¹ Saja udah di lapor keh bahwa bisik perzinaan di entara kitak,perzinaan te entai sik di antara bala bangsa te lain,nyak meh bisik urang te ngambik bini apainya. ² Dan,kitak sombong! entai kah seharusnya kitak tusah ayu keh urang te mulah penyalah nyak disingkir keh ari entara kitak? ³ Haja meh,secara jasmani aku jauh,tapi aku datai alam roh.Dan,aku udah ngukum urang te mulah penyalah nyak,pura-pura meh aku datai. ⁴ Alam nama Tuhan Yesus,alai kitak bekumpul,dan aku tambai kitak alam roh enggau kuasa Tuhan kitai,Yesus, ⁵ Aku udah mutus keh nyerah keh urang tok ngusung antu enggau ngancur keh dagingnya ayu keh roh nya tauk di selamat keh apik ari Tuhan. ⁶ Sombong nyak entai baik,entai kah kitak tauk badak jepit kiping tauk ngambuh semua adonan? ⁷ bersih keh meh semua kiping te lamak ayu keh kitak nyadi adonan te baru, kitak haja memang entai bekiping.Sebab,Kristus, Domba paskah kitai,udah di semelih. ⁸ Karna nyak meh,buh meh kitai ngeraya keh gawai nyak, bukai enggau kiping te lamak,bukai ari kiping te buntau enggau te jaik,tapi enggau roti te entai bekiping tapi ari kemurnian dan kebenaran. ⁹ Aku nulih surat ngusung kitak alam suratku:anang begaul enggau bala urang te cabul. ¹⁰ Maksudku, bukai enggau bala urang te cabul di dunia tok, bala urang serakah,bala penipu,atau bala urang te merik antu makai. Asa baka nyak,seharusnya kitak keluar ari dunia tok. ¹¹ Nanum,entik aku nulih keh ngusung kitak,anang begaul enggau bala urang te disebut menyadik asa ia nyak urang cabul,serakah,te merik antu makai, pemfitnah,pemabuk,atau penipu.Bahkan,anang makai tambai urang te baka nyak. ¹² Sebab, nama urus ku ngukum bala urang luar? Medak kitak ngukum sidak te bisik alam jemaat? ¹³ Nanum,Petara te ngukum sidak te di luar jemaat.Karna nyak,usir meh urang te mulah penyalah ari entara kitak.