¹ Ket iro pulaksanai sa na paahi uki dan na kasongouki sa jari kaaraien dan kabanggaan uki, sokonrongleh anri wigas gi hiung Tuhan. ² Uki tu'u ilaku hmpah Euodia dan pada pa Sintikhe palai wolum rukun gi huang Tuhan. ³ Ya uki ilaku hmpah iko sahabat-sahabat sejati uki karawah wawe-wawe ittu ket reo haut bagawi kuat baya uki dami palayanan Injil, pada baya Klemens dan iyang si erai gawian uki salain sangaran ne natulis huang kuku kehidupan. ⁴ Baarai tarus gi huang Tuhan hindra kia uki sawada ba araileh, ⁵ Elahleh kelembutan ate ko na kutue kahai ulun Tuhan rupak. ⁶ Ada gaer niu inun pun pada, namun gi huang uras na nyatakan kabahumen ko hmpah Allatala huang lalu dua anri nguntuh Syukur. ⁷ Damai sejahtera Allatala sa tetaplah teke pantaruan kai memelihara ate konoan huang Yesus Kristus. ⁸ Akhir ne pulasanai, kahai sa tu'u kahai sa mulia kahai ne adil, kahai ne barasis, kahai ne maasus kahai ne na tawat, kahai ne puruna, kahai ne maasus na tawat, konoleh kahai ne. ⁹ Inun sa haut napajar, tirime, sonrongoi, ite teke, uki, ulahleh kahai ne iro. Maka Allatala seinber damai sejahtera ka nyinrah iko. (Paulus Berterimakasih hmpah ulun-ulun persaya gi Filipi) ¹⁰ Uki tu'u baarai gi huang Tuhan ket tataha akhir ne iko ngunru kumutek perhatian ko hmpah uki. Memang si mete ne iko ngunru perhatian hmpah uki kode iko bakoi oeng waktu. ¹¹ Uki sawada hal ittu bakoi ket uki ganyah kurang et uki haut paajar nyunsukup tonga huang keadaan inun pun. ¹² Uki kutue inun anti ne kekurangan dan uki pada huang tiap kawangunen, uki jhaut paajar rahasia wolum sa sukup inunkeh anri wosing atau kala'u, inunkeh wolum wahai duit atau bakoi oeng duit . ¹³ Uki kiiuh ngulah kahai ne meteh Io sa ngundru kawigasen hmpah uki. ¹⁴ Namun uki haut ngulaah maasus hakum babagi beban anri uki. ¹⁵ Iko kutue reerai jemaat Filipi bahwa hentek malai pelayan injil ukah uki nanan Wilayah Makedonia bakoi oeng jemaat sahakun babagi beban anri uki gi huang hal ngunru dan nirime ekat iko. ¹⁶ Bahkan hentek gi kota Tesalonika, iko ngirim pangarawahen pakai keperluan uki lewi tike hinra. ¹⁷ Namun bakoi pangarawahen iro sa na etto uki,melainkan uki ngeto u'a sa akan ngampi idu ke untungan ko. ¹⁸ Uki haut nirime bayaran ponubahan lewi uki kahai sa uki perlukan ket inun sa na unru dan na kirim ko hmpah uki mete Epafroditus. Inun na unru ko iro jari persembahan sa morouh ewo, kurban sa kapinu'u dan ngampi sanang Allatala. ¹⁹ Allatala uki kai nyunsukup kahai keperluan ko munurut panatau ne sa mulia huang Yesus Kristus. ²⁰ Kemuliaan bagi Allatala dan Bapa takam pakai ku nguhang-uhang ne. Amen. ²¹ Tahampe ta be kain hmpah kahaii ulun barasis huang Yesus Kristus tabe pakai ko teke pulaksanai seiman sa na'an gaya iko gi ittu. ²² Kahai ulun barasis ngirim tabe pa iko khusus ne reo sa bagawi malayani gi istana kaisar. ²³ Anugerah teke Tuhan Yesus nyinrah roh ko. Amen.