¹ Budak kocik, turutilah orang tuo kau dalam Tuhan karono inilah hal yang botul. ² Hormatilah ayah dan omak kau, "inilah parintah partamo yang di ikuti dengan janji, ³ "supayo elok hidup kau dan biar barumur panjang di bumi". ⁴ Ayah-ayah, janganlah mambuat budak kocik kau manjadi marah, tapi bosarkanlah orang tu dalam kapatuhan dengan nasehat Tuhan. ⁵ Pambantu-pambantu, turutilah tuanmu yang ado di dunio ni dengan hormat dan takut, dan dengan tulus hati macam ka Kristus. ⁶ janganlah macam orang-orang yang mangkarojokan karojo hanyo biar di tengok orang-orang -- ondak manyonangkan manusio, tapi maunyo macam hamba-hamba Kristus yang mangkarojokan kamauan Allah dari hatinyo. ⁷ Malayani saponuh hati macam ondak ka Tuhan bukan ondak ka manusio. ⁸ Sobab, kamu tau, antah dio pambantu atopun orang bebas, bilo kamu mangkarojokan hal yang elok, Tuhan pasti mangkasi upah ka dio. ⁹ Tuan-tuan, karojokan jugolah ka pambantu-pambantumu. Barontilah mangancam, karono baik tuanmu maupun tuan orang tu samo-samo adonyo di surgo, dan Dio tak pandang bulu. ¹⁰ Tarakhirnyo, manjadi kuatlah dalam Tuhan dan dalam kakuatan kuaso-Nyo. ¹¹ Pakelah samuo parlongkapan sanjata Allah supayo kamu bisa badiri malawan tipu dayo Iblis. ¹² Sobab, parjuangan kito bukan malawan daging dan darah, tapi malawan pamarintah-pamarintah, panguaso-panguaso, kakuatan-kakuatan dunio kagolapan, dan malawan kakuatan roh dari Iblis yang ado di langit. ¹³ Karono tu, pakelah samuo parlongkapan sanjata Allah supayo kamu bisa torus batahan bilo waktu yang jahat itu tibo, apabilo samuonyo salose kamu masih bisa totap badiri. ¹⁴ Jadi, badirilah togap, dan kotatkanlah tali pinggang kabonaran di sakaliling pinggangmu dan pakelah baju zirah' keadilan, ¹⁵ lalu pasanglah alas kaki kau dengan parsiapan Injil dame sojahtora. ¹⁶ Dalam sagalo hal, pakelah panangkal iman supayo kamu biso mamadamkan panah api dari si jahat'. ¹⁷ Ambillah ketopong kasalamatan samo podang Roh, yaitu firman Allah, ¹⁸ sambil badoa satiap waktu dalam Roh dengan samuo doa dan parmohonan. Dalam doa kau tu, bajago-jagolah dengan sagalo katokunan sambil mamanjatkan samuo parmohonan buat samuo orang kudus. ¹⁹ Badoa jugolah kamu buatku, supayo waktu aku mambuka mulutku, di karuniokan ka aku kapandean bacakap, sahinggo aku barani mangabarkan rahasio Injil. ²⁰ Karono Injil itulah, aku manjadi utusan yang tarikat. Doakanlah supayo aku bisa mangabarkannyo dengan barani sabagaimano saharusnyo aku bacakap. ²¹ Tikhikus, saudaro saimanku yang ku kasihi dan palayan yang satio dalam Tuhan, akan mangkasitaukan samuo ka kamu supayo kamu jugo tau camano kabarku, dan apo yang ku korjokan. ²² Aku memang manyuruh dio ka kamu ondak tujuan ini, supayo kamu tau kabar kami dan supayo dio biso manyonangkan hati kamu. ²³ Damai sojahtora bagi saudaro-saudaro saiman, dan kasih dengan iman dari Allah Ayah dan Tuhan Yesus Kristus. ²⁴ Anugorah manyortai samuo orang yang mangasihi Tuhan kito, Kristus Yesus, dengan kasih yang tak akan binaso.