¹ Suatu sa'at,di Kaisarea, ado seurank bedemo Kornelius, seurank perwira derik pasukkan Italia, ² urank saleh yo golak kan Allah, piokgam semuo urank yo ado di umah'a, kan morikan benyak sedekah pado urank-urank kan mogel badoa kepado Allah. ======= ¹ suatu saat,di kaisarea, ado urang demo,a kornelius ,pangkat a perwira deri pasukan italia, ² urang beriman yo golak akan Allah, piyok gam semuo urang yo ado di umah'a, kan mori'k sedekah ka ,urang-urang yo rajin badoa kapado Allah . >>>>>>> 0b7595869ca0fd3db38ec88a7a1a1bbe75101415 ³ Pado sore,sekitar jam tigo ari nyin te, io nongan secaro jolas delom sebuah penonganan, seurank malekat Allah detank kan bekato ke io, "Kornelius!" ⁴ Lalu, io encelomat malekat nyin kan sawan kan bekato,"Ope mo tuk, duen?" Kan malekat nyin bekato ke io,"Doa-doa kau kan panulunk kau dah neit nyedi suatu pengigat di adopan Allah. ⁵ Sa'at tuk,suruh'a urank ke Yope kan sapo'am seurank bedemo Simon, yo gak di sapo Petrus, ⁶ io tinggel besamo kan penyamak kulit bedemo Simon, yo umah'a beado di topi laut." ⁷ Tengkalo malekat yo bebicaro ka io dah pogi, Kornelius nyapo duok urank pelayanan'a kan seurank prajurit yo saleh derik antaro urank-urank yo selalu melayanik keperluan pribadi'a, ⁸ kan se'dah nyolaskan segelo sesuatu ka sidok, io nyuruh sidok ke Yope ======= ⁷ Saat Malaikat yo bacakap ka Kornelius madah du'ok urang pelayant kan seurang Prajurit yo beriman deri >>>>>>> 0b7595869ca0fd3db38ec88a7a1a1bbe75101415 ⁹ Kekolam'a, tengkalo sidok gik delom pejelenan'a kan somak kota nyin te, Petrus nait ke atas atap umah yo rato, sekitar jam onam 'ntuk badoa. ¹⁰ Lalu, io aso lapar kan ndak makan, tapi'a sa'at urank-urank gik nyiapkan makan, Petrus depat sebuah penampakan, ¹¹ kan io tongan langit tabukak kan jolu tokuh kain yo sangat lebar turun kan taulur derik keompat sudut'a sampe ke tanah. ¹² Di delom'a, ado segelo jenis binatank bekaki ompat, kan binatank-binatank merayap di bumi, kan burunk-burunk di langit. ¹³ Lalu, detank'a suaro bekato ka io," bengkit'am Petrus, bunuh'a kan makan dom!" ¹⁴ Tapi'a, Petrus bekato, " Lek, Doto. Dongah, aku comkalok makan ope pun yo haram/mali atau najis." ¹⁵ Kan, suaro nyin bekato gim kepado'a, ntuk keduok kali'a, "Ope yo dah Allah sucikan,nank sekali-kali ikau sobut haram/mali." ¹⁶ Hal tuk tejedi tigo kali, kan tibo-tibo semuo nyin teangkit ke langit. ¹⁷ waktu nyin, sementaro Petrus gik bingunk mikirkan ope arti penampakan yo dah di tongan'a nyin, tampak'a urank-urank yo dah di utus Kornelius gik ngogok di mone umah Simon, sambel badiri di adop lawank gerbank, ¹⁸ kan sambel nyakau, sidok betanyok opekah Simon,yo di sobut Petrus numpank di nun. ¹⁹ Sementaro Petrus gik ngerenungkan penampakan nyin, Roh bekato kepado'a, " Tongan'a ado tigo urank lalaki gik ngogok kau. ²⁰ Bengkit kan turun dom, pogi dom besamo sidok kan com ragu-ragu dongah Aku dah ngutus sidok." ²¹ Lalu, Petrus turun ka urank-urank nyin kan bekato, " Tongan, aku tum urank yo ikau gogok.Ope alas'a kedetangan ikau?" ²² Sidok bekato, " Kornelius,seurank perwira kan benar kan golak 'kan Allah, yo tekenal be'et di antaro seluruh bangso Yahudi, dah diingatkan oleh malekat kudus 'ntuk nyuruh ikau detank ke umah'a kan ntuk ningokan pekatoan ikau." ²³ Petrus ngundank sidok mansuk kan morik sidok tumpangan di diok. Kekolam'a,io bengkit kan pogi besamo sidok, kan beberope saudaro seiman derik Yope nambah'a. ²⁴ Pado esok ari'a, sidok mansuk