¹ Salam dari Yakobus, palayan Allah dan Kristus Yesus, kepado ka duo bolas suku nang taserak di saluruh dunio. (Ujian Iman Manghasilkan Katabahan) ² Sudaro-sudaroku, anggap ajo bak sukocito jiko kau tajatuh ka dalam barbagai pancuboan. ³ Kerono kau tau kalo ujian atas iman kau manghasilkan katabahan. ⁴ Biarlah katabahan mamborikan hasil nang ponuh bak supayo ko manjadi sampurno jugo utuh, tak bakakurangan apo-apo. ⁵ Tapi, apobilo diantaro kamu ado nang kakurangan hikmat,ondaknyo dio mamintakkepado Allah, nang bakamurahan hati mambagikan kepado samuo orang tanpa mancola, pasti itu dibagikan-Nyo. ⁶ Ondaknyo, dio mamintaknyo basungguh-sungguh dan tak ragu-ragu, kerono orang nang ragu-ragu kek galombang laut,diombus angin kasana kamari. ⁷ Manusio macam tu tak usahlah mangiro ondak mandapatkan sasuatu dari Tuhan. ⁸ Manusio nang manduo hatinyo tak akan tonang hidupnyo. ⁹ Padiarlah sudaro nang hidupnyo sadarhano sonang, kerono dio dinaikkan kadudukannyo, ¹⁰ habis tu manusio nang kayo di tompatkan di tompat nang rondah sobab dio samo kek bungo rumpt, dio bakal lonyap. ¹¹ Kerono, matahari torbit dongan panasnyo nang torik, habis tu malayukan rumput, bungonyo rontok, lopas tu cantiknyo pun lonyap. Bagitu jogo, orang nang kayo akan lonyap ditongah-tongah kakayoannyo. ¹² Diborkatilah, manusio nang tabah dalam pancubaan, kerono sudah tarbukti dio tahan uji, dio akan manarimo mahkota kahidupan nang dijanjikan kepado orang nang mancintoi Dio. ¹³ Apobilo sasaorang dicuboi, jangan dio bacakap, "Awak dicuboi Allah." Kerono , Allah tak dapat dicuboi samo nang jahat dan Dio sandiri tidak mancuboi siapo pun ¹⁴ Tapi, satiap orang dicuboi waktu dio taseret dan tarpikat oleh kahondaknyo dio sandiri. ¹⁵ Katiko kahondaknyo dibuahin, akan kaluarlah doso dan katiko doso manjadi masak, dio akan malahirkan maut. ¹⁶ Sudaro-sudaro nang awak cintoi, jangan kau sosat ¹⁷ Satiap pangkasian nang baek, jugo satiap pangkasian nang sampurno datang dari atas, diturunkan dari Bapa sagalo torang, pado-Nyo tak ado parubahan ato pangganti bayangan. ¹⁸ Atas kahondak-Nyo sandiri, Dio mambuek kito samo firman kabonaran bak supayo kito manjadi buah nang sulung dari samuo ciptaan-Nyo. ¹⁹ Sudaro-sudaro nang ku cinto, parhatikanlah ni: ondaknyo satiap orang lakas mandongar, tapi polan bacakap, lopas tu polan jugo ondak mangamuk. ²⁰ Kerono, naek radang manusio tak mangorjokan kabonaran allah. ²¹ Kerono tu,campakkan lah sagalo katidak borsihan dan kajahatan nang banyak, dan tarimolah dongan lombut firman Allah nang udah tartanam di dalam kau, nang tolap manyalamatkan jiwomu. ²² Jadilah palaku firman, bukannyo pandongar sajo; kalo tak, kau manipu dirimu sandiri. ²³ Kerono, kalo orang mandongar firman, tapi tak ondak mangorjokannyo, dio samo kek orang nang manengok mukonyo sandiri di cormin. ²⁴ Sasudah manengok mukonyo sandiri torus pogi, nang copatan dio talupo mukonyo tadi. ²⁵ Torus, manusio nang manaliti hukum nang sampurno, yakni hukum nang mamardekokan, jugo motan di dalamnyo, dio bukan manjadi pandongar nang lupo, tapi manjadi palaku firman. Dio akan diborkati apo nang dikorjokannyo. ²⁶ Bilo sasaorang manyangko kalo dia tu saorang nang taat baribadah, tapi dio tak biso amngandalikan lidahnyo, dio tu manipu hatinyo sandiri. Sio-siolah kapatuhannyo. ²⁷ Ibadaah nang murni dan nang tak bacacat didopan Allah dan Bapa kito adalah manjumpai anak-anak yatim-piatu dan jando-jando dalam pandritoannyo, sambil manjago dirinyo sandiri bak supayo tak tacomari oleh dunio.