¹ Ho amin'ny fahafahana no nagnafahan'i Kristy antsena. Mioregna tsara, noho izany, aza magneky ho ambanin'ny ziogan'ny fagnandevozana ndreka. ² Fa izao izaho, Paoly, mizaka aminareo fa na avelanareo ny tegnanareo ho foraina, de tsy hahasoanareo amin'ny raha marobe Kristy. ³ Mijoro vavolombelona amin'ny olona tsy tokatokana zegny mambela ny tegnany ho voafora ndreka aho fa vôtery hagnaraka ny lalàna marobe izy. ⁴ Tafasaraka tamin'i Kristy anareo, zegny te ho hamariignina amin'ny lalàna, sady tsy miaigna fahasoavana ko anareo. ⁵ Amin'ny alalan'ny Fagnahy, amin'ny finôna, no handigniasantsena fatratra ny fagnantegnana ny fahamarinana. ⁶ Amin'ny Kristy Jesôsy de tsy misika ino amin'ino na voafora na tsy voafora, fa ny finôna miasa amin'ny fitiavana my. ⁷ Fa mihazakazaka tsara anareo. Ka iza nanakana anareo amin'ny fanakatovana ny marina? ⁸ Ny fandresen-dahatra io de tsy avy amin'ny zegny nagnantso anreo mihitsy. ^{9 10} Lalivay bitaka fotsiny de mampitombo koba marobe. Fa matoky ny Tompo aho fa fomba fijerevana hafa anareo. Fa ndregny mampikorotagna anareo no hagnefa sazy, ndre iza ndre iza. ¹¹ Ry rahalahy, na de mbola mitory ny amin'ny famorana aho, nagnino arika aho mbola anjahina? Amin'izany de ho afaka tegnany ny fahatafintohinan'ny hazofijalena. ¹² Ndregny mangakorontana anareo de engan anie hanapaka ny tegnany ary zareo! ¹³ Tamin'ny fahafahana nagnatsovana anareo, rahalahy nefa de aza ampesaina amin'ny kendritohina ny tenga izany fa ndreka amin'ny fitiavana koja, de mifanompoa. ¹⁴ Fa ny lalana maro be de tanteraka amin'ny didy tokana de hoe: "Tsy mentsy mitia ny akamanao karan'ny ny tegnanao anao". ¹⁵ Fa na mifagnekitra sady mifampihinagna anareo, de mitandrema sô de hifandringana. ¹⁶ Fa hoy izaho, mandiana amin'ny Fanahy fezay de tsy hotanterakanareo zegny filan'ny nofo. ¹⁷ Fa manohitra ny Fanahy ny filan'ny nofo, sady manohitra ny filan'ny nofo ny fagnirian'ny Fanahy. Fa mifanohitra iary zareo, mba tsy ahafahahanareo magnano zegny tenareo atao. ¹⁸ Fa na tarihin'ny Fanahy anareo de tsy ho ambanin'ny lalàna. ¹⁹ F amin'izao de miharihary ny asan'ny filan'ny nofo: fampirafesana, fahalotôna, fijejojejôna, ²⁰ fanompoan-tsampy, famosavena, fankahalana, fifandirana, fahasarotam-piaro, havignirana, fifandrafena, fisaraham-bazagna, fizarazarana, ²¹ felognana, hamamôna, fagnakorotagnana, miaraka amin'ny raha mitovy amin'izany. Mampitandrina anareo izaho, karan'ny efa nampitandremako anareo taloha, fa ts handova ny fanjakan'Andriamanitra zegny magnano an'izany. ²² Fa ny vokatry ny Fanahy de fitiavana, fifaliana, fiadanana, faharetana, fahatsaram-pagnahy, fanaovan-tsara, finoana, ²³ fahalemam-panahy mbàn ny fahafeheza-tegna, tsisy lalàna manohitra ny raha karan'izany. ²⁴ Zegny an'i Kristy Jesôsy de efa nagnary ny toetra feno fahotana niaraka tamin'ny fahafinaretany mbàn'ny filany. ²⁵ Ndreka miaigna amin'ny Fanahy antsena, de tokony handeha amin'ny Fanahy my koa. ²⁶ Aoka antsena mba tsy hanjary mpirehareha, mifandringitra, sady mifampialogna.