¹ Dari Paulus, rasul Jubata Karistus Yesus manurut parentah Jubata Panampa, Juruslamat diri' ba Jubata Karistus Yesus, nang jaji dasar pangarapatn diri'. ² Untuk Timotius, anakku nang sah ka daamp iman: kasih karunia, rahmat man damai sajahtera umpat ka Jubata Panampa Apa'k diri' ba Karistus Yesus, Jubata diri' nyaratai kao. ³ Waktu koa pas aku narusatn pa'jaa'nanku ka binua Makedonia, aku udah nyuruh kao biar kao diaamp ka Efesus bisa nasehati urakng-urakng tatantu ka koa, biar mereka ame ngajaratn ajaran nang lain. ⁴ ataupun sibuk curita ba tutur nang inak putus-putus, nang minjawat masalah kahe, buke kasalamatan idup tertip nang di mare Jubata Panampa ka daamp iman diri' ⁵ Tujuan nasehat koa ialah kasih nang timu dari daamp ati nang suci,dari ati nurani nang murni ba dari iman nang tulus ikhlas. ⁶ tapi ada ugak urakng nang inak sampe ka tujuan koa nang sasat ka daamp omongan nang sia-sia. ⁷ mereka koa maok jajia'k pangajar hukum Taurat padahal mereka inak ngarati ahe pokok-pokok nang mutlak ba pasti nang mereka madahatn. ⁸ diri' nauan bahwa hukum Taurat koa baik kade tapat pangunaane. ⁹ maka dengan ka sadaratn bahwa hukum Taurat koa buke lah bagi urakng nang banar tapi bagi urakng nang durhaka , urakng nang kejam, bagi urakng nang jahat, bagi urakng duniawi, bagi urakng inak ba agama, bagi pamunuh apak, bagi nang pamunuh uwe'k, bagi urakng nang pamunuh, ¹⁰ bagi urakng nang cabul ba pamabayak, bagi pancolek, bagi urakng pangalok, bagi urakng makatn sumpah dan sataruse sagala sasuatu nang ba tantangan ajaran nang sehat. ¹¹ nang sasuai ba Injil dari Jubata Panampa nang Mulia ba maha bahagia, saparati nang di micayaatn ka aku. ¹² aku ba sukur ka Ia, nang nguatatn aku, ya koa Kristus Yesus Jubata diri', maka koa Ia nganggap aku setia ba micayaatn palayanan nyian ka aku- ¹³ aku nang tadie urakng penghujat ba pa nganiaya ba ganas,tapi aku di ngasihi'k E, jukut samuae koa udah ku ngarajaan tanpa pangatahuan ka luar dari iman. ¹⁴ Malah kasih karunia Jubata diri' di mare ba limpahatn ne ka aku daamp iman ba kasih. ¹⁵ Pakataatn nyian banar ba patut di tarima' sapanuhe:" Karistus Yesus atakng ka dunia nyian untuk nyalamatatn urakng nang ba dosa",ka antara mereka koa akulah nang paling ba dosa. ¹⁶ Tapi sabab koa aku di ngasihi'k, biar ka daamp diri'k ku nyian, jaji urakng nang paling ba dosa, Jubata Yesus Karistus nunjukatn ka sabaratn Ne. maka koa aku jaji contoh bagi mereka nang picayak ka Ia lalu namu idup nang kekal. ¹⁷ Hormat ba kemuliaan sampe salama-lamae bagi Raja sagala zaman, Allah nang kekal, nang inak ka teeatn, nang esa! Amin ¹⁸ Tugas nyian ku mareatn ka kao Timotius anakku, sasuai ba ahe nang udah di nubuattant ka diri'k nyu, biar di kuatatn ba nubuat koa kao ngusahaatn pajuangan nang baik di saratai iman ba ati nurani nang murni. ¹⁹ ada sagahe urakng udah nolak ati nurani nang murni koa, maka koa kandaslah iman mereka, ²⁰ ka antarae Himeneus ba Aleksander, nang udah ku nyarahatn ka iblis, biar jara'k mereka koa menghujat.