¹ Wai lai Yudas, kadokuni Yesus Kristus mona ole benai Yakobus iyi ha padena mona hawanawarana Allah Bapa loho hakarawonai Yesus. ² Manawara mona doha ne kohan la baramu. ³ Ole begu, ne bahena yayo hayil tepijaguni tulhai tutu marhoda ida, yayo gu tulho nehow tutumu mona karewu tanam kam hayili tepijau tut hatena paha dukimu hadata wal neba hena koha duki neme ia bara ta kaha tena. ⁴ Oro nedi toyo diha hadoyo katama kabunyi. Jaha taja wada idiyka hat walka ulu pahatutuda tamna la golu. To jakaha tena ka jala wani na kanyuru Allah ida tutu bonngo hakabu ate, mono katularami na hawuki kama baba mono Tuhan Yesus. ⁵ Yayo beni hape hangatau langkam taja wa kanta tanga kohana nena Tuhan na ha morhaika tona mona wal na tana Mesir. ⁶ Mono malaikat-malaikat, jaka dokini nola diki hadaguna iya, mona jo ne walida hadoda iyo, paja mowaka hapingowadi kalele ka engango la ka pogto ka hoda kapoguta tutu ia wapu duku lalodo bokola. ⁷ He jaladai Sodom monai Gomora mona horona-horona kadoheka, ka ponya kabu atena tutu doku jala tut hai dodi todonga mona na gehan ha dadi to donga jaka tidango mona tagudi doku jala api jaka boda wenetog. ⁸ Hejalaka hi toyo, kadawu nedi naga nipda, bokala wani na pola toda, tun larani hajaja mona terliu kohai to kahatena. ⁹ Mikhael dagu talu hulu malaikat tangro habare-bare donganady marapu tutu karogonai Musa, Jana dadi ama bana tokiy jaka doha la barana ta bolo hatoki hena "Bana modahek kana baniniy Tuhan!" ¹⁰ Tabolo to hadoki tokinewaliyi heme jaha taja wada,ha ja waheda dokide hobeda, hengo haranga kaja mang oaha ngadana i kohaika hamaho dongadadi. ¹¹ Matemka yommi, bamu dokini na lara ha linai Kain, mona geha awa elon haraina kajalai Bileam loho matemka oro harayim kahengo Korah. ¹² Hi iyo hatujai noda nela makoha manawaramu kamudongagu, jaka bohi ape nehe nana daguna, iyo hatuja la kareba ka jangodi ura, ha gadi nutu nemeda haringi iyo hatungo la punge yayu ka ja wuyo ne la rahi wuda ha dungo mate mona batu di kalartona. ¹³ Iyo nahatuja ngalung bon ka bani noka hatingoni harayida jaka daha, iyo naha tuja nela maduno-maduno ka nahiy no daguna kapogta kahil kapogta harayda duk nemela. ¹⁴ Mona tutu yina toyo Henokh, anan nuhum pitu dode walai Adam bana maraim "pahorango nemena Tuhan marongadi rata-rata to kaha tenaya (muraha). ¹⁵ Tuta palakoya dok mana jala tutu tanga kohada toyo hataman la golu hato kajala tutu tangakohada haniyida ka jala, bada hil raiwani kajala, mona tanga kahada hanewen ka bokala hatokda ne toya ka jala jaka doha lai Allah. ¹⁶ Hitayo da benengo mengeluh, mayega-yegango jala, mona dokin no ha kabu ate daguda hi tayo to jadohai, mono ma lell to hawadeka tanam ha kaledonga. ¹⁷ Olebe-olebe ha manawaragu yayo mu ha apenehoyi atu hatoki mowanai rasul-rasul Tuhan da Yesus Kristus. ¹⁸ Iyo da hanewe labaramu, "neme lodo mur" nedilah kaha terliu ka dokini kabu ate daguda kajala. ¹⁹ Iyo hi toyo karayini paho watedonga dokini ha kabu ateda don tana, mona janeamange rohda. ²⁰ Ta bolo yomi ole begu ha manawaragu, ha kode yaka na nagumu la pon hatena kamuraha mono kawojo dalolai Roh Kudus. ²¹ Karawoya na pola tomu dalola manawara Allah kam rema wani na kanyuru Tuhan da Yesus Kristus, kaha arogu la morha hangata. ²² Dagukingolah ate kadohz heme kajahatena tepijaho. ²³ Tulkidlah to hawadeka, hatingonilah namawanawaramu, ha olewam kabohi, loho bajamubedi kalebeda iyo hawanoda boyo jaka doha la pontana. ²⁴ Dokuni hatokina ka kawaha jawamu jana kanadu ama mono naha negu jamu cacat amawu la arona tahata na ngarana lagebora bokola. ²⁵ I wahengo Hawu Allah lede morhada, lilai Kristus Tuhan da ida, katengu, kalango kulho mono kawahana wali ne bahena koha neme ulna nebahena koha duki neme.