¹ Jadi meh urang te nurut teladanku,baka aku enggau Kristus. ² Entok, aku muji kitak karna kitak ngingat aku alam semua utai dan bepegai tradisi-tradisi baka te aku padah keh ngusung kitak. ³ Namun,aku kak kitak ngerti bahwa palak tiap urang laki nyak Kristus, palak urang induk nyak urang laki,dan palak Kristus nyak meh Petara. ⁴ Tiap urang laki te bedoa dan bernubuat enggau palak te betudung entai menghormati palaknya. ⁵ Namun,tiap urang induk te bedoa atau bernubuat enggau palak te entai betudung,ngina palak diriknya,hal tok sama baka asa palaknya dicukur. ⁶ Sebab,asa sikuk urang induk entai nudung palanya,ayu keh mehnya netak semua buknya.Namun,asa malukeh bagi urang induk netak buknya atau nyukur palak diriknya,ayu keh meh nya betudung. ⁷ Palak urang laki entai tauk ditudung karna ia nyak gambaran dan kemulian Petara.Namun, urang induk nyak kemulian urang laki. ⁸ Urang laki entai berasl ari urang induk,tapi urang induk berasal ari urang laki. ⁹ Dan,urang laki entai diciptakeh nuk urang induk,tapi urang induk nuk urang laki. ¹⁰ Nyak meh ngasuh,urang induk harus bisik tanda kekuasaan apik palaknya karna para malaikat. ¹¹ Walaupun baka nyak, alam Tuhan,entai sik urang induk tanpa urang laki,atau urang laki tanpa urang induk. ¹² Sebab, urang induk berasal ari urang laki,baka nyak meh gak urang laki adai ari urang induk.Dan,semua utai berasal ari Petara. ¹³ Pertimbang keh meh kedirik,nama pantas peh urang induk bedoa ngusung Petara enggau palak te entai betudung? ¹⁴ Bukai kah alam kedirik ngajar keh ngusung kitai asa urang laki bisik buk panjai,hal nyak kehinaan bagi nya? ¹⁵ Namun,asa urang induk bisik buk panjai,hal tok kemuliaan baginya:Sebab,buknya nyak diberik keh ngusungnya sebagai penudung. ¹⁶ Asa bisik urang te agik kak mantah,kami entai sik kebiasaan nyak,baka nyak ugak jemaat Tuhan. ¹⁷ Alam merik keh perintah tok,aku entai muji kitak karna kitak bekumpul bukai enggau hal te baik,tapi enggau utai te jaik. ¹⁸ Petama, alai kitak bekumpul sebagai jemaat,aku ninga bahwa bisik pepecahan di entara kitak.Dan,aku pecayak setengah. ¹⁹ Sebab, harus bisik pepecahan di antara kitak ayu ke sidak terbukti tan di uji nyak jelas diantara kitak. ²⁰ Alai kitak bekumpul apik utai te sama, hal nyak bukai meh enggau makai pejamuan Tuhan. ²¹ Karna apik alai makai, tiap urang dulau ngambik mahkai nya kedirik nyak meh ngasuh bisik te lapar dan te lain mabuk. ²² Nama kitak entai sik rumah ti alai makai nggau ngirup ? Atau,nama kitak menghina jemaat Petara peh dan malukeh sidak te entai sik nama nama? Nama te harus kupadah keh ngusung kitak? Harus peh aku muji kitak? taruh meh entai! ²³ karna,aku nerimak ari Tuhan nama te aku serah ke ngusung kitak,bahwa Tuhan Yesus,pas malam alai Ia dikhianati,ngambik roti, ²⁴ dan seudah ngucap syukur,Isa mecah-mecah keh roti nyak udah nyak bejakuk," lakukeh meh baka tok ayu keh kitak ngingat Aku." ²⁵ Baka nyak meh gak,Ia ngambik cawan dah makai lalu bejakuk, "Cawan tok meh perjanjian baru te alam darah-Ku.laku keh meh hal tok,tiap kalik kitak ngirup,nyadi peringatan akan Aku." ²⁶ Sebab, tiap kalik kitak makai roti tok enggau ngirup cawan tok,kitak madah keh kematian Tuhan sampai Ia datai. ²⁷ Karna nyak,sapa te makai roti enggau ngirup cawan Tuhan enggau cara te layak,ya besalah enggau tubuh dan darah Tuhan. ²⁸ Mensia harus nguji diriknya kedirik,asa baka nyak ayu keh meh ya makai roti dan ngirup ari cawan nyak. ²⁹ Sebab, asa urang te makai enggau ngirup entai ngakuk tubuh Tuhan,ya datai keh ukuman enggau diriknya. ³⁰ Nyak meh ngasuh,mayoh kitak te lemah enggau pedih, bahkan cukup mayoh te mati. ³¹ Namun,asa kitai nilai dirik kitai kedirik enggau amat,kitai entai akan diukum. ³² Namun, alai kitai diukum,kitai dididik Tuhan ayu keh kitai entai diukum tambai dunia tok. ³³ Jadi,bala menyadik ku, alai kitak bekumpul makai,sama ngantik pangan meh. ³⁴ Asa bisik urang te lapar,baik meh ia makai dulau dirumah diriknya ayu ke kitak bekumpul entai enggau penghakiman.Dan,hal-hal te lain akan aku atur ngantik aku datai.