¹ Dahnyin, Imam Bosar bekato, "Ope bonar piok?" ² Kan, Stepanus bekato, " saudaro- sadaro kan bapak-bapak,dingo'am aku tuk. Allah yo Mahamulio tampak kepado inek moyank kito, Abraham, sa'at io gik ado di Mesopotamia, sabelum io tinggel di Haran, ³ kan bekato ke io, ' pogiam derik tanah kau kan derik katurun katotos kau, lalu detang'am ke tanah yo ndak Kutunjuk'a ke ikau.' ⁴ Dah nyin, Abraham ninggel'a tanah aik urank Kasdim kan tinggel di Haran. Khan derik nyin, udah apak'a mati, Allah nyuruh io pindah ke tanah tuk, tempat ikau bediom saat tuk. ⁵ Tapi'a, Allah com morik'a weris ke io'a, bahkan setapak tanahpun acom, tapi Doto bejenji ntuk morik'a kepado Abraham ntuk nyedi milik'a khan keturunan abis io, sekalipun Abraham lom ado anak. ⁶ Tapia, piok kato Allah, keturun katotosa nak nyedi pendetang di tanah yo asing khan sidok nyin akan dibudak sereto dianiayo selambet ompat ratus tahun. ⁷ ' tapi, Aku nak ngukum bangso yo pebudak sidok,' kato Allah, ' dah'nyin sidok pasti keluar derik nyin kan samayang kepado-Ku di tempot tuk.' ⁸ Lalu, Allah morik'a ke Abraham jenji sunat, mako Abraham nyedi apak Isak kan nyunat'a sa'at beumur lapan ari, kan Isak nyedi Apak Yakub, keduok bolas apak leluhur. ⁹ Dongah iri ka Yusuf, urank tuo kito nyuel'a ka Mesir.Tapi'a, Allah nyertai Yusuf, ¹⁰ kan nyelamat khan derik semuo penderito'a,serto morik'a anugrah kan kebijaksana'an di adop Firaun, rajo Mesir, yo mulah'a nyedi paminpin atas Mesir kan saluruh istana'a. ¹¹ suatu saat,bencano kalaparan tejedi da seluruh Mesir kan Kanakan, serto nyebab penderitoan yo sengat b'sar, kan inek moyank kito com biso depat makanan. ¹² Tapi'a,pado,sa'at Yakub ningo ado gandum di Mesir, io nyuruh inek moyank kito de'tank ka nun 'ntuk pertamo kali'a. ¹³ Pado kadetangan ka duok kali'a,Yusuf sengajom diketau'a dirik'a ka adik-bredik'a, kan keluarga Yusuf nyedi jelas di adop Firaun. ¹⁴ Dah nyin, Yusuf ngirom posan kan ngu'nank Yakub, apak'a, kan semuo katurun ka totos'a, jumlah sidok nyin te 75 jiwo. ¹⁵ Mako, Yakub pun turun ka Mesir khan io mati di nun am,io khan inek moyank kito. ¹⁶ Derik nun,sidok di alihkan ka Sikhem khan di pasar'a yo dah di boli Abraham khan sejumlah duit de'rik anak-anak Hemor di Sikhem. ¹⁷ tapi a, sa'at ma'kin somak sa'at pejanjian nyin te, yo dah Allah ikrarkan kepado Abraham, bangsa nyin te batam'bah kan dilipatgandakan di Mesir, ¹⁸ sampai ado rejo la'in bengkit atas seluruh Mesir , yo com tau pei tentank Yusuf. ¹⁹ Rejo nyin te ngepedayo bangso kito kan menganiayo inek moyank kito sehinggo makso sidok mua'ank anak-anak biak beruk lahir sehinggo sidok com dapet betahan idop. ²⁰ pado maso nyin, Musa lahir khan io nyin jengak di mato Allah. Khan, Musa di nguwan di umah apak'a selambet tigo bulen. ²¹ Kan, sa'at io dah di buank, putri