¹ Oi Pulaknai-pulaknai, amun naan ulun kadapatan ngawi palanggaran, kayo sa rohani harus nyampudi ulun hio sameh nihi roh samaleme. Bajaga-jaga lei supaya kayo kakarep ada uma tagoda. ² Saling bakakawat leh huang nanggung beban, supaya kayo taat hukum Kristus. ³ Amun naan ulun sa nganggap tenga, e penting, pada hal bakoi kaliho, aye nipu tenga e, kakarep. ⁴ Ayu lei tiap ulun nguji kalakuan, e kakarep. Udi hio aye, tau bangga ngini keadaan aye kakarep nilai bakoi ngabanding hange nihi ulun lain. ⁵ Sabab tiap ulun harus nanggung beban, e kakarep. (Tataplei ngulah Hal sa Madi) ⁶ Hiye sa kahalu pangajaran tehe Firman Allah haruslah aye ngabagi e kaluhan hal sa maeh hio nihi ulun sa ngajar e. ⁷ Ada tatipu, Allah bakoi tau depermain kan, gene ulun kakan manuai inun sa aye tabur. ⁸ Ulun sa nabur nihi napsu kedagingan e, akan tetapi ulun sa nabur teke roh sagar manuai welum sa kekal teke roh. ⁹ Ada taka jari uyuh ngulah maeh, amun musim, e hawi, taka sagar manuai asalkan taka bakoi manyarah. ¹⁰ Sabab hio, amun taka halu kesempatan, ayu lei taka ngulah maeh nihi ulun khusus e gi kaluarga huang iman. (Paulus Mangakhiri Surat e) ¹¹ Inilah batapa hante, hurup-hurup sa kuki tulis gi kayu nihi tangan ki kakarep. ¹² Tre ire sa kakan mamamerkan kabaikan teke hal-hal sa lahiriah sagar mamaksa kayu de sunat ire ngalah hal hio supaya bakoi de aniaya demi Salib Kristus. ¹³ Ire sa de sunat pun bakoi taat Hukum Taurat, tapi ire kakan kayu de sunat agar ire tau mamegah tenga atas sunat kayu. ¹⁴ Samoga kuki bakoi piji mamegahkan tenga, luendi huang Salib Tuhan taka, Yesus Kristus nangkah Salib e, dunia haut desalib kan ge kuki, dan kuki ge dunia. ¹⁵ Desunat nihi bakoi desunat inun leh arti e, sa penting adalah ngajari ciptaan bio. ¹⁶ Bagi kuluhan ulun sa ngajalankan aturan isi, biar bo damai sejahtera nihi rahmat minau atas ire nihi atas israel milik Allah. ¹⁷ Akhir e, ada naan ulun sa napersulit kuki gene kuki nuha tanda-tanda Yesus huang tenga lei. ¹⁸ Pulaknai-pulaknai, kira e Anugerah Tuhan Yesus Kristus naan sasama nihi roh kayu. Amin.