¹ Maksud kuki, salawah ahli waris hio masih halus, aye bakoi naan beda nihi walah hio, biarpun aye ampun kaluhan sanaan. ² Aye naan tahapit kuasa pengawas dan pengurus leublai hampe waktu sadewara ulah ambahe. ³ Udihio taka, waktu taka masih halus, taka jari walah ulah roh-roh dunia ti. ⁴ Akan tetapi, taandrau penggenapan hawi, Allah nunyu anak-E, sa lahir neke erangkulun wawei sa tahapit Hukum Taurat, ⁵ denewuh ire sanaan tahapit Hukum Taurat supaya taka tau narima pengakanan ngalut anak-anak-E. ⁶ V 6 Gana kayo ayelah anak-anak-E, Allah haot nunyu Roh Anak-E ge huang atei taka, sa nerau, "Abba, Bapa." ⁷ Jari, kayo bakoi walah lagi, tapi anak. Jaka kayo ayelah anak, Allah ngajari kayo ahli waris nangkah Kristus. ( Ada Jari walah Lagi ulah Roh-Roh Dunia ) ⁸ Hindra'e, waktu kayo bakoi kataru Allah, kayo ayelah walah neke hal-hal sapada dasare bakoi Allah. ⁹ Namun, saat iti, kayo haot taru Allah atau lebih tepat'e haot nataru ulah Allah, kalawe mungkin kayo berbalik lagi ge roh-roh dunia saleme dan bakoi bagunai? inonkah kayo kakan jari walah lagi? ¹⁰ Kayo ngajalan perayaan atas andrau-andrau, ulan-ulan, musim-musim, dan taun-taun! ¹¹ Kuki takut katika sadeulah ki ge kayo hio sia-sia. ¹² Kuki lako ge kayo, puloknai, jarilah ngalut kuki gana kuki ari kalah kaon sa bakoi bakasal lawan kuki. ¹³ Kayo karasa neke asale kuki ngabar Injil ge kayo gana kahang tenga sa de inamki. ¹⁴ Walaupun leon tengaki merupakan ujian ge kayo, kayo bakoi ngahina atawa nulak kuki. Malahan, kayo nyambut kuki kalah nyambut malekat Allah, ngalut de Yesus Krisus bo! ¹⁵ Kalawe berkat sasalama iti inam ko? sebab, kuki tau bersaksi tentang kayohurapo, inon mungkin, biar desungkit mate ko dan ngami ge kukipun kayo rela. ¹⁶ Inonkah kuki waktu iti jari musuh kayo gana nutui sabujure ge kayo? ¹⁷ Ulun-ulun hio b ausaha ngelo kayo, sabakoi bamaksud maeh. Pangakan ire kakan nyiok kayo pangono ire dekayo ngelo ire lagi. ¹⁸ Karna tujuan'e maeh taka basamangat ngagawi'e, bakoi ekat waktu kuki hayak kayo. ¹⁹ Kaon sa anak kuki, demi kaon, kuki rela hindra lagi ngaret hanange nganak hampe Kristus denyatakan huang kayo. ²⁰ Kuki maharap, kuki tau hayak kayo tanggar saat iti dengubah nada suara ki gana kuki haot galis akal nihi kayo. (Hagar dan Sara sebagai Contoh) ²¹ Antuh ge kuki, haw kayo sa kakan welum tahapit Hukum Taurat, inon kayo bakoi ngarengei Hukum Taurat? ²² Gana naan tatulis, Abraham naan rueh anak'e laki; anak saisa lahir neke wawei walah,dan saisa lagi neke wawei merdeka. ²³ Tapi, anak neke wawei walah hio nurut lunek, sedangkan anak sa neke wawei merdeka nganak nangkah perjanjian. ²⁴ Kisah iti sebagai lambang gana wawei rueh hio melamb angkan rueh perjanjian. Isa perjanjian neke gunung sinai dan nganak anak-anak perbudakan, Ayelah Hagar. ²⁵ Saat iti, Hagar melambangkan Gunung Sinai ngar tane Arab, sama ngalut Yerusalem saat iti gana aye welum huang walah hayak lawan anak-anak'e. ²⁶ Akan tetapi, Yerusalem sa taentu ayelah ayelah wawei sa merdeka, dan aye hio ine taka. ²⁷ Gana naan detulis, "Barami-rami bo, he wawei sa manul, sa bakoi nganak. Berseru dan bakasoraklah, bagi kaon sa bakoi piji nginam mahanang sabalolos nganak. Sebab, lebih ajoh anak neke wawei sakarepe neke wawei sanaan wane," Yesaya 54:1 ²⁸ Puloknai, kayo ayelah nakia sanajanji ngalut Ishak. ²⁹ Tawaktu hio, anak sa lahir manurut lunek dekana sia-sia anak sa lahir manurut Roh, ngalut sa terjadi waktu iti. ³⁰ Gana, inon sa deantuh ulah Kitab Suci? "Usir bo wawei walah hio ingkeng anak uwa'e ulah ire anak walah wawei hio bakoi jari ahli waris sama lawan anak wawei merdeka." ³¹ Gana hio, puloknai, taka lain neke anak walah wawei, tapi neke wawei merdeka.