Firaun ngamik'a kan bosarkan'a tokuh anak'a surank. ²² Mako,Musa dididik delom segelo hikmat urank-urank Mesir kan iyo bekuaso delem pekatoan kan pebuetan. ²³ Tapi,tengkalo Musa dah gonap umur ompat puluh tahun, muncul delom atia tuk ngunjungi saudaro- saudero'a, yotuk katurun katotos Israel. ²⁴ Kan,tengkalo nongan salah seurank derik sidok di ulah kan com adel oleh urank Mesir,Musa detank mela urank yo dianiayo nyin te kan mbelas kan munuh urank Mesir nyin. ²⁵ Musa ngiro saudaro-saudaro'a nak ngereti mun Allah morik sidok keselamatan ngelaluik dirik'a, tapi'a sidok com ngereti. ²⁶ Kolam'a, Musa netang'ik urank Israel yo gik bekelai, kan io beusaho nge'damai'ik sidok, kan bekato,' Hei, com'ah kulok tu ado hubungan saudaro, ngope mo saling nyakit'ik?' ²⁷ Tapi urank yo nyakit'ik saudero'a nyin nyingkir'ik Musa ke sampink sambel bekato, ' Sope yo nyedi'ik ikau penguaso kan hakim atas kamki? ²⁸ Opekah ikau nak munuh aku tokuh urank Mesir nyin semalom?' ²⁹ Nge'dengo cakap urank nyin te, Musa ngelari'ik dirik kan nyedi pendetank di tanah Median. Di nun, io nyedi apak derik duok urank anak lalaki. ³⁰ Dah gonap empat puluh tahun, seurank malekat ngunjuk dirik kepado Musa di padank belantaro gununk Sinai, delom lidah api di somak duri. ³¹ Tengkalo Musa nongan'a, io heran kan penampakan nyin te.Kan,tengkalo io nge'nyomak 'ntuk encelomat'a, detang'a suaro Doto, ³² ' Aku tum Allah inek moyank kau, Allah Abraham, kan Allah Ishak kan Allah Yakub. ' Musa pun begoger golak'a kan com bereni ntuk ncelomat'ik'a. ³³ lalu, Doto bekato kepado'a, ' Lopaskan'a sendal derik kaki ikau dongah tompat di mone ikau bediri tuk tanah suci. ³⁴ Aku benar-benar dah nongan penderitaan umat-Ku yo ado di Mesir kan dah ningo rintihan sidok.Kan, Aku dah turun ntuk nyelamatkan sidok. kan sa'at tuk ayom, Aku nak ngutus'ik kau ke Mesir.' ³⁵ Musa, yo dah sidok tulak kan bekato, ' Sopei yo dah nyedikan ikau penguaso kan hakim atas kami?' Io tum urank yo Allah utus ntuk nyedi, beit penguaso ndakpun peyelamat, ngelaluik jeri malekat yo ngunjuk dirik'a ke io di semak duri. ³⁶ urank tum mimpin sidok keluar,sambel ngadokan mujizat kan tando-tando ajaib di tanah Mesir,kan di laut merah, kan di padank belontaro selambet ompat puluh tahun. ³⁷ Musa tum'a yo bekato kepado bangsa Israel, ' Allah nak bengkitkan begi kulok seurank nabi tokuh aku di antaro saudaro-saudarokau.' ³⁸ Io tuk yakam urank yo ado di antaro jemaat di padank belentaro besamo malekat yo bicaro ka io di gunung Sinai, kan besamo inek moyank kito, kan io dah nerimok Firman yo hidup 'ntuk di borikkan kepado kito. ³⁹ Inek moyank kito nolak ntuk taat kepado Musa, tapi'a nyingkirkan'a kan ndak pulank ka Mesir gim delom ati sidok, ⁴⁰ kan bekato kepado Harun 'Pulah'kan ka kami dewa-dewa yo nak bejelan di