¹ Au hia ti', Jisus an da pimpin man Roh ha padang alang guhaang an da nesaak man Iblis. ² Dahin, Hia nepang paat pulu do paat pulu malam, au hia naan Hia pun laoo'. ³ Au hia ti', atang niha, alang nesaak anaan, au hiti duaan dahin Jisus, "Ha' laan ika' anaak Tipang, im suhuu' bato-bato anaan jadi roti." ⁴ Tapi, hia nyue au h'ti duaan, "te' tertulis, 'jaan man roti tua' kelunaan hamaan murip, tapi lalo man firman alang musaang man baa Tipang." ⁵ Au h'ti, Iblis geri-Hia ha' kota suci dahin melok-Hia ha nayaan Bait Tipang, ⁶ Au h'ti duaan dahin-Na, "ha laan ika anaak Tipang, im gaak na luung ka ha idaa' kenaan tek an da tulis: 'tentang ika', Tipang alang sang nyuhu malikat-malikat-Na dahin meju ika ha usun usuu' daha hujuung tudak-Ka jaan nyipak bato'."' ⁷ Jisus duaan dahin na, "harijue uak, tek tertulis, 'ika' jaan usaah sang nesaak Tanangaan Tipang ka."' ⁸ harijue uak, Iblis geri' Jisus ha usun ngalaang alang bo dahin petulaa'-t'Hia lim kerajaan dunia dahin jayaa na, ⁹ au hiti' duaan dahin-Na, "Lim terani sang ak aii ha-Ika', ha Ika' belutot dahin nyembah ha akui". ¹⁰ Au hia ti', Jisus duaan dahin na, "Liung na, Iblis! Tek tertulis, 'Ika' harus nyembah Tanangaan Tipang ka dahin ha'-Hia tua' na ika' sebayaang."' ¹¹ Au hiti, Iblis melaak Hia, dahin nyinang im, malikat-malikat atang untuk ngalio Hia. ¹² Au hiti', Teguu' Jisus kering bahwa Yohanes au daha' kaam, Hia liung ha Galilea, ¹³ Hia melaak Nazaret au hiti atang dahin melaak ha' Kapernaum, ha bahe' danau, ha' haang Zebulon dahin Naftali. ¹⁴ Juung an da genap nina nun alang an da duaan lalo man Nabi Yesaya: ¹⁵ "tanaa' Zebulon dahin tanaa'Naftali, alaan danau, ha dipah Yordan, Galilea, ha nayaan daha' alang bukan kelunaan Yahudi, ¹⁶ bangsa alang ngeraam halam lidam lemnang malaah alang tayaa', dahin bagi daha' alang melaak ha negeri dahin halam among-among pate', Malaah hia' ti' au nyemo. ¹⁷ Man do anaan, Jisus nahari berkhotbah dahin duaan, "Tubat na kenaan Uma' Telaangjulaan au jelang." ¹⁸ Teguu' Jisus pano ha' bahe' danau Galilea, Hia' lemnang dua' peharin, hia' ti' Simon alang an da uvi Petrus, dahin Andreas, harin na, tengaah ngetah jalaa' ha danau kenaan daha' naan penjalaa' masik. ¹⁹ Dahin, Hia' duaan dahin daha', ''te nah livoh Akui dahin Akui alang sang na ika penjalaa' kelunaan.'' ²⁰ Daha' temoh melak jala'-jala' na' au hiti' livoh Hia. ²¹ Dahin, teguu' leka' man tinaan, Hia' lemnang dua' peharin alang bale, Yakobus dahin Zebedeus dahin Yohanes, harin na. Daha' te' halam ji' haruk peji' dahin Zebedeus, tamaan daha', tengaah pepayut jala'-jala' na. Dahin, Hia muvi daha'. ²² Au hiti', daha' temoh melaak haruk dahin tamaan daha' au hiti' livoh Jisus. ²³ Au hiti', Jisus ngeling ha lim nayaan Galilea, ngajar ha' sinsgoge-sinagoge, dagin navaah lim gat penyaket, dahin lim gat perah ha' kahum kelunaan. ²⁴ Dahin, berita tentang-Hia purah atang ha lim nayaan Siria. Dahin, daha' geri t'-Hia lim kelunaan ngepedaam alang menderita berbagai gat penyaket dahin saa' perah, dahin alang putaam, alang mrdaam ayan, dahin alang lumpuh, dahin hia navaah daha'. ²⁵ kelepang kelunaan kahum man Galilea, Dekapolis, Yerusalem, Yudea, dahin man dipah Yordan livoh Hia.