¹ Roh bapander nihi jelas bahwa pas waktu-waktu terahir, samehe e akan nanan iman e nihi nyarah tenga nihi roh-roh sasesat dan ajaran setan-setan. ² Ire de pengaruhi nangkah kamunafikan ulun sa pangoso sa atei nurani e sa haot de cap nihi besi malaing. ³ Ire nguring ulun kawin dan nguring ulun kuman panguta sa deciptakan Alllah, sa saharus e de tarima nihi ucapan syukur gana ire sa percaya dan karasa kabujuran. ⁴ Gana, sagala sesuatu sa de ciptakan oleh Allah hio maeh dan bakoi naan sa haram amun de tarima nihi panderan syukur, ⁵ gana kaluhan hio de kuduskan nihi farman Allah dan doa. ( Palayanan Kristus Yesus sa Maeh ) ⁶ Nihi ngajarkan hal-hal iti ge puloknai-puloknai saiman, kayo jari pelayan Yesus Kristus sa maeh, sa kalahawe kayo de didik huang panderan-panderan iman dan ajaran sehatsa haot kayo umba. ⁷ Kana lawit kisah-kisah oso dan sanuhuy-sanuhuy itak tuha, tatapi latihlah tenga ko de welum huang kasalehan. ⁸ Latihan jasmani tabatas gunai ye, tatapi kasalehan bagunai huang sagala hal gana ngingkeh janji gi pamelum sa saati dan ley pamelum sa akan hawi. ⁹ panderan iti tau de percaya dan layak de tarima kaluhan e. ¹⁰ De hiolah, taka bagawi weat dan bajuang. Gana, taka ngondok pangharapan taka gi Allah sa welum, sa aye Juru Salamat kaluhan marasia, taistimewa ire sa percaya. ¹¹ parintah dan ajakanlah hal-hal iti. ¹² Ada naan ulun sa ngarendahkan kayo gana kayo bujang, tapi jarilah teladan gi ulun-ulun sa percaya huang panderan, tingkah laku, kasih, iman, dan kasucian. ¹³ hampe kuki hawi, batekunlah huang pambacaan hayak Kitab suci, huwang ngami nasehat, dan huang mangajar. ¹⁴ Ada manyia-nyiakan karunia rohani sa naan tangar kayo, sa de ami gi kayonangkah nubuatan katika dewan penatua menumpangkan tangan entu kayo. ¹⁵ Lakukanlah hal-hal iti nihi rajin, amilah tenga ko sa utuh e de ngulah hal-hal iti supaya kaluhan ulun induh kindi kamajuan ko. ¹⁶ Perhatikan nihi bujur-bujur kalawe kayo welum dan inon sa kayo ajarkan. Bertekunlah tangar huang e gana ngulah kalah hoi kayo akan nyalamat, maeh tenga ko kakarep maupun ire sa ngarengey ajaran ko.