adop kami dongah Musa tuk, yo mimpin kami keluar derik tanah Mesir, kami com tau ope yo tejedi ka io.' ⁴¹ pado waktu nyin,sidok nge'mulah sutik patunk anak lembu, kan nge'morik'ik pesembahan ka behala nyin,serto ba'ayah berami kan pekrejo-pekrejo jeri sidok. ⁴² tapi'a, Allah bepalink derik sidok kan dironak'a sidok nyombah balo tentaro langit, tokuh yo tatulis delom kitab paro nabi, delom kitab paro nabi, 'Opekah ikau me'ik ka Aku binetank samolehan kan pesomahan selambet ompat puluh tahun di padank bentaro, hei umat Israel? ⁴³ Ikau mei'k kemah Mulokh kan bintank dewa kau, Refan,patunk yo ikau pulah ntuk nyomah'a, kan Aku nak muang ikau ka seborank Babel.' Am. 5:25-27 ⁴⁴ Inek moyank kito ado Kemah Kesaksian di padank belantaro, tokuh yo Allah prentahkan sa'at bicaro ka Musa, ntuk nge'mulah'a sesuai kan gamber yo dah io tongan. ⁴⁵ dah nerimok kemah nyin,inek moyank kito mei'k'a tamak besamo Yosua, waktu perobutan tanah sidok derik bangso-bangso lain, yo dah Allah singkirkan derik adopan inek moyank kito, sampei pado jaman Daud. ⁴⁶ Daud nge'depatkan kasih karunia di adopan Allah kan mintok tompat ntuk bediom begi Allah Yakub. ⁴⁷ Tapi'a,Salomo yo mangun sebuah umah begi Doto. ⁴⁸ Tapi'a, Yo Mahatinggi com bediom delom umah yo diulah ensio, tokuh yo dikato'ik oleh nabi, ⁴⁹ ' Langit yo'a takhta-Ku kan bumi yo'a tumpu'an kaki-Ku .Umah pe'mo yo nak ikau bengun bagi-Ku?'Allah befirman,'Atau,pe'mo bedah pe'istirahatan-Ku? ⁵⁰ Kan'a jeri-Ku yo dah nge'mulah semuoa tuk?' Yesaya 66:1-2 ⁵¹ Hei, kulok urank-urank yo keras kepalok, kan ati kan telingo yo com besunat, kulok tuk selalu nentank Roh Kudus, tokuh yo dilaku inek moyangkau! ⁵² Nabi-nabi 'ne yo com di siksa inek moyang kau? Kan, sidok munuh urank-urank yo sebelum'a dah nge'umum'ik kedetangan Sang Kebenaran,yo sa'at tuk dah nyedikan dirikkau surank sebegai penghianat kan pemunuh. ⁵³ kulok, yo dah nerimok Hukum Taurat tokuh dah di sampaikan oleh paro malekat, tapi kulok com enjego'a pei!" ⁵⁴ Tengkalo sidok ningo hal tuk, ati sidok ta tusuk kan keretek gigi'a ka Stefanus. ⁵⁵ Tapi'a Stefanus yo ponuh kan Roh Kudus nongan ka langit kan nongan kemuliaan Allah, kan Yesus badiri di sabolah kanan Allah. ⁵⁶ Stefanus bekato, " dingo! aku nongan langit tabukak kan Anak Ensio badiri disabolah kanan Allah." ⁵⁷ tapi'a, sidok beterik-teriak kan suaro koras, kan nutup teingo, sorta sapakat nyorbu Stefanus. ⁵⁸ Dahnyin, sidok nyeret'a keluar derik kota kan mulai ngelemparik ino kan b'tu.Dah nyin,paro saksi mato nge'nanggalkan jubah sidok di kaki seurank mudak bedemo Saulus. ⁵⁹ Kan, sidok torus ngelempar Stefanus yo sedank beseru kan bekato "Dato Yesus, terimok'a rohku." ⁶⁰ Lalu, dah belutut, io beseru sekuat-kuat'a, " Doto,nank tangukkan dosa tuk ka sidok!" Kan,dah nge'ngato'a, io pun mati.