Kaisarea. Kornelius dah nantik-nantikan sidok kan dah ngumpulkan adik beadik'a sereto kawan-kawan somak'a. ²⁵ Tengkalo Petrus mansuk, Kornelius netang'a, lalu balutut di kaki Petrus dan nyomah'a. ²⁶ Tapi a, Petrus nulunk'a bediri sambrel bekato," Badirilah! Aku pun seurang ensio gak'am." ²⁷ sementaro Petrus bebicaro khan Kornelius, Petrus mansuk ke delom kan nomui ado b'nyak urank bekumpul besamo. ²⁸ Lalu,Petrus bekato kepado sidok, " Kulok ta'u bahwo adolah kekejian begi urank Yahudi ntuk bahubungan ndakpun netang'ik urank kan'ak Yahudi, tapi Allah dah nunjukkan ka aku bahwo aku com searus'a nyobut sopepun haram atau najis. ²⁹ nyin'am sobab'a, aku com kaboretan tengkalo ikau nyuruhku detank.Dongah nyin, aku betanyok ntuk alasan opei ikau nyakau aku te?' ³⁰ Kan,Kornelius bekato, " 0mpat ari yo lelu tokuh jam sepiok'am, pado jam tigo aku gik badoa di umah aku, tibo-tibo ado seurank badiri di adopanku makai pakaian yo bakilau. ³¹ Lelu bekato, ' Kornelius, doakau dah didingo kan sedekahkau dah diingat Allah dah. ³² Dongah nyin, suruh'a ke Yope kan mintok'a Simon yo di sobut Petrus ntuk detank. io gik numpank di umah Simon, seurank penyamak kulit,di tepi laut' ³³ Dongah nyin te,aku langsunk nyuruh urank ke ikau,kan ikau dah bebe'et ati ndak detank.saat tuk,kito semuo ado di tuk,di adopan Allah,ntuk ningo segalo jolu yo dah diprentahkan ka ikau oleh Doto." ³⁴ Lalu, Petrus mukak mulut'a,kan katoa " Saat tuk, aku b'nar-b'nar ngereti dah,rupo'a Allah com ngebedokan pei. ³⁵ Tapi'a di setiop bangso, urank yo golak 'kan Io kan ngelaku'ik opei yo b'nar, bekenan kepado-A. ³⁶ Firman yo Allah sampekan ka bangso Israel memberitokan kaber be'et damai sejahtro ngelalu'ik Kristus Yesus, Io'a Doto atas semuo'a. ³⁷ Ikau surank tau kejadi yo dah tejedi di seluruh Yudea, mulai derik Galilea, se'dah baptisan yo Yohanes beritokan, ³⁸ ikau tau Yesus, urank Nazaret, koti Allah ngurapik Io khan Roh Kudus kan kuaso.Io pogi bekalilink ngelakukan kebe'etan kan nyomuhkan semuo urank yo ditindas roh jahat dongah Allah nyereto'i Io. ³⁹ kami tum saksi-saksi derik semuo hal yo dah di lakukan Yesus, be'et di daerah urank Yahudi ndakpun di Yerusalem. Sidok dah munuh Yesus khan ngantunk-A di kayu salib. ⁴⁰ Tapi,Allah bengkitkan-A pado ari yo ketigo kan diperkenankan Io ntuk ngunjukan dirik-A, ⁴¹ kan'ak ka semuo urank, tapi'a ka kami, saksi-saksi yo dah di pilih Allah sebelum'a, yo makan kan minum besamo ka Io se'dah Io bengkit derik urank mati. ⁴² Kan, Io merentahkan kami ntuk emberitokan ka urank-urank kan basaksi sunguh-sunguh rupo'a Io tum yo di t'tapkan Allah ntuk nyedi Hakim atas yo idop kan yo mati. ⁴³ Begi Io, semuo nabi besaksi bahwa setiop urank pecayok di delom-A pasti nerimok peampunan dosa ngelalu'ik demo-A. ⁴⁴ Sementaro Petrus gik ngucapkan kato-kato nyin, Roh Kudus turun ke atas semuo yo ngedingo firman nyin te. ⁴⁵ Kan, urank-urank pecayok yo besunat, yo detank besamo khan Petrus, takjub dongah karunia Roh Kudus dah dicurahkan, gakam kepado bangso-bangso lain. ⁴⁶ Dongah, sidok ngedingo urank-urank nyin becakap delom bebagai bahaso kan memuliokan Allah.Lalu, Petrus bekato, ⁴⁷ "Depat dih seurank pun yo depat ngalangik sidok tuk di baptis khan aik, sementaro sidok tu dah nerima Roh Kudus samo tokuh kito?" ⁴⁸ Mako'a,Petrus merentah'ik sidok ntuk di baptis di delom demo Kristus Yesus.Lalu, urank-urank nyin mintok supayo Petrus bediom besamo kan sidok beberopei ari lambet'a.