¹ teguu' daha' au sang jelang Yerusalem dahin au ha atang Betfage, ha bukit Zaitun, jesus nyuhu dua kelunaan murid-Na; ² dahun-Na ha daha', "Leka' na im ha desa alang te' ha nang ka, dahin ikaa sang temoh habung ji' ikoh keledai alang d' ngatung dahin ji' ikoh anaak keledai dahin na. Buka na katung daha' dahin im gerii' keduaa na ha Akui. ³ Ha' tek kelunaan alang sang duaan gat ha ika', ika harus duaan, 'Tanangaan perlu hia,' dahin Hia' sang higaa' ngato' ina'." ⁴ Hal ani' naa' hujung tergenapi na nun alang an nabi duaan: ⁵ "Gii' man putri Sion, 'Lemnang im, Hipi ka atang ha ika, lemaa' kenaap, dahin mu'un ha jii' ikoh keledai, dahin jii' ikoh keledai muda', anaak man keledai beban. ⁶ Murid-murid leka' nekelung alang au Jisus nyuhuu' man daha'. ⁷ Daha' gerii' keledai dahin anaak keledai anaan, dahin melok jubah-jubah daha' ha usun keledai- keledai anaan, dahin Jisus melok ha usun na. ⁸ Sebagian ayaa' man kelunaan kahum anaan mekah jubah- jubah daha' ha alaan, dahin alang bale na munaang da'an - da'an kayo', au hiti' murah ina' ha alaan. ⁹ Kahum kelunan pano ha nang-Na dahin daha' alang livoh Hia pebukaak, "Hosana man anaak Daud! 'An d'berkat na Hia' alang atang halam araan Tanagaan.' Hosana ha nayaan alang boo!" ¹⁰ Teguu' Jisus mutaam ha Yerusalem, lim kota an d' petekjat. Daha' metang, "Hi Hia' ani'?" ¹¹ Dahin, kelunaan kahum anaan nyuee, "Hia' naan Nabi Jisus, man Nazaret ha Galilea." ¹² Au hiti', Jisus mutaam ha Bait Tanagaan au hiti' temoh muga' kelunaan- kelunaan alang tengaah pebelek dahin bangku-bangku daha' alang pebelek manuk-manuk merpati. ¹³ Hia duaan dahin daha', "Au tertulis, 'Umaa' Kui sang d' gii' umaa' sabayaang,' tapi im naa' nekelung nayaan daha' alang nako."" ¹⁴ Dahin, kelunaan alang buta dahin alang lumpuh atang ha Hia' ha Bait Tanagaan, au hiti' Hia petavaah daha'. ¹⁵ tapi, teguu' lim imam kepala' dahin ahli- ahli Taurat lemnang mukjizat-mukjizat alang au an Jisus na dahin nyinang d' nyaam-nyaam alang pebukaak halam Bait Tanagaan, "Hosana man Anaak Daud, "daha' temoh heleh. ¹⁶ Au hiti', daha' metang ha Jisus, "Apakah ika' ngering nun alang an d' nyemani' duaan?" Dahin, Jisus nyuee daha' "Ai. Jaan pa' ika' kalaak basa, 'Man baa d' hapang-hapang?" ¹⁷ Au hiti', Jisus melaak daha' temoh musaang man kota anaan te ha Betania dahin saan tinaan. ¹⁸ k're ni', teguu' jelang do, teguu' Jisus nekulah ha kota, Hia pun lao'. ¹⁹ Dahin, teguu' lemnang kayo' lunun ha bahe' alaan, Hia' te ha hia' au hiti' jaan habung nun-nun, kecuali itun-itun tuaa. Dahin, Hia duaan dahin kayo' anaan, "Jaan sang te' uak buaa' man ika' atang bayaa'-bayaa' ti!" Man do anaan pa, kayo' lunun anaan megaang. ²⁰ Teguu' murid-murid lemnang hal ani', lim d' murid hiran-hiran au hiti' metang? "Nuno pa kayo' lunun anaan megaang teguu' hiak naan?" ²¹ Dahin, Jisus nyuee daha', "Alang laan-laan na akui megi' man ika', ha' ika' hipun iman dahin jaan bimbang, ika' jaan tuaa' na nun alang an d' na t' kayo' lunun ani', bahkan ha' ika' megi' man ngalaang ani', 'Juu' na dahin ueeh na ha halam laut,' hal anaan sang naa'. ²² Dahin, lim gat alang im akee halam sabayaang, persayaa' na, ika' pasti nerima ina'." ²³ Teguu' Jisus mutaam ha Bait Tipang, lim imam kepala' dahin lim ukuu'-ukuu' bangsa Yahudi atang ha Hia' jiarun Hia' tengaah pekale dahin metang, "Dahin kuasa nun kah Ika' naa' hal-hal ani'? Dahin, hi kah alang mai Ika' kuasa ani'?" ²⁴ Jisus nyuee daha', "Akui lim pa sang metang ji' hal ha ika', alang ha' ika' hamaan nyuee ina', Akui lim pa hamaan megi man ika' dahin kuasa nun Akui naa' lim