¹ Sa'at Petrus kan Yohanes bebicaro samo urank bnyak,dtank am paro Imam,kepalo penjago Bait Allah,kan urank-urank Saduki, ² dengan gerom ati dongah sidok ngajer urank b'nyak dan en'crito d'lom Yesus te ado kebenkitan antaro urank mati. ³ Mako sidok enangkap Petrus kan Yohanes dan dimasuk'a dalom penjaro sampai ke'kolam'a dongah ari dah malom. ⁴ T'pi b'nyak d'ri sidok yo dah dingo cakap paro rasul n'jedi pe'cayok,belo lelaki yo pecayo jedi kiro-kiro llima ribu urank. ⁵ Dah kekolam nyin't kepalok-kepalok,tuo-tuo kan jago-jago Taurat,sidok bokumpul be'samo di Yerusalem, ⁶ besamo'kan Imam Bosar Hanas,kan Kayafas Yohanes, Aleksander,kan smu'o urank deri anak b'ranak Imam Bosek. ⁷ Waktu sidok m'beik Petrus kan Yohanes ditongah-tongah,sidok be'tanyok,"Ngan kuaso sope'mo atau ngan demo sope'mo ikau nge'rejo hal nyin'te?" ⁸ Lalu,ponuh Petrus tam Roh Kudus, be'kato pado sidok,"Balo kepalok bangsa kan tuo-tuo, ⁹ mun kami diprikso ari tu garo-garo mu'lah hal je'ngak yo dah kami kre'jokan ngan urank lomah tum,koti'mo urank tum dah disombuhkan? ¹⁰ Ronak'a hal tum diketahu kulok smuo kan smuo urank Israel mun delom demo Kristus Yesus, urank Nazaret yo dah kulok salibkan nyin, yo dah di be'ngkit'a Allah deri antaro urank mati,mako urank tum, bediri dimuko kulok dengan sehat nyin. ¹¹ Yesus tum'a;''B'tu yo ditolak kulok,tukank-tukank bangunan,yo dah jedi Be'tu Penjuru.[Maz 118;22] ¹² Dan com ado keselamatan didalom sope-sopepun kar'no com ado demo laen dibe'ruh langit yo diborik'a diantaro ensio yo oleh demo nyin kito dapat dis'lamatkan.'' ¹³ Udah sidok nongan ke'brenian Petrus kan Yohanes dan ngerti'a kalau Petrus kan Yohanes rupa'a urank com sekolah,urank biaso,sidok heran'am lalu ta'u Petrus kan Yohanes duok urank nyin kalok be'samo'kan Yesus. ¹⁴ Udah nongan urank yo dah disembuhkan nyin badiri somak Petrus kan Yohanes,sidokpun com dapat bantah dah. ¹⁵ Tapi'a sidok m'rintah'a Petrus kan Yohanes ninggal'a Sanhedrin ,sidok bepakat satu samo laen, ¹⁶ kato'a ,"ope yo nak kito laku'a ngan keduo urank nyin?"Sebob sidok nyin dah mulah hal ajaib yo bosek kan bonek nyato ka s'mua urank yo diom di Yerusalem,dan kito com dapet nyangkal'a. ¹⁷ tokuh' tu supayo hal nyian te com ketahu'a semuo urank,yok kito ancam jak sidok nyian te supayo sidok com bicaro ka'sopepun dalam demo Yesus. ¹⁸ Dah nyian'te,sidok nya'kau Petrus kan Yohanes,lalu diprentah' a io duok nyian te supayo com bicaro kesopepun delom demo Yesus. ¹⁹ Tapi Petrus kan Yohanes njawab dan be'kato kepado sidok,"putus'am mone yo bujur delom pano'ngan Allah,tuk di'ngo kulok atau Allah? ²⁰ Sebob kami com biso kecuali ngatok'a hal-hal yo dah kami tongan kan kami dingo." ²¹ mangko sidok terus ngancom Petrus kan Yohanes akir'a di ronak'a piyom Petrus kan Yohanes pogi,setelah com nomu caro dah tuk ngukum sidok duok nyin te sobab urank benyak yo muji Allah nongah jolu yo dah tejadi. ²² nongah urank yo narimok tando kuasa kasembuh a te dah ba umur lobih darik empat puluh tahun. ²³ Waktu dah dilopas'a, Petrus kan Yohanes pogi ka bale kawan'a dan nge'sah segalo jolu yo dipadah'a oleh para imam kepalo dan tuo-tuo ka-sidok. ²⁴ Dan waktu bale kawan'a ningo hal nyinte sidok nyakau kan sehati kepado Allah, "O Doto, Yesus Kristus,Ikau am yo nyedikan langit kan tanah aik, laut kan segala jolu. ²⁵ yo bakato ngelalui Roh Kudus, ngelalui mulut hamba Duen, Daud, inek moyank kami: ngopei bangso-bangso lain ngamuk' kan meretik yo sia-sia? ²⁶ Rajo-rajo dunio ba'siap-siap, kan balo panguasa bakumpul basama, ngelawan Dato kan ngalawan Yo Diurapi- A.'Mzm 2:1-2. ²⁷ Sebab, sabenar'a di kota tum dah bakumpul besamo untuk ngalawan Yesus, Hamba-Mu yo Kudus, yo Ikau urapik,beit Herodes kan Pontius kan Pilatus basamo kan bangsa-bangsa lain,dan urank-urank Israel, ²⁸ untuk ngalaku segelo jolu yo oleh jeri-A dan rencano-A dah di tontu'a sobolom'a supayo tejedi. ²⁹ Dan sa'at tum,Doto,tongan'a ancaman-ancaman sidok dan karunia'a hamba-hamba Duen tum entuk berito'a sagala Firman Duen supayo kami jedi breni, ³⁰ Sementaro Ikau ngulur jeri Duen entuk nyomuh'a dan tando-tando sereto keajaiban-keajaiban te'jedi oleh demo hamba Duen yo Kudus,Yesus ." ³¹ Dan, setelah sidok bedoa ,taguncank'a tompat sidok bakumpul basamo dan sidok semuo ponuh tam Roh Kudus 'serto terus m'berito Firman Allah ngan breni. ³³ Dan kumpulan urank pecayok basatu hati kan jiwa.Com ado sorankpun yo bakato bahwa berank kapunya'a iyo milik'a surank tapi'a segalo sesuatu milik besamo. ³² Lalu,ngan kuaso yo bosar paro rasul m'berito kesaksian sidok tentank kebengkitan Dato Yesus dan anugrah yo besar ado atas sidok semuo. ³⁴ surank pun com ado yo kakurank'a di antaro sidok nongah semuo urank yo ado kobun tampas atau umah, juel'a, dan m'beik hasil penjuel'a, ³⁵ lalu naruh'a di beruh kaki paro rasul, dan di begi -begi pado masink-masink urank sesuai kaparelu balo iyo. ³⁶ piok'a Yusuf,urank Lewi,katurun ka totas Siprus,yo gak disapo paro raso, Barnabas, yo reti a 'anak pangibur' ³⁷ nyuel tanah milik'a dan mei'ik duit'a,lalu ngaletak'a di kaki paro rasul.