¹ Dari Paulus, Silwanus, ba Timotius untu' jemaat urakng-urakng Tesalonika nang ada kadaapm Jubata Apak ba kadaapm Jubata Yesus Karistus. Kasih karunia ba damai sejahtra ada ka kita'. ² Kami sau ngucap sukur ka Jubata untu' kita samua, ba nyabut kita' ka daapm doa kami. ³ Barang kami sau ingat pakarajaatn imannyu, usaha kasihnyu, ba katekunan pangarapatn nyu ka Jubata diri' Yesus Karistus ka adapatn Jubata Apak dirik ⁴ Kami nauan, hei kamaruk-kamaruk nang di ngasihi Jubata, kade Ia dah milih kao. ⁵ Barang Injil nang kami baritaatn buke di sampeatn ka kao kahe bakata-kata maan, tapi ugak ba kakuatan Roh Kudus ba kapastian nang kokoh. Memang kao nauan, ayamae kami bakaraja ka samak nyu, barang untu' kao. ⁶ Dan kao udah jaji panurut kami ba panurut Tuhan; daapm panindasan nang barat kao repo sidi udah narima firman nang dingarajaan di Roh Kudus koa, ⁷ sataruse kao udah jaji panutan untu' samua urakng nang picaya ka wilayah Makedonia ba Akhaya. ⁸ Barang ka antara kao firman Tuhan babunyi buke kahe ka Makedonia ba Akhaya, tapi ka samua tampat udah tasiar kabar imannyu ka Jubata, barang koalah kami ina pararu agik matakatn ahe-ahe pun soal koa. ⁹ Barang kabatne koa ngihan nang bacurita soal kami, aya mae kao nyambut kami, ba aya mae kao babalik dari berhala-berhala ka Jubata untu' ngalayani Jubata nang idup ba banar, ¹⁰ dan untu' nunggu ka atangan Anak-E dari saruga, nang udah di mangkitatn-Dihe ka antara urakng mati, yakoa Yesus, nang nyalamatatn dirik dari ukuman nang atakng ana.