¹ Tsy ôlogno fôntry no tokony ho lasagna mpampianatra, ry ralahiko. Haintsika fô handray fitsaragna mafy kokôa antsika. ² Fa antsika jiaby dia tafitôhagna amin'ny fômba fontry. Kô misy tsy tafitôhagna amin'ny iré koragna, dia lilahy matôtro tantèraka izy, afaka mifehy na dia ny tègnany araiky manontôlo aza. ³ Ary kô asiantsika lamboridy aké ambavan'jaré sovaly mbô hikehin'jaré antsika, dia afaka mitôndra ny vatan'jaré jiaby foagna koa antsika. ⁴ Zahano foagna koa fô iré sambo, na dia maventy be tokôatra aza izy regny mbola hidôsin'drivotra-mahery, dia vôavilin'ny familiagna samba hely agny amin'jègny jiaby tian'ny mpagnamory. ⁵ Karan'jegny koa ny lèla dia rantsagna hely amin'ny vatagna, kanèfa izy dia mihambo raha bètsaka. Zahano koa ny ahilèzan'ny afo zègny mandôro atiala maro. ⁶ Ny lèla koa dia afo, tontôlon'ny fahotagna napètraka také amin'ny ratsam-batagnantsika. Zègny dia magnisa pentipentigna ny vatagna araiky manontôlo ary mandôro ny lalam-piainagna. Arehitrin'ny helo ny tègnany. ⁷ Fô ny karazam-bibidia jiaby, vôrogno, biby mandady, ary zava-boarin-dranomasigna dia fôlaka ary nifôlahin'ny ôlombélogno. ⁸ Fa ny mômban'ny lèla, tsisy ôlogno mahavita mamôlaka anjegny. Io dia ratsy tsy hay fihézigny, feno poizigny mafaty. ⁹ Amin'io no hidèrantsika ny Tompo sy ny Ray, ary amin'io no hagnozônantsika ôlogno, zègny natô nitôvy tamin'Andriamanitra. ¹⁰ Avy amin'jègny vava zègny foagna no hivoahan'ny fitahiagna sy fagnozôgnana. Ry ralahiko, tsy tôkony hibôaka iré raha iré. ¹¹ Moa ny lôharano mô mamôaka rano mamy sy mangidy avy amin'ny fibôahany? ¹² Moa ny kakazon'aviavy mô, ry ralahiko, mamoa oliva? Na ny voalôboko, mamoa aviavy? Ny rano masira koa dia tsy afaka hagnamia rano mamy. ¹³ Zôvy no hendry sy mahay aké antèntègnaniré? Ambilay zègny ôlogno zègny hamoaka fihainagna tsara amin'ny asany amin'ny fanetrèn-tègnan'ny fahendregna. ¹⁴ Fa koa managna fialôgnana mangidy anaré ary fagnirian-daza ako am-ponaré, dia aza mihambo na mandainga manôhitry ny marigna. ¹⁵ Zègny dia tsy fahendregna zay nidigna avy agny ambôny. Fa kosa, avy amin'ny tany, ny tsy ara-paganhy, ny demoniaka zègny. ¹⁶ Fa agny amin'jègny misy fialôgnana sy fagniriagn-daza, dia misy fifanjevogna sy fagnanovagna ny ratsy jiaby. ¹⁷ Fa ny fahendregna avy agny ambôny dia madi alôha, avy ake feno fiadagnana, malemy fagnahy, mihevitry ny hafa, feno famindram-pô sy vokatra tsara, tsy mamely, ary tsotra. ¹⁸ Ny vokatra ny fahamarinagna dia voafafy am-piadagnana ake atèntègnan'jaré mampihavagna.