¹ Poluba, biba kai'a baintiano kia baiinti antu'a'ataube nai Ihu Karaitira kempuka'a bata Kotira nai Ora'a bata, tabae utubibaro bira urihimpi kaira- ² eka ata bakauka ti batake Karesiaini mono'ira briaka. ³ Kotira tinabu Ora bata Ihu Kraitira a'urihaika banobata iha'ara auhabano ni batakero barianarobe, ⁴ biba tabae nai tinabu timiro tinabu ba'uhaikara utiba ora hika'ihairo tinabu bate a'ini akero, nai Kotra tinabu Ora natu'a'ata, ⁵ eka enta eka enta biba nai nora autu baranarobe. U'abe. ⁶ Te airu abuato iruro baiinti tabae ni bitaira totara a'irake bira tauba'a utu'ami Kraitira a'urihaika batabe. Te airu abauato iruro ne tu'antabi bo ko'e ubara buarara. ⁷ Kiama te mintitibake tirabe bo ko'e ubabata baibo tirabe, bainti hinikiaka ni mara nimi ko'e uba Karaitira uba bara tu'anta karekabe. ⁸ Mintiboma tenabue, o bo ankero bano narubai hairo kia tenabu ko'e uba ni tibanimiaina tekero ni tibanimirera, biba orai'ama buanarobe. ⁹ Tenabu ni haru tiba nimuna tekema,bate te anirantema turo, bo bainti bano bo ko'e uba ne haru iritainte kero kia tirera, biba orai'ama buanarorabe.'' ¹⁰ Bate te Kotira antu'ae o bainti antu'ae rantake tabarerabe? O a'i bainti uaha nimitaina'ae rantauro? Eka enta te bainti uaha nimitaina kai'ara'i bareha, kia te Karaitira kai'a baintiauma bauro. ¹¹ Minti baroma te niara tabateti, atabakukabe, ko'e uba te ni tibanimuna kia bainti ko'e ubaube. ¹² Kia bo bainti'ihai ma bi ubara barauro, kia bo baintibano tibatimibo.Ihu Karaitiba nai ti umi'aibo ¹³ Ne ti uba haru iriarabe te Juda batana mono okara abate bauna. Kotira bainti nahenti mara nimi baunarabe bo'abata orai'ama nimi tebaunabe. ¹⁴ Te nora irirahika Juda mono tibaria bantaraini tabataunabe te tenta bainti nahenti abutanahi te bikabata atara kaunarabe. Ti okabara mono okara tiara iri bo'ake antu'arunabe. ¹⁵ Kotiba,tabae ti tinta noora arara'i bataiba, bi Koitba nai a'urihaika ara'a ti araibo, ¹⁶ biba uahakero nai ma'u ti umi' aimanta te bira autu baha'ai baria bainti nahentika tibanimiha kia te totara bainti nahenti ma bataraihainaka irirahika abatauro. ¹⁷ Kia Jerusaremini te oruburo taukae ti abuni kai'a bainti'a buaka barianaini. Te Arabiani nane bii nantiara aniranta Damasikasini bunarabe. ¹⁸ Ihi tarau bohau nantiara Jerusaremini oru Sifasira tabeha 15 entanabu mini oru baunarabe. ¹⁹ Kia te bo kai'a baintibata tabaunarabe. Te Jemisira'i tabaunarabe biba Nora ata bakara. ²⁰ Bi arara ni ararua nimitaunara'i te Kotira abu'ata kempukai'ake tunarabe, kia te una'ara turo. ²¹ Bira nantiara bo batuka Sisarini bata Silisiani bata orubunarabe. ²² Judianihai mono bainti Karaitira'i bariaka kia ti ko'eke kankoiraiti tiriara tababe tiarabe. ²³ Bika mintiake iri, ''Baainti tabae haru Kotira bainti nahenti mara nimibaiba biba bate muntuka mara'ura utuate ti ubara tibaibo haru te bara orai'a karareti unabe. ²⁴ ''Nana okarae te mintura tabe bika Kotira autu bara bini'urama.