HADA MORHA KADOHA ¹ Haapedani ngara dukkada kada liwawa langara dukada hatoki mono hakawaha, kada dokuni mono rayini ngara dukada kadoha, ² Abu langlikaya langka garan, a buda habarengo, makka mata, mono liwawa labarada ole toda. ³ Ida ulhona dakabonga, jada hatenakma, dokohngo, mono naha ngadewa pahangada orongo bagu dokuni habegu, morha lahadu japata mono kiri ate, mubun mono hamunu wungo ⁴ Ta iyaka, orongo doha atena Mori Allah, ka tulkada ida, wedanka, ⁵ Na mahigoda ida, ja oro katenama nani harayida, taiya oro doha ate nani bana dadi habli mona bana haberui Roh Kudus. ⁶ Ma iya naburu nabowodi la barada kawali lai Kristus Yesus. katolkada ida. ⁷ Kole bada hamahigoya oro. wemaringi wemalala, ida kada dadi ana hadu uma mono kada morha habeda jaka ha dukka. ⁸ Yitna liha toki natena. ikaya gu kamakduni kamu hatena langtakawu ma ikaya hit kabak hatenaya namorida Maroba Allah. Ka enga dongo bada rayini kadoha, ngara dukada hitu na dohayi mona mangu godda mbarada ngara dukkada ole todda. ⁹ Ta iyaka, maronni na pahibatango, dulka wola wuyo, hamuhngo, habarengo awango tutna kanogo Taurat orongo nana nekmabo gonna. ¹⁰ Heme toyo karayini pahamuhu donga, ha openani hadakka ha duni, pojaka babumu maronni. ¹¹ Orongo mu taja yaka nena toyo kahengo ha jolora mowaika mona kabonnada kajala kadoku mona paha duke donga dani namayila labarana pola tonna ¹² Kole bagu hawedeyai Artemas monoi Tikhikus labaramu, engadongola bamu mawu labaragu la Nikopolis orongo yayo gu pohotayaka engango habali kohaduki lamartana. ¹³ Dokuni ia kulhamu, tulkini benas too kajalla monoi Apolos kanengo la hadu lara tanam tangada abu nengo jaka hatutngo . ¹⁴ Baheka hittoda dahanuwa nehoya nahayilli kawouango bada hayilid kadoha kada tajaya ba ahani habeda bada morha dihalodo-dihalodo mono jada morha wola wukma. ¹⁵ Ngaradukada to'o kanengo labaragu, dahaduki mowani naligu labaramu. Hadukki kigani naligu labarada kamanawara wagama hatena, wemaringi wemalala na golu okami.