Salam wali lai Paulus monoi Timotius. ¹ Walna lai Paulus monoi Timotius, halede limai Yesus Kristus pahaorona la tangakohada toyo hatena kanengo la Filipi mono tangada belitoyo. ² Maring malala walla Allah, Babada, mono maroba Yesus nahatabaradani. ³ Gu wemaringi juaya na Allahgu bagu ape kami. ⁴ Dagu sembayang kagimi, sembayang bokola ate juawa. ⁵ Orona bamhawu atengo pahajolami wali kawunga bawe li koha bahena. ⁶ Guhatenaya bagaran kahayilngo kadoha, nahalodo jalani koha lodo hatoknai Yesus Kristus. ⁷ Larajalananka bahegu bahena la barami oronan yomi hegimi la ategu. Wal baenga hogu lagolu koha bagu tokya katena mono homoddo linai mori. ⁸ Allah ha pahodegu, manawara kohagimi tangami kahatenaya Yesus Kristus. ⁹ Neha pakawojogu: Yina manawaramu namataba hakitakango wangotaja mono mania ate. ¹⁰ Koha bampewen kadoha lodongo kanamurahana atemu mono abnengo kajalana la lodonai Kristus. ¹¹ Ponwagan ih-ihna katena kanemengo walai Kristus Yesus pahatengwadani mona hadeka dongadani Alla. ¹² Bagole begimi, kamtaja kakmoya orona kadadi labaragu namataba lura dongani nalinai mori, ¹³ nella tangana kajawaya binna tama laharona mono tangana na toyo datajaya bagu tamawa lagolu oroi Kristus. ¹⁴ Danga jalai ole beggu kahawu hatenango kareh hamonoyai mori oro tamagun yina golna, kana banate wakani bda talaran nalinai more kaabhilu nenni nakabohi. ¹⁵ Tabollo, nemema nedi katalaran tatnai Kristus oro kir ate mono hatakngo, mono nejaladi oro ate dohada. ¹⁶ Heme kadoha pahangadana darayin oro manawara, orona datajaya bada hawonaga hena tokguni kahatepijango tut linai Mori. ¹⁷ Tabollo jeka doha pahangadana da rayurani wutogo, ate jeka muraha orona pahangadada gu taba mayillawa bagu engango lagolu. ¹⁸ Nebahenaka ahan ihna? Hilnaka, langka ahanyidomonu walka dati rayin mono karay tepijan enganena batokdan natutnai Kristus, moin haege atedongagu, jedopijakma ine haege ate hakita dongagu. ¹⁹ Orona gu tajaya pahalimi lakawejo katabami mono hatulnai Roh Yesus Kristus, ahan kadadi labaragu guma higo dongani. ²⁰ Pahamogtog la ategu jegu kole dongak mango moke. Hedumona kabalna, gu kole dongan bokala ate yiy Kristus, behenna mono kaatngo da dekka donga kagan la pola toggu walbag morahawa langkag matedumowa. ²¹ Oronatugtog yayo namorhagu oroi Kristus mono mategu hautdongaya. ²² Tabollo bagmorha nehingkahowa yila pola toggu gu hayilnehinghoni koha mana ihi nawuna. Nebehenaka genehonkaha pedegu, jehelgu tajakmayaka. ²³ Yiga kalaha duna. Habehingguka kagujenna kayina morhagu weggu kagdoknen Kristus, narehi dohanepo. ²⁴ Taidoya habem yommi atnehona manggona bagu enga kango morhani yina pola toggu. ²⁵ Tabollo orona yina hatena, gu tajaya bagekango labaram tanga koham hamataba donganan naege atemu tutna lahatena. ²⁶ Bagu baliwalkawa labarami, nataba bokolo atemi tutnai Yesus Kristus ba oro guni. "HAWUNGO MONO ENGANGO BAMDIHO" ²⁷ Loko wekjalango, enganekakngo bammorham kadoha nelai injil Kristus, neme banemekaga matobokami mono bajegu matoboka dumokami, kaengana bagu nongoya kaengana bamdede didaram lahawu Roh, hawu pahangada bam berjuang dobba tut iman walila Injil. ²⁸ Abim jekada bada habuhi gimi heme goba-goba mi, orona tajakdan olemu bahamoho dongaya, tabollo yina morha labara mini, mono yina tadko walna lai mori. ²⁹ Oroi Kristus yomi dahamaringgimi, jena tut belekma bab hatenaya labarana. Tabollo lidumohoya namayila oro dumona. ³⁰ Taidoika aronehodi mayilla-mayila kahengo haltem haarogu, mono bahena harongom engahodi bagu podadi.