¹ Neke Paulus, rasul Yesus Kristus ulah pangakan Allah. Ge ulun -ulun ta Efesus, ulun-ulun baiman huang Yesus Kristus. ² Anugerah dan damai sejahtera ge kayo neke Allah, Amah taka, dan Tuhan Yesus Kristus. ( Berkat-Berkat Rohani huang Kristus ) ³ Detango Allah dan Ambah neke Tuhan taka Kristus Yesus, sahaot ngabarkat taka huang Kristus nihi setiap berkat rohani ta surgawi. ⁴ Ulah, Aye midi taka huang Kristus sa mete awal dunia supaya taka jari kudus dan bakoi cacat tahadapan Aye. Huang kasih, ⁵ Aye menetapkan taka neke tukue jari anak angkat nangkah Kristus Yesus sasuai pangakan Aye. ⁶ Aye ngulah hio de kepujian kemuliaan anugerah-E, sahaot dekaruniakan-E nihi cuma-cuma ge taka huang Anak-E sa terkasih. ⁷ Huang Aye, taka halu panewuh nangkah ira-E, Aye ngampun taka hambau pelanggaran-pelanggaran taka sasuai lawan kasugihan anugerah-E, ⁸ sa nasarah Allah ge taka huang kaluhan hikmat dan pengertian. ⁹ Aye mara ge taka rahasia kahandak-E sasuai lawan pangono sa maeh sa haot Aye rencanakan huang Kristus, ¹⁰ Sakakan dekanajalan ketika waktu kapenue hampe de pahayak kaluhan sanaan huang Kristus, sa naan ta surga dan sa naan ta bumi. ¹¹ Huang Kristus, taka haot jari bagian neke warisan sahaot ditetapkan neke asal sesuai lawan rencana Aye, sangulah kaluhan sa naan huang kaputusan pangono Aye. ¹² Supaya taka sapangatuku nondok harapan ta Kristus de jari puji-pujian ge kemuliaan Aye. ¹³ Huang Aye, kayo haot ngarengein firman kebenaran, aye hio Injil keselamatanko, dan percaya ge Aye, dimateraikan nihi Roh Kudus sa dijanjikan. ¹⁴ Roh Barasih adalah jaminan hambau warisan taka, hampe panewuh terjadi hambau ire sajari hak ampun Allah kakarep bagi pujian kemuliaan-E. ( Doa Paulus ) ¹⁵ Ulah gana hio, kuki ngarengei tentang iman kayo huang Tuhan Yesus dan kasih ko ge kaluhan ulun kudus, ¹⁶ kuki bakoi ulep-ulep ngantuh sukur ge kayo waktu kuki ngingat kayo huang doa-doa ki. ¹⁷ Kuki badoa agar Allah neke Tuhan taka, Kristus Yesus, amah neke kemuliaan, ngami kayo roh hikmat dan pernyataan huang pangarasa Aye. ¹⁸ kuki badoa supaya mate ateiko tarawa de kayo ta'u mengerti pengharapan sa takandung huang panerau-E, kasugih satakandung huang warisan samulia bagi ulun-ulun kudus. ¹⁹ Dan kakuatan sahante sabakoi taukur bagi taka sapercaya, kalahawepun sa detutui huang kahante kakuatan-E. ²⁰ Kahante kekuatan-E iti Aye nutui waktu Aye pakambai Kristus neke antara ulun matei dan paharung Aye tatuhi kawan-E ta uneng surgawi, ²¹ sa lawit labih entu neke kaluhan aturan, kekuasaan, kekuatan, pemerintahan, dan lebih entu neke kaluhan aran sa naan, bakoi ekat naan tamasa iti, tapi tawaktu sa kakan de hadap. ²² Aye ngulah segala sesuatu sa takapit pe'e-E dan Aye ngami tenga-E de jari kepala atas segala sesuatu bagi jemaat, ²³ sa adalah tenga-E, ta awe kepenuhan-E nampenu kaluhane dan sagalanya.