¹ Inilah mulonyo Injil, ² Saporti tartulis dalam kitab Nabi Yesaya Tengoklah! awak mangirimkan utusan-Ku yang ondak mandahului kau. ³ Ado suaro yang batariak di padang balantaro: 'Siapkanlah jalan samo Tuhan, buatkanlah jalan-Nyo lurus.''' ⁴ Jadi Yohanes mambabtis orang-orang di padang balantaro dan bakutbah tontang baptisan partobatan untuk pangampunan doso. ⁵ Lalu, samuo panduduk Yudea dan Yerusalem datang kapado Yohanes. Di baptisnyo orang tu di sunge Yordan, sambil orang tu mangakui doso-doso nyo. ⁶ Yohanes mamakek rambut unto dan ikat pinggang di pinggangnyo. Dio mamakan balalang dan madu hutan. ⁷ Yohanes bakutbah dan bacakap, "Abis awak akan datang sasaorang yang lobih bakuaso dari awak. Awak tak layak mambungkuk dan di lopaskannyo tali solopnyo. ⁸ awak mambaptis kamu dongan air, tapi Dio mambaptis kamu dongan Roh Kudus." ⁹ Dan jadilah hari-hari tu, Yesus datang dari Nazaret, wilayah Galilea dan di baptis oleh Yohanes di sunge Yordan. ¹⁰ Sasudah kaluar dari air, Yesus manengok langit tabolah lalu Roh manyarupoi saekor burung marpati turun ka atas-Nyo. ¹¹ Lalu, ado suaro datang dari surgo, "Kau adalah Anak yang Ku-sayangi. Samo Kau-lah Aku bakonan." ¹² Sasudah tu, Roh mambawak Yesus ka padang balantaro. ¹³ Dio barado di padang balantaro salamo ompat puluh hari lalu di cuboi oleh Iblis. Yesus barado diantaro binatang-binatang liar dan para malaikat malayani Dio. ¹⁴ Sasudah Yohanes di panjaro, Yesus pogi ka wilayah Galilea lalu mangabarkan Injil Allah. ¹⁵ Dio bacakap, "Tibolah waktunyo, Karajaan Allah sudah dokat. Batobatlah dan pacayolah ka Injil!" ¹⁶ Waktu Yesus sodang manyusuri topi danau Galilea, Dio manengok Simon lalu Andreas saudaronyo, sodang manobarkan jalo di di danau karono orang tu adalah panjalo ikan. ¹⁷ udah tu, Yesus bacakap ka orang tu, "Ikutlah Aku, dan Aku akan manjadikan mu panjalo manusio". ¹⁸ Simon dan Andreas lansung maninggalkan jalo orang tu dan mangikut-Nyo. ¹⁹ Waktu Dio pogi lobih jauh lagi, Dio manengok Yakobus, anak Zebedeus, dan Yohanes, saudaronyo, yang ado di sampan dan sodang mangelokkan jalo. ²⁰ Kamudian, Yesus lansung mamanggil orang tu lalu orang tu maninggalkan ayah orang tu, Zebedeus, di sampan basamo dengan pakarojo-karojo bayarannyo, lalu pogi mangikut Yesus. ²¹ Udah tu, orang tu sampek di kapernaum lalu sasudah hari Sabat, Yesus masuk ka Sinagoge lalu mangajar. ²² Orang tu takjub mandongar ajaran-Nyo karono Dio mangajar macam saorang yang punyo kuaso, tak macam jago-jago taurat'. ²³ pada waktu tu, di Sinagoge ado saorang laki-laki yang karasukan roh jahat lalu dio batariak, ²⁴ katonyo, "apo urusan antaro Kau samo kami, Yesus dari Nazaret? Apo Kau datang ondak mambinasokan kami? Aku tau siapo Kau, Kau-lah yanh kudus dari Allah' ²⁵ Tapi, Yesus mambontak dio, kato-Nyo, "diam! kaluarlah dari orang ni. ²⁶ Sasudah roh najis tu mangguncang-guncangkan dio sambil batariak dengan suaro koras, kaluarlah roh tu darinyo. ²⁷ Samuo orang tu heran sahinggo batanyo satu dengan yang laen, katonyo, "Apo ini? sabuah ajaran baru dengan kuaso! Dio pun mamarintah roh-roh najis dang orang tu taat kapadon-Nyo." ²⁸ Abis tu dengan copat barita Dio tasobar kamano-mano sampek ka samuo daerah Galilea. ²⁹ sacopatnyo salopas Yesus dan murid-murid-Nyo maninggalkan Sinagoge, masuk orang tu ka rumah Simon dan Andreas, samo Yakobus dan Yohanes. ³⁰ Tapi, omak martuo Simon sodang tagolek lantaran domam, mako orang tu lansung mangasih taunyo samo Yesus. ³¹ Di jumpoi Yesus lah dan di pegang-Nyo tangan nyo dan dibantu-Nyo badiri. sasaat itu jugo domamnyo pun sombuh dan parampuan tu malayani orng tu. ³² Waktu malam tibo, di bawak orang tu ka Yesus samuo orang sakit dan karasukan roh jahat. ³³ Lalu, samuo panduduk kota bakumpul di mukak rumah tu. ³⁴ Di sombuhkan Yesus lah orang sakit ni tadi, macam-macam panyakit serta mangusir banyak setan. Tapi dilarang-Nyo setan tu bacakap karono setan tu mangonal Dio. ³⁵ Subuh tu, bangun lah Yesus dan pogi ka tompat sunyi dan badoa. ³⁶ Kamudian, Simon dan orang-orang yang basamonyo mancari Yesus. ³⁷ Waktu orang tu manjumpoi Yesus, bacakaplah orang tu, "Samuo orang mancari-Mu!" ³⁸ Lalu, bacakap lah Yesus, "pogi lah kito ka kota yang dokat supayo awak biso mangabarkan pado orang-orang di sano . Sobab ini lah alasan ku datang." ³⁹ Karono tu pogi lah Yesus manjalani ka samuo daerah Galilea. Diboritaukan-Nyo lah firman tu ka Sinagoge-Sinagoge orang tu dan mangusir setan-setan. ⁴⁰ Lalu, ado saorang yang sakit kusta mandatangi Yesus. Mamohon dan balutu dio ka Yesus dan bacakap jiko, "Jiko ondak Kau, Kau pun biso mansuci kan ku. " ⁴¹ Tagorak lah hati-Nyo, di ulurkan Yesus lah tangan-Nyo dan manyontuh orang tu sambil bacakap, "Manjadi suci lah kau!" ⁴² Saat tu jugo, panyakit kusta nyo sombuh dan dio pun manjadi suci. ⁴³ Lansung disuruh Yesus orang tu pogi dan mamparingatkan nyo dengan koras. ⁴⁴ Bacakaplah Dio, "Jangan katokan ka siapopun tontang hal ni. Tapi, pogilah, nampakkanlah diri mu ka imam dan parsombahkanlah kurban atas kasombuhan macam yang disuruh Musa sabagai saksi buat orang tu." ⁴⁵ Tapi, orang tu pogi dan muloi mangabarkan nyo sacaro tabuko dan disobarkan barito tu sacara luas. Oleh sobab tu, tak bisa lagi Yesus masuk dengan torang-torangan ka kota tapi diluarnya Dio, didaerah sunyi. Tapi orang-orang dari sagalo tompat totap mandatangi-Nyo.