¹ Ry rahalaiko, aza mitana ny finoana an'i Jesôsy kristy Tompontsika, zay Tompon'ny voninahitra, amin'ny fiangarana amin'ny olon-kafa. ² Atofay hoe misy olona miditra ao amin'ny fivorianareo magnatao peratra volamena sy akanjo tsara, ary misy lilahy mahantra my koa miditra magnatao akanjo maloto. ³ Na mijery an' olona mekanjo tsara anano de mizaka hoe: "Azafady mitomera amina pilasy tsara," fa hijaka amin'ny hizaka amin'ny lilay mahantra koa hoe: "Mitsangàna anao ery ,"na hoe: "Mipetraha eto an-tongotrako,"ka tsy mifampitsara aminareo anareo? ⁴ Moa tsy nanjary mpitsara amin'ny eritreri-dratsy anareo? ⁵ Mitenoa, ry rahalay tena teko, tsy efa nifidin'Andriamanitra va ny mahantran'zao tontolo zao mba hanankarena amin'ny finoana sady mpandova ny fanjakana zay nampagnategnainy zay tian'Azy? ⁶ Fa anareo de nagnala baraka ny tsy managna! Tsy mpanan-karena va arô no nampizaly anareo igny va? Tsy iary zareo my ma nitarika anareo tegny amin'ny fitsarana igny va? ⁷ Tsy iary zareo koa ma nagnaratsy ny agnarana tsara zay anareo igny an? ⁸ Na de zany aza, na magnatanteraka ny lalàn'ny mpanjaka anareo, arakan'ny Soratra Masina hoe: "Tiavo ny akamanao kara ny tegnanao". ⁹ Fa ndreka magnome sitraka ny olona anagny koja anareo, de manota, ka voasajy kara ny tsy magnara-dalàna. ¹⁰ Fa na iza na iza magnatanteraka ny lalàna marobe, kanefa lavo amin'ny lalàna raika, de ho diso amin'azy aby. ¹¹ Fa zeny nizaka hoe: "Aza mampirafy," de nizaka my koa hoe: "aza mamono olona." Ka na de tsy mampirafy aza anareo, kanefa mamono olona, de mitovy amin'ny tsy mpagnara-dalàna my. ¹² Noho izany de mizakà sy magnamboara karan' iregny zay ho tsaraina amin'ny lalàn'ny fahafahana. ¹³ Fa ny fitsarana de tonga tsisy indra fo amin'iary zareo zeny tsy namindra fo. ¹⁴ Ino no tsara, ry rahalaiko, ndreka mizaka olona raika fa manam-pinoana izy, kanefa tsisy asany? Afaka magnavotra an'azy va arô zany finoana zany va? ¹⁵ Atofay hoe misy rahalay na anabavy ratsy fiakanjo sady tsy mihinan-kanina andro raika. ¹⁶ Atofay hoe misy raika aminareo mizaka amin'iary zareo hoe: "Mandiana am-piadanana, magnamboara mafana de mivokisa." Na tsy magnome an'iary zareo ny raha ilain'ny vatagny anareo, ino no mahatsara an'zany? ¹⁷ De karan'zany koa ny finoana, na tsisy asa, de tsy dikany. ¹⁸ Nefa mety misy olona mizaka hoe: "Manam-pinoana anao, de zaho managn'asa." Atoroy anaha ny finoanao tsisy asa, de atoroko anao koa ny finoako amin'ny alalan'ny asako. ¹⁹ Anao de mino fa fa raika my Andriamanitra; tsara ny nataonao zany. Fa na ny devoly koa ka mba mino ka de mataotra iary zareo. ²⁰ Tenareo lala va ry lilay, fa fa ny finoana tsisy asa de tsisy ilana an'azy? (Fagnamarinana: Ny dikan-teny taloha sanagny de mamaky hoe: "Tenareo ho lala va, ry rahalay foka, hoe nagnino ny finoana tsisy asa no tsisy dikany?") ²¹ Tsy tamin'ny asa va arô no nagnamarinana an'i Abrahama iabantsena ndreka nagnome an'Isaka zanagny lay teo amin'ny alitara igny izy va? ²² Hitanao fa ny finoana de niasa nagnaraka ny asany, ka amin'ny asa de nitombo ny finoany. ²³ De tanteraka Soratra Masina mizaka hoe: "Abrahama nino an'Andriamanitra, ka nievitra an'zany ho fahamarinana," de natao hoe akaman'Andriamanitra izy. ²⁴ Hitanareo zao fa amin'ny asa no hagnamarinana ny olona, fa tsy amin'ny finoana fotsiny. ²⁵ Karan'zany koa i Rahaba mpivaro-tegna tsy namarinana tamin'ny asa va arô izy, ndreka nampandroso iregny iraka sady nagnandefa an'iary zareo tamin'ny lalan-kafa igny va? ²⁶ Fa maty ny tegna na misaraka amin'ny fagnay, de ôtran'zany my koa ny finoana tsisy asa de tsisy dikany.