LIIMANAWARA TUT FILEMON ¹ Limanawara kawalneka lai Paulus, to yo ha golda oro Maroba Yesus Kristus, mono kawal lay Timotius ole beda to kaha tena, lo po la Filemon, ole beda hama namawara, ² Mono la apafia, tangana to la Arkhipus. Ole halako da idango, mono tanga totang ka ha tena kasembayang la umamu. ³ Maringi malala kawal kohada kaha tena, dakawojo kataba netya la Allah mono Maroba Yesus Kristus. WA WEGUNI ORO HATENA MONO MANAWARAI FILEMON ⁴ Wa weguni Maroba Allahgu orongobagu kawajowa bana ape wu tut la sembayang, ⁵ Orongo bagu rongowa tut hatena monomanawara kawal. Ia yomi rehwi hongo Maroba Yesus mono toyo ka kanengo labaramu tut morda mono tangada to kateng hatena. ⁶ Yayo kawajo kataba tut ngo hatenamu, kanna halako doya tutngo harayimu ka dohaki tut nai Kristus. Paha ngadamu kanengo labarada lagna Kristus . ⁷ Yayo gukole benka kalagebona mono padoha donga, wal baramu oro manawaramu bana line layo ole be orongo walla yomina ole begu, ate da to kahatena kana kadongko habali. HAKANA PAULUS TUT NAI ONESIMUS HAKARENAI ⁸ Oro yayo gu kole benka hatena kabokola wal lai idiyka langkagu dagkani hatena tepija tut nai Kristus mono hawedemi kam rayini kadohaki. Labaramu, oronani dadi bana hawedewuy ahani hatagum tut manawa, bana doha nehoki bagu kareguni labaramu. Yayo Paulus, ⁹ Oro idiyka manawara, narehi doha neho bagu karene heya labaramu kaweda mono bahenaka yayo to pahatabewaka la gol oro mowa neba hena na Kristus ¹⁰ Karewa labaramu tut anagu, Onisemus ha kolegu labaramu bagu engahongo la gol, ¹¹ ul hongo janemango gona labaramu, nebahena mango tepijana, ¹² Yayo hawedeya na anagu, bali labaragu ¹³ Oda hena bada dokunekan gu beni kana engango labaragu oro ngoi kana ha kabu ategu enga tonga bana jeluwu. Kana woga ba enga hogu la gol, tut li nai morda. ¹⁴ Ta bolo, jag ngomani jag wawa mawa, rayin aha ahanbo, oro jaha ngomu tutngo parayim kadoha ja hene hingmana orongo habene kagya. ¹⁵ Enga win nadi Onisemus, kada mahewa hodi wai la baramu, oro nani kam hiba habalya, ¹⁶ Ta bollo abum ata nelkan tutnamela karehi doha wal no, kam ole beni kadohaki mo kam manaja tag meha nemagumi reh neho tutumu kanengo la kabimu kaha tena la mor da. ¹⁷ I bam, hatena nehoya ba ole hayilda, hibaya Onisemus kahengo bamu hi bawa dugu. ¹⁸ I bana ray kango kajala labaramu mono wuta labaramu, ha balka gani la yoyo. ¹⁹ Yayo Paulus, ka tulhoyayiyo wan lima dagugu. Yayo baleha kohagudi jag tok maya tangadi wutamu labaragu, tut morha dagumu. ²⁰ Ne bagu ole begimi, je kamona kana engango la mor da kana kolengo kadoha wal labaramu. Hamuraha gana ate la mor da. ²¹ Oro hate nagu iamag rayin kadoha, yayo gu tulhoya hurata labaramu, oro nani bagu tajaya harayimu kareh wal hareg. ²² I nanla oha am hagona kida tagu oro bagu moneg baha li laka wojomu nemela daha tingo ha bam hatena howa balkawa labaramu. ²³ Epafras, olegun tama lagol oro ngara Mori Kristus, gu hangodini li tagmu, ²⁴ He jalana Markus, Aristarkhus, Demas mono Lukas, ole karejagu, ²⁵ Kanyuru kawalneya la morda, Yesus Kristus mono bana modahe wad kateng kalangna engongo labaramu.