¹ Dari Paulus, nang manjadi Rasul Yesus Kristus karono parintah Allah, Juru slamat kito, dan Yesus Kristus, pangharapan kito. ² Buat Timotius, budak nang sah dalam iman. Anugrah bolas kasih, dan dame sejahtera dari Ayah kito, dan Yesus Kristus, Tuhan kito. ³ Kayak mano awak mamohon samo ko waktu awak pogi ka Makedonia, totap lah tinggal di Efesus supayo ko biso manasehati babarapo orang supayo orangtu tak mangajarkan ajaran - ajaran nang lain. ⁴ Jugo fokuskan orangtu pado dongeng - dongeng dan silsilah - silsilah nang tak ado akhirnyo tu biso mandatangkan, pardobatan, bukannyo manjalankan tugas palayanan Allah nang di korjokan oleh iman. ⁵ Lantas, tujuan dari parintoh tu adolah kasih nang barasal dari hati nang borsih, nurani nang baek, sorta iman nang tulus. ⁶ babarapo orang sudoh manyimpang dari tujuan ni dan tasosat dalam pambicaroan nang sio - sio. ⁷ Orangtu ondak manjadi ahli hukum taurat, tapi tak mangorti apo nang orangtu bicarokan atau hal - hal nang orangtu yakini. ⁸ Akan tetapi, tahu nyo kito hukum taurat tu baik jiko orang manggunokannyo macam mano samostinyo. ⁹ Dongan kasadaran bahwo hukum taurat tak dibuek tuk orang bonar, malainkan tuk palanggar hukum dan pambarontak, orang fasik dan orang badoso, orang nang tak kudus dan duniawi, orang nang mambunuh Ayah dan Omaknyo sandiri, pambunuh. ¹⁰ Orang asusila nang malakukan doso seksual, homo seksual, panculik, pambongak, saksi dusto, dan siapapun nang manontang ajaran sehat. ¹¹ Yaitu ajaran Injil nang mulia dari Allah sumber berat, nang sudoh di parcayokan samo awak. ¹² Awak basyukur samo Dio nang sudoh manguatkan awak, yaitu Yesus Kristus, Tuhan kito, karono Io manganggap awak satio dongan manompatkan awak dalam palayanan ni. ¹³ Walopun awak dulu panghino, panyikso, dan orang nang kojam, tapi awak manarimo bolas kasih karono dulu awak malakukannyo tanpa pangortian dan dalam ka takparcayoan. ¹⁴ Sudoh dibagi Tuhan samo awak anugerah nang malimpoh, basamo - samo dongan iman dan kasih dalam Yesus Kristus. ¹⁵ Pambicaroan ni biso di parcayo dan layak di tarimo saponuhnyo bahwo Yesus Kristus balek ka dunio tuk manyalamatkan orang - orang badosoi diantaro orangtu, awaklah nang paling badoso. ¹⁶ Tuk alasan nilah, awak mendapatkan bolas kasih, yaitu supayo dalam awak, orang nang paling badoso ni, Yesus Kristus manunjukkan kasabaran-Nyo nang sampurna sobagai contoh buek orang nang akan parcayo samo-Nyo tak mamparoleh hidup nang kokal. ¹⁷ Buek raja atas sagalo zaman, nang kokal, dan nang tak nampak, satu -satunyo Allah, hormat dan kamulioan sampek salamo - lamonyo. Amin. ¹⁸ Parintoh ni awak bagikan samo ko, Timotius, budaktu, sasuai dongan nubuat nang pornah di bagikan tontang kalian, dan dongan nubuat tu barjuang lah dalam parjuangan nang baek. ¹⁹ Sambil bapoganglah pado iman dan hati nurani. Babarapo orang sudoh manolak malakukannyo sohinggo kandaslah iman orangtu. ²⁰ Diantaronyo Himeneus dan Aleksander, nang sudoh awak sorahkan samo Ta'un supayo orangtu balajar tuk tak manghino.