¹ Wal lay Simon Petrus, ana hakodomu monno ka ha dukini na li nay Maroba Yesus, tut ngo labarada ka hiba mowayaka li hatena kaha mera monno ne yama ha daguma wal lay lara katenana Morda monno lara morhada Maroba Yesus. ² Wad ka tengngo monno manawara milla ate na lagebora tutumi ne bam tajaya Mroba Allah monno Mroba Yesus, Morda. ³ Liha rehana na womowadanka labarada itango tang kohana ka wing la tut morha monno katengngo, wal ngo bada peweni tut nay mori kamakoda itango aro la marewa kik rewa monno doha Morda. ⁴ Wal nena, na woyi maringi malala la barada liha nukna kabokola monno kamang wolna orongo tangada hepaha rahinanya mu dokngo tut dedongo ngara, monno moda hilpongo walka doku jala kadadi la pon tana, orongo bada dadi tut tu tangada dadara. ⁵ Tut ngo yi hakab ate rayi ullah te pijaki - pijakingo kana mataba lihatena monno doha, doha monno pewe, ⁶ pewe monno ja ta awakma, ja ta awakma monno tahngo, tahngo monno tena, ⁷ tena monno manawara hi jadi ole bemu, manawara hija kidi ole bemu monno abu ihing kango tut dagumu ha urhommu. ⁸ Orongo, iba tang tang kohada ba nekadi la pola tomu monna hangadi ma taba, maka yom jana dadikma liloko jana wukma dalo la pahangada Morda Mroba Yesus. ⁹ Tabollo, to jaka daguni tang kohana iney la toyo jaka ite doha monno moro oro bana bulani bana hamurahani wal la dok jala ka ul. ¹⁰ Oro idoy ka ole begu kaba piwal kingo kam ha yil te pija tanam kam pataja pijan baha makow monno baha pedew, bam ray nel doni jam kanadu amawu. ¹¹ Alak nanka bina tam dalo Tuhan mona ka tagudi doku jala Yesus Kristus kana ma bugera luro tagumu. ¹² Idoka nene hakabu ategu magu ha ape hangata gim tangada, langkam pewekan langkam hakode kaya mona kulho, tutu katena nebahena hadagugu. ¹³ Bagu morha nehowa la umah pontana, gu ha apenehowu tut ha apegu. ¹⁴ Oro bagu taja neya oro yaya enga yela negun na uma, hengo paha tingo mowa daga labaragu mona mana dango oro Morda Maroba Yesus. ¹⁵ Mona yayo gu hayil tepijawa dik kulhogu bagu tul luggu, mono bagu apel tangada, nemelah la lahabalina bagu halakowa. ¹⁶ Oro yama jaka domani hanewe marapu pa rai awa awada paha dohada, wal ne bada tokya labaramu madetana mona mana na Morda Maroba Yesus, orongo yama ka itewan mata manadango na morda. ¹⁷ Orongo Maroba Yesus bana hiba neya liha akango, mona manadango wal la Maroba Allah, kahengo bana tokya labarada orongo ngora tengngo, ika yina anagu hamanawaragu labarana ido dogu. ¹⁸ Yama domo marongo li kama wal la Sorga, tongroma bama hawungo mono bama olen lalete magilata. ¹⁹ Yama domo maha tena tepija neya ahan ha tok la ullu bana modahe kam ite kiya hadoha kita kahengo bamu heya na api ka magakana la jonga kapogta, dukngo kahudo bana ma, mono ngodu delaka mana huda la atemu. ²⁰ Ta idoka ulhingo lara, ne paha ape gugimi ja ne amango ha tok walla ulla, walla hurata hor, ha taka tutda dadi toyo. ²¹ Orongo jana amango hawua ka nengo walla hakabu atena kadadi toyo ka hepijango toyo bana hanewe tut ngara Maroba Allah, bana panda wad ka tengngo.