¹ Dari paulus, yang manjadi rasul Yesus kristus oleh kamauan Allah, dan dari Timotius sudaro saiman kito. ² Kapado orang-orang kudus dan sudaro-sudaro saiman yang satio dalam Kristus di Kolose. Anuhgora bagimu dan dame sejahtora dari Allah Bapa kito. (Doa dan Ucapan Syukur Paulus) ³ Waktu badoa untukmu, kami salalu mangucap syukur kapado Allah, Ayah dari Tuhan kito Kristus Yesus, ⁴ karono kami mandongar tontang imanmu dalam Yesus Kristus dan kasih yang kamu punyoi untuk samuo orang kudus. ⁵ Iman dan kasih tu muncul karono pangharapan yang disadiokan bagimu di surgo, yang tolah kamu dongar dalam firman kabonaran, yaitu Injil. ⁶ Injil tu tolah sampek kapadomu bahkan ka saluruh dunio dan Injil ni torus manghasilkan buah dan bakombang, macam yang tajadi di antaro kmu, sojak hari kamu mandongarnyo dan mamahami anuhgora Allah dalam kabonaran. ⁷ Kamu tolah balajar hal ni dari Epafras, kawan sapalayanan kami yang tarkasih, yang tolah manjadi palayan Kristus yang satio bagimu. ⁸ Diolah yang tolah mangasihtaukan samo kami tontang kasihmu dalam Roh. ⁹ Karono tu, sojak hari kami mandongarnyo, kami tak pornah barontih badoa samomu dan mampintak supayo Tuhan mamonuhi kamu dengan pangatahuan akan kamauan-Nyo dalam sagalo hikmat dan pangortian Rohani. ¹⁰ Dengan damikian, kamu biso hidup dengan caro yang layak di dopan Tuhan, manyonangkan-Nyo dalam sagala hal, manghasilkan buah dalam satiap pakarojoan baik, dan batumbuh dalam pangatahuan akan Allah. ¹¹ Samoga kamu dikuatkan dengan sagalo kakuatan sasuai dengan kamulion kuaso-Nyo supayo kamu mandapat sagalo katokunan dan kasabaran dengan sukocito. ¹² Basukurlah samo Ayah yang tolah mambuat kamu mamonuhi syarat untuk manarimo bagian dari warisan orang-orang kudus dalam torang. ¹³ Dio tolah malopaskan kito daru kuaso kagolapan dan mamindahkan kito kapado karajoan anak-Nyo yang tarsayang. ¹⁴ Dalam Dio, kito mamiliki panobusan, yaitu pangampunan atas dosa-dosa kito. ¹⁵ Dio adalah gambaran dari Allah yang tak kalihatan, yang sulung atas samuo ciptaan. ¹⁶ Sobab, oleh Dio, sagalo sasuatu yang ado di surgo dan di bumi diciptokan, yang kalihatan dan yang tak kalihatan, baik takhta, kakuasoan, pamarintaha, maupun panguaso. Sagalo sasuatu tolah diciptakan malalui Dio dan untuk Dio. ¹⁷ Dio sudah ado sabolum sagala sasuatu, dan sagalo sasuatau ditopang basamo-samo dalam Dio. ¹⁸ Dio adalah kapalo dari badan, yaitu jamaat. Dio jugo adalah yang awal, yang sulung dari antaro orang mati supayo Dio manjadi yang dari samuonyo. ¹⁹ Sobab, Allah barkonan agar saluruh kaponuhan-Nyo tinggal dalam Dio. ²⁰ Malalui Dio, sagala sasuatu didamekan dengan diri-Nyo, baik yang ado di bumi maupun di sorga, yaitu pardamean malalui darah-Nyo yang tacurah di atas kayu salib. ²¹ Kamu dahulu tarasing, mamusihi Allah dalam pikiranmu, dan malakukan pabuatan-pabuatan jahat, ²² sakarang kamu tolah didamekan dengan badan jasmani Kristus malalui kamatian-Nyo untuk mamparsombahkan kamu sabagai parsombahan yang kudus, tak bacacat, dan tak bacola di hadapan Allah. ²³ Jadi, totaplah kamu tinggal dalam iman, kokoh, dan toguh, tak digoyahkan dari pangharapan Injil yang kamu dongar, yang tolah dikabarkan samo saluru ciptaan di bawah langit, yang olehnyo awak, Paulus, manjadi palayan. ²⁴ Sakarang, awak basukocito dalam pandaritoanku domi kamu karono di dalam dagingku awak malongkapi apo yang kurang dalam pandaritoan Kristus, domi tubuh-Nyo, yaitu jamaat. ²⁵ Awak manjadi palayan jamaat sasuai dengan tugas panatalayanan dari Allah yang disorahkan kapadoku bagi kamu supayo aku dapat mangabarkan firman Allah dengan saponuhnyo. ²⁶ Inilah rahasio yang tasambunyi dari zaman ke zaman dan generasi ke generasi, tapi yang sakarang tolah dinyatokan kapado orang-orang kudus-Nyo. ²⁷ Allah ingin manyatokan kapado orng tu batapo kaya rahasio yang mulio ni di antaro bangso-bangso lain, bahwa Kristus ado di dalam kamu, yaitu pangharapan dari kamulioan. ²⁸ Kami mangabarkan tontang Dio dengan manogur dan mangajar satiap orang dengan sagalo hikmat sahinggo kami dapat mambawak satiap orang manjadi dewasa dalam Kristus. ²⁹ Untuk tulah, Awak jugo barusaho payah, bajuang sasuai dengan kuaso-Nyo yang bakorjo dengan kuat di dalam aku.