ani' pah. ²⁵ Man hino kah baptisan Yohanes? Man Telaangjulaan atau man kelunaan?" Dahin, daha' nahari duaan hia' t' haang daha' dap, dahun na, "Ha' ita' duaan, 'Man Telaangjulaan,' Hia' sang duaan, 'Ha' nunaan, na' nun pa ika' mam persayaa' ha Yohanes?' ²⁶ Tapi, ha' ita' nyuee, 'Man kelunaan.' Kame' takut ha kelunaan kahum kenaan daha' nganggap bahwa Yohanes naan nabi." ²⁷ Maka daha' nyuee Jisus, "Kame' jaan jaam." Au hiti', Jisus duaan, "Ha' nunaan, Akui pun jaan ikam megi' man ika' dahin kuasa nun kah Akui naa' hal-hal ani'." ²⁸ "Tapi, nun pendapat ka? Te' kelunaan alang hpun anaak lake', dahin hia' atang ha alang tahari au hiti' duaan, 'Anaak-Kui, te na im nyadi do ani' ha kebon anggur.' ²⁹ Dahin, hia' nyuee, 'Ai. Ame,' tapi au anaan hia' jaan leka'. ³⁰ Au hiti' lake' anaan leka' ha alang kedua dahin megi' hal alang tiah. Nyaam anaan nyuee, 'Jaan ikam,' tapi hia' menyesal au hiti' temoh leka'. ³¹ Hi kah man kedua nyaam anaan alang ikam livoh dahun tamaan na?" Daha' duaan, "alang terakhir." Jisus duaan ha daha', "Sebenar na, akui duaan dahim bahwa lim d' pehengkung pajak dahin balo'-balo' sang mutaam ha halam Umaa' Tipang unaak man ika'. ³² Sebab. Yohanes atang ha ika' halam alaan alang laan dahin ika' jaan persayaa' hia', tapi, lim pehengkung pajak dahin balo'-balo' persayaa' hia'. Dahin, ika', teguu' lemnang hal ani' bahkan jaan menyesal au ina' sehingga ika' hamaan persayaa' hia'." ³³ "Kering na perumpamaan alang bale. Te' alang hipun kebon alang nuvuu' kebon anggur, dahin mete pagar ha keliling ina', dahin ngalee' nayaan d' mesaat anggur, dahin nekring menara. Au hiti', hia' nyewa kebon anggur na ha kuri kelunaan alang nyadi luma', dahin hia' te leka' ha luar negeri. ³⁴ Teguu' juk buaa' sang atang, hia' nyuhu' hamba-hamba na anaan ha kelunaan alang na luma' anaan jung nerima buaa' na. ³⁵ Dahin, lim petani mekaam lim pelayan anaan dahin metek kelunaan, dahin lemate alang jii', dahin alang bale na d' ketah bato'. ³⁶ Harijuee uak, alang hipun kebon anaan nyuhu' hamba-hamba na alang bale, alang lebih kahum man sebelum na. Dahin, lim petani anaan naa' hal alang tiah terhadap daha'. ³⁷ Akhir na. alang hipun kebon anaan ngutus anaak na ha daha', dahun na, 'Daha' sang menghormati anaak kui.' ³⁸ Tapi, teguu' lim petani anaan lemnang anaak na, daha' duaan ha daha' dap, 'Hia' naan ahli waris, te nah ita' lemate hia' dahin api' warisan na.' ³⁹ Au hiti', daha' mekaam anaak alang hipun kebon anaan, ngetah hia' ha luar kebon anggur, dahin lemate hia'. ⁴⁰ Kenaan anaan, kecuali alang hipun kebon anggur anaan atang, nun alang sang hia' naa', ha petani-petani anaan?" ⁴¹ Daha' duaan dahin-Na, "Hia' sang lemate kelunaan-kelunaan ja'ak anaan dahin ja'ak pate, dahin sang nyewa kebon anggur na ha petani-petani bale, alang sang mai ha hia' buaa'-buaa' t' juk na." ⁴² Jisus duaan dahin daha', "Jaan kah ika' kalaak basa Kitab Suci: 'Bato' alang jaan d' terima man tukang-tukang bangunan au jadi bato' penjuru. Hal ani' ajaib ha mataan ta'? ⁴³ Kenaan anaan, Akui duaan dahim, Umaa' Tipang sang d' apii' man ika' dahin sang d' aii ha kelunaan-kelunaan alang menghasilkan buaa' man ina'. ⁴⁴ Dahin, hi alang legaak ha usun bato' ani' sang d' miang berkeping-keping; dahin hi pun alang d' muraat bato' ani' sang leruk." ⁴⁵ Teguu' imam-imam kepala' dahin kelunaan-kelunaan Farisi ngering perumpamaan-perumpamaan-Na, daha' jaam bahwa Jisus tengah duaan tentang daha'. ⁴⁶ Tapi, teguu' daha' usaha sang mekaam Jisus, daha' takut ha kelunaan kahum kenaan kelunaan kahum anaan nganggap bahwa Jisus naan nabi.