¹ Inilah pemulo Injil, Yesus Kghistus Anak Allah. ² Sepoghti yang teghtulis dalam kitab Nabi Yesaya: "Tengoklah! Aku mengoghim utusan-ku mendahului Engkau yang hondak mempeghsiapkan jalan bagi-Mu. ³ Ado seoghang baghtaghiak-taghiak di padang belantagho: 'Sediokan jalan baghi Tuhan.'" ⁴ Jadi Yohanes membaptis oghang-aghang di padang belantagho dan beghceghamoh tontang baptisan Peghtobatan untuk pengampunan dosa. ⁵ Lalu, semuo penduduk Yudea dan semuo oghang Yeghusalem datang kepadoYohanes. Io membaptis megheka di sungai Yoghdan, megheko mengakui dosa-dosanyo. ⁶ Yohanes menggunokan rambut unto. dan sabuk kulit di pinggangnyo. makananyo belalang dan madu hutan ⁷ Yohanes beghcoramah dan beghkato, "Setolah odan akan tibo seoghang yang lobih beghkuaso daghi pado odan. Odan tidak pontas membungkuk dan melopaskan tali selopnyo. ⁸ Odan membaptis kamu dongan aigh, totapi Io akan membaptis kamu dongan Roh Kudus. " ⁹ Dan toghjadilah kotika itu, Yesus datang daghi Nazaret, Wilayah Galilea, dan di baptis oleh Yohanes di sungai Yordan. ¹⁰ Ketiko Yesus keluagh daghi aigh, Yesus melihat langit taghbolah dan Roh seghpoti seeko bughung meghpati tughun ke Atas-Nyo. /v 11 Dan, suatu suagha datang daghi sughga, Engkau adolah Anak yang kukasihi. Kepado-Mu Odan beghkonan." ¹² Ketiko itu, Roh membawo Yesus ke padang belantagho. ¹³ Io beghado di padang belantagho selamo ompat pugu haghi dan dicoboi oleh iblis. Yesus beghado di antagho hewan liagh dan pagho Malaikat menjamu Dio. ¹⁴ Sesudoh Yohanes di penjagho, Yesus poghi ke wilayah Galilea dan mengoboghkan Injil Allah. ¹⁵ Io beghkato, "Topatlah waktunyo, Kerajaan Allah. Beghtobatlah dan peghcayolah kepado Injil!" ¹⁶ Ketiko Yesus sodang menyusughi topi danao Galilea,Io molihat Simon dan Andreas, saudaghonyo,sodang menjalo di danao kaghena megheka adolah ponjalo ikan. ¹⁷ Lalu Yesus beghato kepado megheka,''Ikutlah odan,dan odan akan monjadikanmu penjalo manusia. ¹⁸ Simon dan Andreas segegha moningkalkan jalo megheka dan mengikuti-Nyo. ¹⁹ Ketiko Io poghi lobih jauh lagi, Io molihat Yakobus, budak Zebedeus, dan Yohanes, Saudaghonya, yang beghado di peghahu dan sodang membolo jalo. ²⁰ Komudian,Yesus seghogha momanggil megheka dan moninggalkan ayah megheka, Zebedeus, di peghahu beghsamo dongan copat-copat beyaghannyo,lalu poghi mengikuti Yesus. ²¹ Lalu megheka tibo di kepernaum dan sesudo haghi sabat, Yesus masuk kesinagoge dan mengojo. ²² megheka takjub mendogo ajoghanyo sebob Io mengajo seghpoti sepoghti seoghang yang punyo bahaso, tidok sepoghti ahli-ahli Taurat. ²³ pado saat itu, di sinagoge ado seoghang budak laki yang keghasukan setan dan toghus beghteghiak. ²⁴ katonyo apo ughusan engkau samo kami, Yesus daghi Nazaret? apokah Engkau tibo ondak mombinasokan kami? odan tahu siapo Engkau. Engkau adolah yang kudus daghi Allah!'' ²⁵ Namun Yesus membontak dio, kato-Nyo,''Diam! keluaghlah daghi oghang ini'' ²⁶ Lalu ghoh najis itu mongguncong-nguncongkon dio sambil beghtegiak dengan koghas, keluaghlah ghoh itu daghi nyo. ²⁷ Megheka semuo heghan sehingga beghtayo-tayo sesamo megheka, katonyo, "Apo ini? Sebuah ajoghan baghu dongan kuaso! Io bahkan memoghintah ghoh setan itu dan megheka taat kepado-nyo.'' ²⁸ Lalu, dongan copat kabagh tentang Dio taghkonal di mano-mano sampoi ke selughuh Galelia. ²⁹ Lalu setolah Yesus dan mughid-mughid-Nyo meinggolkan Sinagoge, megheka masuk ke ghumah Simon dan Andrea, bersamo Yakobus dan Yohanes. ³⁰ Dan ibu meghtuo Simon teghgolek kaghena domam, mako megheka memboghitokanyo kepado Yesus. ³¹ Yesus pun lalu menemuinyo dan memogang tanganyo dan membantunyo togak. Seketiko itu jugo domamnyo lonyap dan ibu itu menjamu megheka. ³² Ketiko malam tibo, setolah golap, megheka membawo kepado Yesus semuo oghang yang sskit dan keghasukan setan. ³³ Kemudion, samuo penduduk kota beghkumpul di depan pintu ghumah tu. ³⁴ Yesus menyombuhkon banyok oghang sakit dongan segalo jonis penyakit serto mengusigh banyok setan. Akan totapi Io melaghang setan-setan itu beghbicaro, sobab megheka mengonal Dio. ³⁵ Pagi bonagh, ketiko hagi masih golap, Yesus teghjago dan poghgi ke sebuah tompat sopi, lalu IO beghdoa di sano. ³⁶ lalu, Simon dan oghang-oghang yang beghsamonyo mencari Yesus. ³⁷ ketiko megheka beghtemu Yesus, megheka beghkato, "kami samuo mencaghi Engkau!" ³⁸ Lalu, Yesus beghato,"Maghi kito peghgi ke kota-kota yang toghdokat supoyo Odan jugo beghdakwa kepado oghang-oghang di sano, kaghena inilah sobabnyo aku datang." ³⁹ Sobab itu, Yesus poghgi mongelilingi daeghah Galilea, Io membeghitakon Firman di Sinagoge-sinagoge megheka dan mengusigh setan-setan. ⁴⁰ Lalu, ado seoghang yang sakit kusta datang kepado Yesus. io memohon, beghsujud kepadonyo dan beghkato," Jiko Engkau hondak, Engkau biso menyombuhkon awa." ⁴¹ Kaghena kasihan, Yesus mengulughkon tangan-Nyo dan menyotuh oghang itu lalu beghkato, Odan mau. jadilah sombuh. ⁴² Ketiko itu jugo, sombuhlah kustanyo dan dio sehat. ⁴³ Yesus menyughuh dio poghgi dan melaghang dio dongan koras. ⁴⁴ Dio beghkato kepadonyo,: Jangan kau beghcakap dongan siopopun tontang ini, totapi poghgilah, tunjukkon dighimu samo Imam, lalu boghikonkughban atas kesombuhanmu sepoghti yang di ajoghkon Musa sebagai bukti bagi megheka. ⁴⁵ Totapi oghang itu poghgi toghus mencoghitokanyo kepado semuo oghang, akhighnyo, Yesus tak biso lagi datang ke kota dengan toghang-toghangan, totapi di kampung yang sunyi,totapi oghang-oghang daghi segalo tompat totap mendatangi-Nyo.