¹ Sesuatu yo dah ado sejak semulo, yo dah kami dingo, yo dah kami tongan khan mato kami, yo dah kami peretikkan kan sentuh khan jeri kami, yam Firman kehidupan, ² keidupan nyin daf dinyatokan kan kami dah nongan Sien. Kami bersaksi kan memberitokan ke kau tentang keidupan kekal nyin, yo dah ado besamo-samo Apak kan dah di nyarokan ke kami. ³ Hal yo dah kami tongan kan dingo nyin, kami beritokan gam ke kau supayo kau ado persekutuan gam besamo kami. Sebenar'a, persekutuan kami nyin te yam besamo Allah Apak kan anak Sien, Kristus Yesus. ⁴ Semuo hal tuk kami tuliskan ke kau supayo sukacitokau nyedi ponuh. ⁵ Tum berito yo dah kami dingo tentang Sien kan kami sampekan ke kau, yam Allah nyi te terang kan di delom Sien samo sekali com mado kegelapan. ⁶ Mun kito madahkan bahwo kito ado persekutuan khan Sien, tapi kito idup delom kegelapan, kito ngelakar kan com ngelakukan kbenaran. ⁷ Tapi, mun kito bejelen delom terang , kito ado persekutuan sikuk khan yo lain, kan darah Yesus, Anak Sien, meresihkan kito d'rik dosa. ⁸ Mun kito madhkan bahwo kito com bedosa, kito nipu d'rik kito surank kan kebenaran kito ado di delom kito. ⁹ Mun kito ngakui dosa-dosa kito, Sien nyin te setio kan adel ntuk ngampuni dosa-dosa kito kan ntuk meresihkan kito d'rik semuo kejahatan. ¹⁰ Mun kito madahkan bahwo kito lom kalok ngulah dosa, kito ngulah Sien nyedi pengelakar kan firman Sien com mado di delom kito.