¹ Dari Paulus, Silwanus ba Timotius, ka urak'ng-urak'ng Tesalonika nang ada ka daap'm dama Jubata diri' ba ka daap'm dama Jubata Yesus. ² Pangasihat'n ba damai dari Jubata, ba dari Jubata Yesus kira'e marakati' kabat'nnyu. ³ Kami arus salalu barucap syukur ka Jubata karana kita' samua page kamaru'. Ga' memang arus ayakuihanlah kira'e, barang ga' iman kita' sia' batamah-tamah ba pangasihat'nnyu uga' ka seko' ba ka nang laine sia' kuat sidi ka antara kita', ⁴ ka daap'm samua urak'ng nang idupe picaya' ka Jubata koalah arap sidi ati kami waktu nangar katabahat'n ba iman kita' ka daap'm sagala panindasan ba panganiayaan nang kita' ngalami': ⁵ nang kuihanlah buktie ayamae adile pangadilat'n Jubata, nang udah nojokat'n ayamae sabanare kita' samua'e sidi pantas jaji urank'ng-urak'ng nang diap'm ka Subayat'n, angkit'nlah kita' idup singsara sidi barang karna pamarintahat'n Karajaan Subayat'n kuihan. ⁶ Ga' memang adil sasidie onto' Jubata malasat'n singsara ka urak'ng-urak'ng ⁷ nang udah malasahi' kita' ba mare' katanangan ka kita' nang udah dimalasahi', ba uga' ka kami, waktu Jubata Yesus turut'n dari Subayat'n nojokat'n diri'E sirage ba malaikat- malaikatE, ka daap'm kuasaE, ka daap'm api nang angat mati, ⁸ Ia minjawat balasat'n ka urak'ng-urak'ng nang bai' nganal Jubata ba ina naati' Injil Yesus, Jubata diri'. ⁹ Kabat'ne koa ana pasti diukum mati salamae, dijauhat'n dari Subayat'n ba kemuliaan Jubata. ¹⁰ Ada waktue ana Ia atak'ng agi 'onto' dimuliaat'n ka antara urak'ng-urak'ng kudusE ba onto' dingagumi' ka samua urak'ng nang picaya, baràngga' barita baik nang kami ngicak'nag ka kità' nyian udah kita' micayai'. ¹¹ Karana kuihanlah kami nyian sau badoa hane onto' kita' supaya Jubata diri' nganggap kita' pantas sidi onto' saruat'nE ba kakuatanE nyampurnaat'n tabiat kita' onto' sau babuat baik ihane ba nyampurnaat'n pakarajaat'n iman kita', ¹² sampe dama Yesus, Jubata diri' dimuliaat'n ka daap'm diri' kita', kita' pun diap'm ka daap'mE, saturut kasih sayak'ng Jubata diri', Yesus Kristus.