¹ Kere' ni', au Jisus lahir ha' Betlehem,ha' Yudea,Teguu' zaman Raja Herodes, nyinang im, kelunaan-kelunaan Majus man Timur atang ha' Yerusalem. ² Daha' metang,"hino hia, alang an da kenanaak, Raja kelunaan Yahudi anaan? kenaan, kame au nyinang kerawing-Na ha timur dahin kame atang ne nyembah-Hia." ³ Teguu' Raja Herodes ngering hal ani, gelisah na hia dahin lim Yerusalem peji hia. ⁴ Au hiti, hia mehengkung da' kuhung aya' dahin ahli-ahli taurat bangsa anaan. Hia palip keterangan man daha', nayaan Kristus an da' kenanaak. ⁵ duaan na daha', "Ha Betlehem, wilayah Yudea, kenaan nuni na alang an nabi tulis: ⁶ 'Dahin, ika' Betlehem, ha tanaa Yehuda, sama sekali bukan alang paling tu'uk te'haang lim da penguasa Yehuda, kenaan man ika sang nyemo' na pemimpin, alang sang ngembala umat-Kui, Israel.'' ⁷ Au hiti', Herodes ngeram-ngeram muvi da kelunaan majus anaan, ake kepastian man daha' tentang do malah na kerawing anaan. ⁸ Au hiti, hia nyuhu daha' te ha Betlehem dahin duaan, "te au hiti im pelip dahin sayu tentang Nyam anaan. Dahin, ha ika au habung-Hia, im gii' man akui juung akui hamaam te dahin nyembah-Hia." ⁹ Au daha' ngering dahun raja, daha' pun leka. Dahin, nyinang im, kerawing alang an da nyinang ha timur anaan geri atang daha atang dahin nagah ha usun nayaan Nyam anaan tee'. ¹⁰ Teguu' nyinang kerawing anaan, daha' bersukacita dahin sukacita alang tayaa' pate'. ¹¹ Teguu' au mutaam halam uma', daha nyinang Nyam anaan dahin Maria, hinaan-Na. au hiti', daha' melo' dahin nyembah-Hia. au hiti' daha' muka na lim harta na dahin mai hadiah-hadiah anaan ha-Hia, Hia ti', emas, kemenyan, dahim mur. ¹² kenaan an da gi halam nyupe' jung jaan nekulah ha Herodes, daha' nekulah ha negri na lalo man alaan bale. ¹³ Au na kelunaan Majus anaan leka, nyinang im, malikat Tanangaan tula' ha Yusuf halam nyupe' dahin duaan, ''Maur im, im geri na Nyam anaan dahin hinaan-Na liung ha mesir. melak na im tinaan tang akui megi man ika kenaan Herodes sang pelip Nyam anaan dahin sang lemate Hia.'' ¹⁴ Au hiti', Yusuf maur dahin temoh geri Nyam anaan dahin hinaan-Na teguu' do malam liung suu te ha Mesir, ¹⁵ dahin melak tinaan atang Herodes mate juung an da genapi na nun alang an da Firmankan Tanangaan lalo man nabi: ''Man Mesir ak uvi na Anaak-kui.'' ¹⁶ Au hiti', Teguu' Herodes nyinang kenaan hia au an da perdaya man daha' kelunaan-kelunaan Majus, hia heleh pate dahin nyuhu lemate lim anaak lake ha Betlehem dahin lim nayaan ha tinaan, alang umor na dua' dumaan ha idaa', sesuai dahin jaam alang au na suhu' lim kelunaan Majus. ¹⁷ Kenaan hia ti', genap na nun alang an nabi Yeremia gi': ¹⁸ ''tek ji dahun an da kering ha Rama, angii dahin ratapan alang saii. Rahel nangii da anaak na, dahin jaan ikam an da hibur kenaan daha' au jaan." ¹⁹ Tapi, Teguu' Herodes mate, nyinang im, malikat Tanangaan petula' diri na halam nyupe't 'Yusuf haa Mesir, ²⁰ dahin duaan, "maur, geri Nyam anaan dahin hinaan-Na t'ha tanaa Israel kenaan kelunaan-kelunaan alang sang lemate beruan Nyam anaan au mate.'' ²¹ Au hiti', hia maur temoh geri Nyam anaan dahin hinaan-Na nekulah ha' tanaa Israel. ²² Tapi, teguu' hia ngering Arkhelaus memerintah ha Yudea ngali Herodes, tamaan na, Yusuf takut t' tinaan. teguu' au an puuk daho halam nyupe', hia t' ha tanaa Galilea. ²³ Yusuf atang dahin melaak ha ji kota alang araan na Nazaret hujung genap nina nun alang an da nabi gii', "Hia na alang an da sebut 'kelunaan Nazaret'."