny lagnitry na amin'ny tany, na amin'ny fihainagna hafa. fo kosa, hôka ny vôlagnanaré hoe: "Ia" no "Ia" ary ny "Ahe" no "Ahe," mbo tsy hiditry amin'ny fitsaragna anaré. ¹³ Misy ôlogno mo aké aminaré mijaly amin'ny andraikitry sarotro? Ôka izy hivavaka. Misy ôlogno faly mo?Ôka izy hihira fideragan. ¹⁴ Misy marary mo eké antaintaingnanaré?Ôka izy hagnatso ny lôholon'ny fiangonagna, ary hôka zaré hivavaka ho ananjy.Ôka zarè hagnosotro mènaka ananjy amin'ny aganran'ny Tompo. ¹⁵ Ny fivavaha ny finoagna no hagnasitragna ny ôlogno marary, ary ny Tompo hanangagna ananjy, dia hagnambèla ananjy Andriamanitra. ¹⁶ Koa mifagnikia heloko anaré, ary mifampivavaha, mbo ho sitragna anaré. Ny vavaka atôn'ôlo-marigny dia tegna matanjaka amin'ny fatôny. ¹⁷ Elia dia lalahy mitôvy tamintsika fogna. Nivavaka mafy izy mbô tsy hilatsahan'ny ôragn'andro, ary tsy nilatsaka tamin'ny nandritry ny telo tôgno sy enim-bolagna zegny. ¹⁸ Avy take nivavaka koa Elia. Ny lagnitry dia nagnomia ôran-andro, ary ny tany nagnomia ny vokany. ¹⁹ Ry halahikô, izy koa misy aké aminaré miala amin'ny fahamarinagan, ary misy araiky mamerigny ananjy, ²⁰ dia tokony ho fantan'io ôlogno io fô na izovy na izovy magnala ny mpanota araiky amin'ny lalagna-diso dia hamonjy ananjy amin'ny fahafatèsagna, ary agnarogna fahotagna maroboe.