¹ Woi tuan-tuan babuatlah nang bonar dan adil samo pambantu-pambantumu; ingatlah,kerono kau jugo ado mampunyai tuan di surgo. ² Batokunlah kalo badoa, dan jugo sambil bajago-jago dan mangucap syukur. ³ Badoa jugo untuk kami, bak supayo Allah mambukokan pintu untuk kami,sahinggo kami boleh babicaro tontang rahasio Kristus, nang kerononyo awak takurung. ⁴ Badoalah bak awak boleh manyampekan dongan jolas cemano nang saharusnyo awak bacakap. ⁵ Basikap bijaksano ka orang-orang luar dongan manggunokan kasompatan saelok-eloknyo. ⁶ ONdaknyo kato-katomu ponuh kasih, babumbukan garam, bak supayo kau tau macam mano nang saharusnyo mnjawab satiap orang. ⁷ Tikhikus akan mancaritokan samuo kabar tontang awak. Dio tu sudaro saiman kito nang tarkasih, palayan nang satio, jugo rakan sakorjo dalam Tuhan. ⁸ Aku mangutusnyo kapado kau bak supayo kau tau koadaan kami dan supayo dio dapat mangkuatkan hatimu. ⁹ Dio ondak datang samo Onesimus, sudaro saiman kito nang satio dan tacinto, samo kek kamu. Orang tu ondak mancaritokan sama kau apo nangtarjadi disinin. ¹⁰ Kawan awak sakurungan, Aristarkus, bakirim salam untuk kau, jugo Markus kamanakan Barnabas, nang tontang dio kau udah mandapat patunjuk; kau sambutlah dio bilo dah datang samo kau. ¹¹ Jugo salam dari Yesus nang dipanggil Yustus. di antaro kawan sapalayananku untuk Kerajaan Allah, cumo orang ni lah nang barasal dari kalangan orang nang basunat, dan orang tu manjadi panghiburan bagi awak. ¹² Epafras, sudaro saimanmu, budak Yesus Kristus, dio jugo kirim salam untuk kau. Dio salalu bagumul dalam doa untuk kamu bak supayo kamu dapat togak badiri dan yakin toguh ponuh dalam sagalo kahondak Allah. ¹³ Aku dapat mambori kasaksian comano dio udah nang banyak mandarito buat kamu jugo buat mereko nang ado di Laodikia dan Herapolis. ¹⁴ Lukas, tabib nang tacinto, jugo Demas mangkirim salam untuk kau. ¹⁵ Sampekkan salam awak untuk sudaro-sudaro saiman di Laodikia, jugo untuk Nimfa jugo jamaat nang ado di rumah dio. ¹⁶ Sasudahnyo surat ni dibacokan samo kau, bacokan jugolah kepado jamaat di Laodikia. Sabaliknyo, bacokan jugolah surat untuk jamaat di Laodikia. ¹⁷ Cakapkanlah samo Arkhipus, "Parhatikanlah supayo kau salosekan tugas palayanan nang udah kau tarimo dari Tuhan. ¹⁸ Aku, Paulus, mancatatkan salam ni dongan tangan aku sandiri. Ingatlah pasungku. Borkat dari Allah manyortai kamu.